പു​തി​യ പ്ര​സി​ഡ​ന്‍റ്; പു​തി​യ പ്ര​തീ​ക്ഷ​ക​ൾ

കാ​യി​ക മേ​ഖ​ല​യെ സ്​​നേ​ഹി​ക്കു​ന്ന ഭ​ര​ണാ​ധി​കാ​രി​യെ ല​ഭി​ക്കു​ക എ​ന്ന​ത്​ ഏ​തൊ​രു നാ​ട്ടി​ലെ​യും കാ​യി​ക താ​ര​ങ്ങ​ളു​ടെ സ്വ​പ്ന​മാ​ണ്. യു.​എ.​ഇ അ​ത്ത​ര​മൊ​രു സ്വ​പ്ന സാ​ക്ഷാ​ത്​​കാ​ര​ത്തി​ലാ​ണ്. കാ​യി​ക​മേ​ഖ​ല​ക്ക്​ അ​ക​മ​ഴി​ഞ്ഞ പി​ന്തു​ണ ന​ൽ​കു​ന്ന പ്ര​സി​ഡ​ന്‍റി​നെ​യാ​ണ്​ അ​വ​ർ​ക്ക്​ കി​ട്ടി​യി​രി​ക്കു​ന്ന​ത്. അ​തു​കൊ​ണ്ട്​​ത​​ന്നെ, ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ യു.​എ.​ഇ​യു​ടെ പ്ര​സി​ഡ​ന്‍റാ​യി ചു​മ​ത​ല​യേ​ൽ​ക്കു​മ്പോ​ൾ ഇ​മാ​റാ​ത്തി​ലെ കാ​യി​ക​ലോ​ക​വും പ്ര​തീ​ക്ഷ​യി​ലാ​ണ്.

ശൈ​ഖ്​ ഖ​ലീ​ഫ ബി​ൻ സാ​യി​ദ്​ ആ​ൽ ന​ഹ്​​യാ​ന്​ കീ​ഴി​ൽ അ​ബൂ​ദ​ബി കി​രീ​ടാ​വ​കാ​ശി​യാ​യി​രി​ക്കു​മ്പോ​ൾ ത​ന്നെ ശൈ​ഖ്​ മു​ഹ​മ്മ​ദ്​ കാ​യി​ക മേ​ഖ​ല​ക്ക്​ വ​ൻ പി​ന്തു​ണ ന​ൽ​കി​യി​രു​ന്നു. ആ​യോ​ധ​ന ക​ല​യാ​യ ജി​യു ജി​ത്​​സു​വി​ന്‍റെ യു.​എ.​ഇ​യി​ലെ വ​ള​ർ​ച്ച​ക്ക്​ പി​ന്നി​ൽ ശൈ​ഖ്​ മു​ഹ​മ്മ​ദി​ന്‍റെ ക​ര​ങ്ങ​ളു​മു​ണ്ട്. അ​ദ്ദേ​ഹ​ത്തി​ന്‍റെ കാ​യി​ക സ്​​നേ​ഹ​ത്തി​ന്‍റെ ഏ​റ്റ​വും ഒ​ടു​വി​ല​ത്തെ ഉ​ദാ​ഹ​ര​ണ​മാ​ണ്​ ജി​യു ജി​ത്​​സു. എ​ല്ലാ സ്കൂ​ളു​ക​ളി​ലും ജി​യു ജി​ത്​​സു പ​ഠി​പ്പി​ക്കാ​ൻ നി​ർ​ദേ​ശം ന​ൽ​കി​യ ​അ​ദ്ദേ​ഹം കൂ​ടു​ത​ൽ ആ​യോ​ധ​ന​ക​ലാ കേ​ന്ദ്ര​ങ്ങ​ൾ സ്ഥാ​പി​ക്കു​ക​യും ചെ​യ്തു. ലോ​ക​മേ​ള​ക​ളി​ൽ യു.​എ.​ഇ​യെ പ്ര​തി​നി​ധീ​ക​രി​ച്ച്​ താ​ര​മു​ണ്ടാ​ക​ണ​മെ​ന്നാ​യി​രു​ന്നു അ​ദ്ദേ​ഹ​ത്തി​ന്‍റെ സ​ന്ദേ​ശം. ഇ​തി​നാ​യി പൊ​തു-​സ്വ​കാ​ര്യ മേ​ഖ​ല​ക​ൾ ഈ ​ആ​യോ​ധ​ന ക​ല​യെ പി​ന്തു​ണ​ക്ക​ണ​മെ​ന്നും നി​ർ​ദേ​ശി​ച്ചു.

