അ​ബൂ​ദ​ബി വി​മാ​ന​ത്താ​വ​ള​ത്തി​ൽ കു​ട്ടി​ക​ൾ​ക്ക് പു​തി​യ സെ​ൻ​സ​റി മു​റി​ക​ൾ

അ​ബൂ​ദ​ബി: ഓ​ട്ടി​സം ബാ​ധി​ച്ച​വ​ര​ട​ക്കം ദൃ​ഢ​നി​ശ്ച​യ വി​ഭാ​ഗ​ത്തി​ലെ കു​ട്ടി​ക​ൾ​ക്കു​വേ​ണ്ടി അ​ബൂ​ദ​ബി അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ പു​തി​യ സെ​ൻ​സ​റി റൂ​മു​ക​ൾ തു​റ​ന്നു. അ​ബൂ​ദ​ബി 'ഏ​ർ​ളി ചൈ​ൽ​ഡ് ​ഹു​ഡ് അ​തോ​റി​റ്റി'​യു​മാ​യി സ​ഹ​ച​രി​ച്ചാ​ണ് സാ​യി​ദ് ഹ​യ​ർ ഓ​ർ​​ഗ​നൈ​സേ​ഷ​ൻ ഫോ​ർ പീ​പ്​​ൾ ഓ​ഫ് ഡി​റ്റ​ർ​മി​നേ​ഷ​നും അ​ബൂ​ദ​ബി വി​മാ​ന​ത്താ​വ​ള​വും ര​ണ്ട് സെ​ൻ​സ​റി റൂ​മു​ക​ൾ​ക്ക് തു​ട​ക്ക​മി​ട്ട​ത്. തി​ര​ക്കേ​റി​യ പൊ​തു​സ്ഥ​ല​ങ്ങ​ളി​ൽ ശാ​ന്ത​മാ​യ അ​ന്ത​രീ​ക്ഷ​വും സൗ​ക​ര്യ​വും ല​ഭ്യ​മാ​ക്കു​ക​യാ​ണ്​ ഇ​തു​കൊ​ണ്ട്​ ല​ക്ഷ്യ​മി​ടു​ന്ന​ത്. അ​ബൂ​ദ​ബി​യി​ലെ വാ​ണി​ജ്യ​കേ​ന്ദ്ര​ങ്ങ​ൾ അ​ട​ക്ക​മു​ള്ള സു​പ്ര​ധാ​ന മേ​ഖ​ല​ക​ളി​ൽ ആ​റു സെ​ൻ​സ​റി റൂ​മു​ക​ൾ ആ​രം​ഭി​ക്കാ​നാ​യി 2021ൽ ​ആ​ദ്യം സാ​യി​ദ് ഹ​യ​ർ ഓ​ർ​​ഗ​നൈ​സേ​ഷ​ൻ ഫോ​ർ പീ​പ്​​ൾ ഓ​ഫ് ഡി​റ്റ​ർ​മി​നേ​ഷ​നും അ​ബൂ​ദ​ബി വി​മാ​ന​ത്താ​വ​ള​വും ധാ​ര​ണ​പ​ത്രം ഒ​പ്പി​ട്ടി​രു​ന്നു. ഇ​തി​ന്‍റെ ഭാ​​ഗ​മാ​യാ​ണ് ര​ണ്ടു സെ​ൻ​സ​റി റൂ​മു​ക​ൾ ഇ​പ്പോ​ൾ ആ​രം​ഭി​ച്ച​ത്. ടെ​ർ​മി​ന​ൽ ഒ​ന്നി​ലെ​യും ടെ​ർ​മി​ന​ൽ മൂ​ന്നി​ലെ​യും ക​ളി സ്ഥ​ല​ത്താ​ണ് സെ​ൻ​സ​റി റൂ​മു​ക​ൾ തു​റ​ന്ന​ത്. ഭി​ന്ന​ശേ​ഷി​ക്കാ​രാ​യ കു​ട്ടി​ക​ളു​ടെ ഏ​കാ​​ഗ്ര​ത​യും പ​ഠ​ന​ശേ​ഷി​യു​മൊ​ക്കെ ആ​ക​ർ​ഷി​ക്കു​ന്ന രീ​തി​യി​ൽ പ്ര​ത്യേ​ക വെ​ളി​ച്ച​വും സം​​ഗീ​ത​വും ഉ​പ​ക​ര​ണ​ങ്ങ​ളു​മൊ​ക്കെ അ​ട​ങ്ങി​യ​താ​ണ് സെ​ൻ​സ​റി റൂ​മു​ക​ളു​ടെ സ​ജ്ജീ​ക​ര​ണം.