അ​ൽ വ​ർ​ഖ​യി​ലേ​ക്ക്​ പു​തി​യ പാ​ത; യാ​ത്രാ​സ​മ​യം കു​റ​യും

ദു​ബൈ: ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ റോ​ഡി​ൽ​നി​ന്ന്​ അ​ൽ വ​ർ​ഖ പ്ര​ദേ​ശ​ത്തേ​ക്ക്​ പു​തി​യ പ്ര​വേ​ശ​ന, പു​റ​ത്തു​ക​ട​ക്ക​ൽ പാ​ത തു​റ​ക്കാ​നൊ​രു​ങ്ങി ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ). അ​ടു​ത്ത ആ​ഴ്ച​യോ​ടെ​യാ​ണ്​ യാ​ത്ര​ക്കാ​ർ​ക്ക്​ ഏ​റെ ഉ​പ​കാ​ര​പ്പെ​ടു​ന്ന പാ​ത തു​റ​ക്കു​ന്ന​ത്. ഇ​ത്​ പ്ര​ദേ​ശ​ത്തേ​ക്കു​ള്ള യാ​ത്രാ​സ​മ​യം 20 മി​നി​റ്റി​ൽ​നി​ന്ന്​ 3.5 മി​നി​റ്റി​ലേ​ക്ക്​ കു​റ​ക്കു​മെ​ന്ന്​ അ​ധി​കൃ​ത​ർ പ്ര​സ്താ​വ​ന​യി​ൽ പ​റ​ഞ്ഞു. 5.7 കി.​മീ​റ്റ​ർ ദൂ​ര​മു​ണ്ടാ​യി​രു​ന്ന യാ​ത്ര 1.5 കി.​മീ​റ്റ​റാ​യാ​ണ്​ കു​റ​യു​ന്ന​ത്. ഇ​ത​നു​സ​രി​ച്ച്​ 80 ശ​ത​മാ​നം സ​മ​യ​ലാ​ഭ​മാ​ണ്​ യാ​ത്ര​ക്കാ​ർ​ക്ക്​ ഇ​തി​ലൂ​ടെ ല​ഭി​ക്കു​ക.

പു​തി​യ റൂ​ട്ടി​ൽ മ​ണി​ക്കൂ​റി​ൽ 5,000 വാ​ഹ​ന​ങ്ങ​ളെ ഉ​ൾ​ക്കൊ​ള്ളാ​നാ​കും. അ​തോ​ടൊ​പ്പം ഗ​താ​ഗ​ത​ക്കു​രു​ക്ക്​ കു​റ​ക്കാ​നും പ്ര​ദേ​ശ​ത്തേ​ക്ക്​ പ്ര​വേ​ശ​നം എ​ളു​പ്പ​മാ​ക്കാ​നും സ​ഹാ​യി​ക്കു​ക​യും ചെ​യ്യും. വി​ശാ​ല​മാ​യ വി​ക​സ​ന പ​ദ്ധ​തി​യു​ടെ ഭാ​ഗ​മാ​യി, താ​മ​സ​ക്കാ​ർ​ക്കും സ്കൂ​ൾ മേ​ഖ​ല​ക​ൾ​ക്കും കൂ​ടു​ത​ൽ ഉ​പ​കാ​ര​പ്പെ​ടു​ന്ന​തി​നാ​യി ആ​ർ.‌​ടി.‌​എ അ​ൽ വ​ർ​ഖ 1ലെ ​സ്ട്രീ​റ്റ് 13 ന​വീ​ക​രി​ച്ചി​ട്ടു​ണ്ട്. ഗ​താ​ഗ​തം മെ​ച്ച​പ്പെ​ടു​ത്തു​ന്ന​തി​നും യാ​ത്രാ കാ​ല​താ​മ​സം കു​റ​ക്കു​ന്ന​തി​നും ജീ​വി​ത​നി​ല​വാ​രം ഉ​യ​ർ​ത്തു​ന്ന​തി​നും ല​ക്ഷ്യ​മി​ട്ടു​ള്ള 8 കി.​മീ​റ്റ​ർ റോ​ഡ് വി​ക​സ​ന പ​ദ്ധ​തി​യു​ടെ ഭാ​ഗ​മാ​ണ് ഇ​ത്​ പൂ​ർ​ത്തി​യാ​ക്കി​യ​ത്. ദു​ബൈ​യു​ടെ അ​തി​വേ​ഗ​മു​ള്ള ന​ഗ​ര​വ​ള​ർ​ച്ച​ക്ക് അ​നു​സൃ​ത​മാ​യി സു​സ്ഥി​ര​മാ​യ ഗ​താ​ഗ​ത സം​വി​ധാ​ന​ങ്ങ​ൾ വേ​ഗ​ത്തി​ലും സു​ര​ക്ഷി​ത​മാ​യും ഉ​റ​പ്പാ​ക്കു​ന്ന​തി​നു​ള്ള പ​ദ്ധ​തി​ക​ളു​ടെ ഭാ​ഗ​മാ​ണ്​ പ​ദ്ധ​തി​യെ​ന്ന്​ ആ​ർ.​ടി.​എ പ്ര​സ്താ​വ​ന​യി​ൽ പ​റ​ഞ്ഞു. ബ​ദ​ൽ ഗ​താ​ഗ​തം പ്രോ​ത്സാ​ഹി​പ്പി​ക്കു​ന്ന​തി​നും ക​ണ​ക്റ്റി​വി​റ്റി മെ​ച്ച​പ്പെ​ടു​ത്തു​ന്ന​തി​നു​മാ​യി ആ​ർ.‌​ടി.‌​എ അ​ൽ വ​ർ​ഖ 3, 4 എ​ന്നി​വി​ട​ങ്ങ​ളി​ലെ ഉ​ൾ​റോ​ഡ് ന​വീ​ക​ര​ണം ന​ട​ത്തു​ന്നു​ണ്ട്. പു​തി​യ കാ​ൽ​ന​ട പാ​ത​ക​ൾ, പാ​ർ​ക്കി​ങ്​ സ്ഥ​ല​ങ്ങ​ൾ, 23 കി.​മീ​റ്റ​റി​ല​ധി​കം സൈ​ക്ലി​ങ്​ ട്രാ​ക്കു​ക​ൾ എ​ന്നി​വ ഇ​തി​ൽ ഉ​ൾ​പ്പെ​ടും.

