പുതുകാഴ്​ചകളുമായി ഗ്ലോബൽ വി​ല്ലേജ്

ദുബൈയിലെത്തുന്ന സഞ്ചാരികളെ കഴിഞ്ഞ കാൽ നൂറ്റാണ്ടിലേറെയായി ആകർഷിക്കുന്ന കേന്ദ്രമാണ്​ ഗ്ലോബൽ വില്ലേജ്​. ലോകത്തി​െൻറ വിവിധ രാജ്യങ്ങളിൽ നിന്നുള്ള വാണിജ്യ-വിനോദക്കാഴ്​ചകൾ ആസ്വദിക്കാനിവിടെ സാധിക്കുന്നു. മേളയുടെ 26ാം എഡിഷന്​ ചൊവ്വാഴ്​ച തുടക്കമായിരിക്കുകയാണ്​. അടുത്ത വർഷം എപ്രിൽ 10വരെ തുടരുന്ന വില്ലേജിൽ ഇത്തവണ പുതിയ അനുഭവങ്ങളും കാഴ്​ചകളും ഒരുക്കിയിട്ടുണ്ട്​. സന്ദർശകർക്ക്​ കൂടുതൽ ഇരിപ്പിടങ്ങൾ നിർമിക്കുകയും നടപ്പാതകൾ പുതുക്കിപ്പണിയുകയും ചെയ്​തിട്ടുണ്ട്​.

ആകർഷകമായ നിരവധി പരിപാടികൾ അരങ്ങേറുന്ന മുഖ്യവേദിയിൽ സീറ്റുകൾ വർധിപ്പിച്ചു. ഇവിടെ ഓഡിയോ വിഷ്വൽ സംവിധാനങ്ങളുടെ ഗുണനിലവാരം വർധിപ്പിക്കുകയും ചെയ്​തിട്ടുണ്ട്​. കുട്ടികളുടെ തിയറ്റർ സ്​റ്റേജിലും പുതിയ സംവിധാനങ്ങൾ ഒരുക്കിയിട്ടുണ്ട്​. കാർണവലിന്​​ സമീപം കുട്ടികൾക്കും അവരോടൊപ്പമുള്ളവർക്കും വേണ്ടി പുതിയ സീറ്റിങ്​ സൗകര്യവും നിർമിച്ചു. കോവിഡ്​ കാരണം കഴിഞ്ഞ സീസണിൽ സംഗീത, നൃത്ത പരിപാടികൾ ഒഴിവാക്കിയ സാഹചര്യം ഇത്തവണയില്ല.

അതിനാൽ വിവിധ വേദികളിൽ മികച്ച കലാപരിപടികൾ ആസ്വദിക്കാൻ അവസരം ലഭിക്കും. പുതിയ ഇറാഖി പവലിയനും ഈ സീസണി​െൻറ പ്രത്യേകതയാണ്​. പീറ്റർ റാബിറ്റ്​ അഡ്വഞ്ചർ സോൺ, ഫയർ ഫൗണ്ടെയ്​ൻ ഷോ, വാട്ടർ സ്​റ്റണ്ട്​ ഷോ എന്നിവ ഇത്തവണയുമുണ്ട്​. കഴിഞ്ഞ വർഷം പുറത്തിറക്കിയ ​േഗ്ലാബൽ വില്ലേജ്​ ആപ്പ്​ ഡൗൺലോഡ്​ ചെയ്യുന്നവർക്ക്​ ആഗോള ഗ്രാമത്തിലെ ഓരോ കേന്ദ്രങ്ങളും കൃത്യമായി മനസിലാക്കാൻ കഴിയും. പാർക്കിങ്​ എവിടെയൊക്കെ ലഭ്യമാണെന്നതും ഇതുവഴി അറിയാൻ സാധിക്കും.

യു.എ.ഇയിൽ ആരംഭിച്ച എക്​സ്​പോ 2020 ദുബൈയും ട്വൻറി20 ലോകകപ്പും കാണാ​നെത്തുന്ന സഞ്ചാരികൾ കൂടി ഗ്ലോബൽ വില്ലേജിലെത്തിയാൽ കഴിഞ്ഞ വർഷങ്ങളിലേതിൽ നിന്ന്​ വ്യത്യസ്​തമായി നല്ല തിരക്കാണ്​ പ്രതീക്ഷിക്കുന്നത്​.

ടിക്കറ്റ്​ എങ്ങനെ?

ഓൺലൈനിൽ ബുക്ക്​ ചെയ്യുന്നവർക്ക്​ 15 ദിർഹമാണ്​ പ്രവേശന ഫീസ്​. എന്നാൽ, ​േഗ്ലാബൽ വില്ലേജിലെ ഗേറ്റിൽ നേരി​ട്ടെത്തി ടിക്കറ്റെടുത്താൽ 20 ദിർഹം നൽകണം. globalvillage.ae എന്ന വെബ്​സൈറ്റ്​ വഴിയോ മൊബൈൽ ആപ്പ്​ വഴിയോ ടിക്കറ്റ്​ ബുക്ക്​ ചെയ്യാം. ദിവസവും വൈകുന്നേരം നാല്​ മുതൽ രാത്രി 12 ​വരെയാണ്​ വില്ലേജ്​ പ്രവർത്തിക്കുക. വ്യാഴം, വെള്ളി ദിവസങ്ങളിൽ ഒരു മണി വരെയായിരിക്കും പ്രവർത്തനം. തിങ്കളാഴ്​ചകളിൽ കുടുംബങ്ങൾക്ക്​ മാത്രമാണ്​ പ്രവേശനം. എന്നാൽ, പൊതു അവധികൾ വരുന്ന തിങ്കളാഴ്​ചകളിൽ എല്ലാവർക്കും പ്രവേശനമുണ്ടാകും.

പുതിയ ആകർഷണങ്ങൾ

• ഇന്ത്യ-ആഫ്രിക്ക പവലിയനുകളെ ബന്ധിപ്പിക്കുന്ന പാലത്തിന്​ പുതിയ തീം
• അറേബ്യൻ സ്​ക്വയറിന്​ സമീപം പുതിയ ഇൻസ്​റ്റഗ്രാം സ്​ട്രക്​ചർ
• ഹാപ്പിനെസ്​ സ്​ട്രീറ്റും ഫയർവേർക്​സ്​ അവന്യൂവും ബന്ധിപ്പിക്കുന്ന കോറിഡോർ
• കാർണവലിലേക്കുള്ള വഴിയിൽ
• പുതിയ ജലധാര
• ഫീസ്​റ്റ സ്​ട്രീറ്റിൽ കൂടുതൽ സ്​ട്രീറ്റ്​ ഫുഡ്​ കിയോസ്‌ക്കുകൾ
• തെരുവ്​ വിനോദ പരിപാടികളുടെ നിയന്ത്രണം നീങ്ങി
• അഥിതികളെ പാർകിങ്​ സോണുകളിൽ നിന്നും തിരിച്ചും എത്തിക്കാൻ ഡോ​ട്ടോ ട്രെയിനുകൾ