വിദേശ സർവകലാശാല ബിരുദ അംഗീകാരത്തിന്​ പുതിയ നയം

ദു​ബൈ: വി​ദേ​ശ സ​ർ​വ​ക​ലാ​ശാ​ല ബി​രു​ദ​ങ്ങ​ൾ​ക്ക്​ അം​ഗീ​കാ​രം ന​ൽ​കു​ന്ന​ത്​ സം​ബ​ന്ധി​ച്ച ന​യ​ത്തി​ൽ യു.​എ​ഇ ഉ​ന്ന​ത വി​ദ്യാ​ഭ്യാ​സ, ശാ​സ്ത്ര ഗ​വേ​ഷ​ണ മ​ന്ത്രാ​ല​യം ഭേ​ദ​ഗ​തി​ക​ൾ പ്ര​ഖ്യാ​പി​ച്ചു. ഇ​ന്ത്യ​യ​ട​ക്ക​മു​ള്ള രാ​ജ്യ​ങ്ങ​ളി​ൽ​നി​ന്ന്​ ബി​രു​ദം നേ​ടി​യ​വ​ർ​ക്കും ബാ​ധ​ക​മാ​യ ന​യ​മാ​ണ്​ അ​ധി​കൃ​ത​ർ പു​റ​ത്തു​വി​ട്ടി​ട്ടു​ള്ള​ത്. പു​തി​യ ച​ട്ട​പ്ര​കാ​രം വി​ദൂ​ര​പ​ഠ​നം, ഓ​പ​ൺ എ​ജു​ക്കേ​ഷ​ൻ, ഓ​ൺ​ലൈ​ൻ എ​ജു​ക്കേ​ഷ​ൻ, ക​റ​സ്പോ​ണ്ട​ൻ​സ് എ​ജു​ക്കേ​ഷ​ൻ എ​ന്നി​വ​യി​ലൂ​ടെ നേ​ടി​യ ബി​രു​ദ​ങ്ങ​ൾ​ക്ക് മ​ന്ത്രാ​ല​യം ഉ​പാ​ധി​ക​ളോ​ടെ മാ​ത്ര​മേ അം​ഗീ​കാ​രം ന​ൽ​കു​ക​യു​ള്ളൂ.

ഇ​ത്ത​രം ബി​രു​ദ​ങ്ങ​ൾ​ക്ക്​ അം​ഗീ​കാ​രം ല​ഭി​ക്കാ​ൻ പ്ര​ത്യേ​ക മ​ന്ത്രി​ത​ല സ​മി​തി നി​ശ്ച​യി​ക്കു​ന്ന നി​ർ​ദി​ഷ്ട മാ​ന​ദ​ണ്ഡ​ങ്ങ​ൾ പാ​ലി​ച്ചി​രി​ക്ക​ണം. അ​തോ​ടൊ​പ്പം പു​തി​യ ന​യ​പ്ര​കാ​രം തൊ​ഴി​ല​ധി​ഷ്ഠി​ത കോ​ഴ്സ്​ സ​ർ​ട്ടി​ഫി​ക്ക​റ്റു​ക​ൾ, പ​രി​ശീ​ല​ന പ​രി​പാ​ടി​ക​ളു​ടെ സ​ർ​ട്ടി​ഫി​ക്ക​റ്റു​ക​ൾ, പ്ര​ത്യേ​ക പ്രോ​ഗ്രാ​മു​ക​ൾ വ​ഴി നേ​ടി​യ ബി​രു​ദ​ങ്ങ​ൾ എ​ന്നി​വ​യും അം​ഗീ​ക​രി​ക്കി​ല്ലെ​ന്ന് മ​ന്ത്രാ​ല​യം വ്യ​ക്ത​മാ​ക്കി​യി​ട്ടു​ണ്ട്. പ​ര​മ്പ​രാ​ഗ​ത​മ​ല്ലാ​ത്ത പ​ഠ​ന രീ​തി​ക​ളി​ലൂ​ടെ ബി​രു​ദം നേ​ടി​യ വി​ദ്യാ​ർ​ഥി​ക​ൾ പു​തി​യ ച​ട്ട​ങ്ങ​ൾ പാ​ലി​ക്ക​ണ​മെ​ന്ന്​ മ​ന്ത്രാ​ല​യം പു​റ​ത്തി​റ​ക്കി​യ പ്ര​സ്താ​വ​ന​യി​ൽ പ​റ​ഞ്ഞു.

