മുസല്ല ടവറിന്​ പുതിയ രൂപം: ബർദുബൈയിൽ സെന്‍ട്രല്‍ മാള്‍ തുറന്ന്​ അൽ മദീന ഗ്രൂപ്​​

ദുബൈ: മഹാമാരിയുടെ പ്രതിസന്ധികൾക്ക്​ മുന്നിൽ പതറാതെ പുതിയ ഷോപ്പിങ്​ മാൾ തുറന്ന്​ അൽമദീന ഗ്രൂപ്​​. ബര്‍ദുബൈ അല്‍ഫഹീദി മെട്രോ സ്‌റ്റേഷന് സമീപം സ്ഥിതിചെയ്യുന്ന മുസല്ല ടവര്‍ ഏറ്റെടുത്താണ് റീടെയില്‍ വിപണന രംഗത്തെ ബ്രാന്‍ഡായ അല്‍മദീന ഗ്രൂപ്പി​െൻറ സെന്‍ട്രല്‍ മാള്‍ തുറന്നത്​.

ഒന്നര ലക്ഷം ചതുരശ്ര അടിയില്‍ മൂന്ന് നിലകളിലായി സജ്ജീകരിച്ചിരിക്കുന്ന മാളില്‍ അതിവിപുലമായ രീതിയിലാണ് അല്‍മദീന ഹൈപ്പര്‍ മാര്‍ക്കറ്റ് ഒരുക്കിയിരിക്കുന്നത്. അൽ ഫഹീദി മെട്രോ സ്​റ്റേഷനോട്​ ചേർന്നുള്ള കെട്ടിടത്തിൽ പ്രവർത്തിക്കുന്നതിനാൽ ഉപഭോക്​താക്കൾക്ക്​ എളുപ്പത്തിൽ എത്തിച്ചേരാനും കഴിയും. അതിവിശാലമായ കാര്‍ പാര്‍ക്കിങ്​ സൗകര്യവും ഒരുക്കിയിട്ടുണ്ട്​. മാളി​െൻറ ഉദ്​ഘാടനം പാണക്കാട് മുനവ്വറലി ശിഹാബ് തങ്ങൾ, മുഹമ്മദ്‌ ഈസ മുഹമ്മദ്‌ അൽ സംത്, അൽ മദീന ഗ്രൂപ്​ മാനേജിങ് ഡയറക്ടർ അബ്​ദുല്ല പൊയിൽ എന്നിവർ ചേർന്ന് നിർവഹിച്ചു. ോകം മുഴുവന്‍ സമാനതകളില്ലാത്ത വെല്ലുവിളികള്‍ നേരിടുമ്പോഴും ആത്മവിശ്വാസത്തോടെ പുതിയ സംരംഭങ്ങളിലേക്ക് ചുവടുവെക്കാന്‍ അല്‍ മദീന ഗ്രൂപ്പിന് കരുത്തുപകരുന്നത് ഉപയോക്താക്കളും അഭ്യുദയ കാംക്ഷികളും നല്‍കുന്ന ആത്മാര്‍ഥമായ പിന്തുണയാണെന്ന് അല്‍മദീന ഗ്രൂപ് മാനേജ്​മെൻറ്​ വാര്‍ത്തസമ്മേളനത്തില്‍ അറിയിച്ചു. സെന്‍ട്രല്‍ മാള്‍ ഉദ്ഘാടനത്തോടനുബന്ധിച്ച് നിരവധി പ്രമോഷനുകളും ഓഫറുകളുമാണ് ഒരുക്കിയിട്ടുള്ളത്. വന്‍തോതിലുള്ള വിപുലീകരണ പദ്ധതികളുമായി മുന്നോട്ടുപോവുകയാണ് അല്‍മദീന ഗ്രൂപ്. നാലു പുതിയ ഷോപ്പിങ്​ മാളുകളടക്കം വമ്പന്‍ പദ്ധതികളാണ് ഒരുങ്ങുന്നത്. ജബല്‍ അലിയിലെ ക്രൗണ്‍ മാള്‍ രണ്ടു മാസത്തിനകം തുറക്കും. 65,000 ചതുരശ്ര അടി വിസ്താരത്തിലാണ് ക്രൗണ്‍ മാള്‍ സജ്ജീകരിക്കുന്നത്.

ജബല്‍ അലി ഇന്‍ഡസ്ട്രിയല്‍ ഏരിയയില്‍ ജബല്‍ അലി ഷോപ്പിങ്​ മാളി​െൻറ നിര്‍മാണം ദ്രുതഗതിയില്‍ പുരോഗമിക്കുകയാണ്. 1.25 ലക്ഷം ചതുരശ്ര അടി വിസ്താരത്തിലാണ് ഈ ഷോപ്പിങ്​ മാള്‍ പണികഴിപ്പിക്കുന്നത്. ഇവിടെ അമ്പതിനായിരത്തിലധികം സ്‌ക്വയര്‍ ഫീറ്റില്‍ ഹൈപ്പര്‍ മാര്‍ക്കറ്റ് സജ്ജീകരിച്ചിട്ടുണ്ട്. ജബല്‍ അലിയിലെ ഈ പ്രദേശത്തെ ഏറ്റവും വലിയ കമ്യൂണിറ്റി സെൻററുമായിരിക്കും ഇത്. 1.30 ലക്ഷം ചതുശ്ര അടിയിൽ ദുബൈ ഇന്‍വെസ്​റ്റ്​മെൻറ്​ പാര്‍ക്കിൽ പുതിയ മാളി​െൻറ നിര്‍മാണം പുരോഗമിക്കുകയാണ്.ഇത്​ രണ്ടും മൂന്നുമാസത്തിനുള്ളിൽ പൂർത്തിയാകും. അല്‍ ഖൂസിലെ അല്‍ ഖൈല്‍ ഹൈറ്റ്‌സിൽ നിർമിക്കുന്ന ഷോപ്പിങ്​ മാളിന്​ രണ്ട് ലക്ഷത്തിലധികം ചതുരശ്ര അടി വിസ്താരമുണ്ട്​.2021 ഡിസംബറില്‍ ഇത് യാഥാര്‍ഥ്യമാകും. മിഡിലീസ്​റ്റിലുടനീളം വ്യാപിച്ചുകിടക്കുന്ന നിരവധി വ്യാപാര സംരംഭങ്ങളാണ് അല്‍ മദീന ഗ്രൂപ്പിന് കീഴിലുളളതെന്നും മാനേജ്‌മെൻറ്​ അറിയിച്ചു.