അ​ൽ വ​ർ​ഖ 1ലെ ​നി​ല​വി​ലെ റൗ​ണ്ട്എ​ബൗ​ട്ടു​ക​ൾ സ്മാ​ർ​ട്ട് സി​ഗ്ന​ലൈ​സ്ഡ് ഇ​ന്റ​ർ​സെ​ക്ഷ​നു​ക​ളാ​ക്കി മാ​റ്റു​ന്ന​തും ഭാ​വി പ​ദ്ധ​തി​ക​ളി​ൽ ഉ​ൾ​പ്പെ​ടു​ന്ന​താ​ണ്. 136 വി​ല്ല​ക​ളു​ള്ള മു​ഹ​മ്മ​ദ് ബി​ൻ റാ​ശി​ദ് ഭ​വ​ന പ​ദ്ധ​തി​ക്ക്​ സ​ഹാ​യ​ക​ര​മാ​കു​ന്ന റോ​ഡു​ക​ൾ അ​ൽ വ​ർ​ഖ 4ൽ ​ഇ​പ്പോ​ൾ പൂ​ർ​ത്തി​യാ​യി​ട്ടു​ണ്ട്. ഇ​തി​ന്‍റെ ഭാ​ഗ​മാ​യി കാ​ൽ​ന​ട​പ്പാ​ത​ക​ളും പ​രി​സ്ഥി​തി സൗ​ഹൃ​ദ ഗ​താ​ഗ​ത​ത്തെ പി​ന്തു​ണ​ക്കു​ന്ന​തി​നാ​യി 7.4 കി.​മീ​റ്റ​ർ സൈ​ക്ലി​ങ്​ ട്രാ​ക്കും ഉ​ൾ​പ്പെ​ടു​ത്തി​യി​ട്ടു​ണ്ട്. അ​ൽ വ​ർ​ഖ നി​വാ​സി​ക​ളു​മാ​യി ന​ട​ത്തി​യ സം​ഭാ​ഷ​ണ സെ​ഷ​നു​ക​ളി​ൽ ശേ​ഖ​രി​ച്ച ക​മ്യൂ​ണി​റ്റി ഫീ​ഡ്‌​ബാ​ക്കി​ന്റെ അ​ടി​സ്ഥാ​ന​ത്തി​ൽ​കൂ​ടി​യാ​ണ്​ ന​വീ​ക​ര​ണ​ങ്ങ​ൾ പൂ​ർ​ത്തി​യാ​ക്കി​യ​ത്.