ബി​രു​ദ​ങ്ങ​ൾ​ക്ക്​ അം​ഗീ​കാ​രം ന​ൽ​കു​ന്ന പ്ര​ക്രി​യ സു​ഗ​മ​മാ​ക്കു​ന്ന​തി​നാ​യി ഡാ​റ്റാ​ഫ്ലോ, ക്വാ​ഡ്രാ​ബേ എ​ന്നീ ര​ണ്ട് ഏ​ജ​ൻ​സി​ക​ളെ മ​ന്ത്രാ​ല​യം നി​യ​മി​ച്ചി​ട്ടു​ണ്ട്. യു.​എ.​ഇ​യു​ടെ വി​ദ്യാ​ഭ്യാ​സ അ​തോ​റി​റ്റി​ക​ൾ അം​ഗീ​ക​രി​ച്ച ഈ ​ഏ​ജ​ൻ​സി​ക​ൾ, ഔ​ദ്യോ​ഗി​ക അം​ഗീ​കാ​ര പ്ര​ക്രി​യ​ക്കു​ മു​മ്പ് യോ​ഗ്യ​ത​ക​ൾ പ​രി​ശോ​ധി​ക്കും. ഏ​ജ​ൻ​സി​ക​ൾ രേ​ഖ​ക​ളു​ടെ നി​യ​മ​സാ​ധു​ത സ്ഥി​രീ​ക​രി​ക്കു​ക​യാ​ണ്​ ചെ​യ്യു​ക. പി​ന്നീ​ടാ​ണ്​ മ​ന്ത്രാ​ല​യ​ത്തി​ന്റെ ഔ​ദ്യോ​ഗി​ക അം​ഗീ​കാ​രം ല​ഭി​ക്കു​ക. ബി​രു​ദം പ​രി​ശോ​ധി​ച്ചു​റ​പ്പി​ച്ചു​ക​ഴി​ഞ്ഞാ​ൽ അ​പേ​ക്ഷ​ക​ർ​ക്ക് ഉ​ന്ന​ത വി​ദ്യാ​ഭ്യാ​സ, ശാ​സ്ത്ര ഗ​വേ​ഷ​ണ മ​ന്ത്രാ​ല​യ​ത്തി​ൽ​നി​ന്ന് ഔ​ദ്യോ​ഗി​ക അം​ഗീ​കാ​ര റി​പ്പോ​ർ​ട്ട് കി​ട്ടും.

പ​ര​മ്പ​രാ​ഗ​ത രീ​തി​യി​ല​ല്ലാ​തെ നേ​ടി​യ ബി​രു​ദ​ങ്ങ​ളി​ൽ അം​ഗീ​കാ​രം ല​ഭി​ക്ക​ണ​മെ​ങ്കി​ൽ പ്ര​ധാ​ന​മാ​യും സ്ഥാ​പ​ന​ത്തി​ന്​ അ​ത​ത്​ രാ​ജ്യ​ങ്ങ​ളി​ലെ ഔ​ദ്യോ​ഗി​ക സം​വി​ധാ​ന​ങ്ങ​ളു​ടെ അം​ഗീ​കാ​ര​മു​ണ്ടാ​യി​രി​ക്ക​ണം എ​ന്നാ​ണ്​ മാ​ന​ദ​ണ്ഡ​മു​ള്ള​ത്. ബി​രു​ദ അം​ഗീ​കാ​ര​ത്തി​ന്​ 100 ദി​ർ​ഹ​മാ​ണ്​ ഫീ​സ്. അ​തേ​സ​മ​യം, ബി​രു​ദാ​ന​ന്ത​ര ബി​രു​ദ​ത്തി​ന്​ 150 ദി​ർ​ഹ​മും ഡോ​ക്​​ട​റ​ൽ ഡി​ഗ്രി​ക്ക്​ 200 ദി​ർ​ഹ​മു​മാ​ണ്​ ഫീ​സ്​ ഈ​ടാ​ക്കു​ന്ന​ത്. അം​ഗീ​കാ​ര സേ​വ​നം പൂ​ർ​ണ​മാ​യും ഓ​ൺ​ലൈ​നി​ലാ​ണ്. അം​ഗീ​കാ​രം ല​ഭി​ക്കാ​ൻ സാ​ധാ​ര​ണ​യാ​യി 30 പ്ര​വൃ​ത്തി ദി​വ​സ​ങ്ങ​ൾ എ​ടു​ക്കും. അം​ഗീ​കാ​ര തീ​രു​മാ​ന​ത്തി​ൽ അ​പ്പീ​ൽ ന​ൽ​കാ​ൻ ആ​ഗ്ര​ഹി​ക്കു​ന്ന അ​പേ​ക്ഷ​ക​ർ​ക്ക് മൂ​ന്നു മാ​സ​ത്തെ സ​മ​യ​മു​ണ്ട്.