കോ​വി​ഡ്​ കൊ​ടു​മ്പി​രി​കൊ​ണ്ടി​രു​ന്ന 2020 ജൂ​ലൈ​യി​ൽ അ​ബൂ​ദ​ബി ലോ​ക​ശ്ര​ദ്ധ പി​ടി​ച്ചു​പ​റ്റി​യ​ത്​ യു.​എ​ഫ്.​സി ഫൈ​റ്റ്​ സം​ഘ​ടി​പ്പി​ച്ചാ​യി​രു​ന്നു. ലോ​കം മു​ഴു​വ​ൻ അ​ട​ച്ചു​പൂ​ട്ടി​യ ആ ​സ​മ​യ​ത്ത്​ ന​ട​ക്കി​ല്ലെ​ന്ന്​ വി​ധി​യെ​ഴു​തി​യ ലോ​ക​ചാ​മ്പ്യ​ൻ​ഷി​പ്പാ​ണ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദി​ന്‍റെ നി​ർ​ദേ​ശ​ത്തോ​ടെ സു​ര​ക്ഷി​ത​മാ​യി ന​ട​ത്തി​ക്കാ​ണി​ച്ച​ത്. അ​ബൂ​ദ​ബി യാ​സ്​ ഐ​ല​ൻ​ഡി​ന്‍റി​ൽ ന​ട​ന്ന മ​ത്സ​ര​ത്തി​ൽ ലോ​ക ന​മ്പ​ർ വ​ൺ ഫൈ​റ്റ​ർ​മാ​രാ​യ ഖ​ബി​ബ്​ ന​ർ​മ​ഗോം​ദോ​വ്, കോ​ണ​ർ മ​ക്​​ഗ്രി​ഗ​ർ, ആ​ൻ​ഡേ​ഴ്​​സ​ൺ സി​ൽ​വ, ക​മ​റു ഉ​സ്മാ​ൻ തു​ട​ങ്ങി​യ​വ​രെ എ​ത്തി​ക്കാ​നും ക​ഴി​ഞ്ഞു.

ശൈ​ഖ്​ മു​ഹ​മ്മ​ദി​ന്‍റെ ഭ​ര​ണ​കാ​ല​ത്താ​ണ്​ അ​ൽ ഐ​ൻ ഫു​ട്​​ബാ​ൾ ക്ല​ബ്ബ്​ എ.​എ​ഫ്.​സി ചാ​മ്പ്യ​ൻ​സ്​ ലീ​ഗി​ലേ​ക്ക്​ യോ​ഗ്യ​ത നേ​ടി​യ​ത്. ഏ​ഷ്യ​യി​ലെ ഏ​റ്റ​വും വ​ലി​യ ക്ല​ബ്ബ്​ ടൂ​ർ​ണ​മെ​ന്‍റി​ലേ​ക്ക്​ യോ​ഗ്യ​ത നേ​ടി​യ ഏ​ക യു.​എ.​ഇ ക്ല​ബ്ബും ഇ​താ​ണ്. ശൈ​ഖ്​ മു​ഹ​മ്മ​ദി​ന്‍റെ നി​ർ​ദേ​ശ​ത്തി​ൽ പ്ര​വ​ർ​ത്തി​ക്കു​ന്ന ക്ല​ബ്​ 14 ത​വ​ണ യു.​എ.​ഇ പ്രോ ​ലീ​ഗി​ൽ മു​ത്ത​മി​ട്ടു. ഏ​ഴ്​ ത​വ​ണ പ്ര​സി​ഡ​ന്‍റ്​​സ്​ ക​പ്പ്, അ​ഞ്ച്​ ത​വ​ണ സൂ​പ്പ​ർ ക​പ്പ്, മൂ​ന്ന്​ ത​വ​ണ ഫെ​ഡ​റേ​ഷ​ൻ ക​പ്പ്, ര​ണ്ട്​ ത​വ​ണ ലീ​ഗ്​ ക​പ്പ്​ എ​ന്നി​വ​യും സ്വ​ന്ത​മാ​ക്കി. ഫോ​ർ​മു​ല വ​ൺ കാ​റോ​ട്ട ചാ​മ്പ്യ​ൻ​ഷി​പ്പി​ന്‍റെ ഫാ​ൻ കൂ​ടി​യാ​ണ്​ അ​ദ്ദേ​ഹം. യാ​സ്​ ഐ​ല​ൻ​ഡി​ൽ ന​ട​ക്കു​ന്ന ഫോ​ർ​മു​ല വ​ൺ കാ​ണാ​ൻ എ​ല്ലാ വ​ർ​ഷ​വും അ​ദ്ദേ​ഹം എ​ത്താ​റു​ണ്ട്. ക​ഴി​ഞ്ഞ സീ​സ​ണി​ൽ അ​ദ്ദേ​ഹ​ത്തി​നൊ​പ്പം യു.​എ.​ഇ വൈ​സ്​ പ്ര​സി​ഡ​ന്‍റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മും ഉ​ണ്ടാ​യി​രു​ന്നു. ഇ​തി​ന്​ പു​റ​മെ ടെ​ന്നി​സ്, ഗോ​ൾ​ഫ്, സ്ക്വാ​ഷ്, ബാ​സ്ക​റ്റ്​​ബാ​ൾ, നെ​റ്റ്​​ബാ​ൾ, സ്കീ​യി​ങ്, സെ​യ്​​ലി​ങ്​ തു​ട​ങ്ങി​യ​വ​ക്കും അ​ദ്ദേ​ഹം പ്രോ​ൽ​സാ​ഹ​നം ന​ൽ​കി.

ലോ​ക​പ്ര​ശ​സ്ത ബാ​സ്ക​റ്റ്​​ബാ​ൾ ചാ​മ്പ്യ​ൻ​ഷി​പ്പാ​യ എ​ൻ.​ബി.​എ​യെ അ​ബൂ​ദ​ബി​യി​ൽ എ​ത്തി​ച്ച​തും അ​ദ്ദേ​ഹ​മാ​ണ്. വ​രു​ന്ന ഒ​ക്​​ടോ​ബ​റി​ൽ എ​ൻ.​ബി.​എ​യു​ടെ ര​ണ്ട്​ പ്രി ​സീ​സ​ൺ ഗെ​യി​മു​ക​ൾ അ​ബൂ​ദ​ബി​യി​ൽ ന​ട​ക്കും.