മാ​ധ്യ​മ മേ​ഖ​ല​യെ ശ​ക്തി​പ്പെ​ടു​ത്താ​ൻ പു​തി​യ നി​യ​മം

ദു​ബൈ: രാ​ജ്യ​ത്തെ മാ​ധ്യ​മ മേ​ഖ​ല​യെ നി​യ​ന്ത്രി​ക്കു​ന്ന​തി​ന്​ പു​തി​യ ഫെ​ഡ​റ​ൽ നി​യ​മം പ്ര​ഖ്യാ​പി​ച്ചു. മാ​ധ്യ​മ പ്ര​വ​ർ​ത്ത​ന​ത്തെ ശ​രി​യാ​യ രീ​തി​യി​ൽ സം​വി​ധാ​നി​ച്ച്​ ആ​ഗോ​ള മീ​ഡി​യ ഹ​ബാ​യി യു.​എ.​ഇ​യെ വ​ള​ർ​ത്തു​ക​യാ​ണ്​ പു​തി​യ ഉ​ത്ത​ര​വ്​ ല​ക്ഷ്യ​മി​ടു​ന്ന​ത്. ഇ​തി​നാ​യി മാ​ധ്യ​മ​ങ്ങ​ളു​ടെ വ​ള​ർ​ച്ച​ക്ക്​ യോ​ജി​ച്ച അ​ന്ത​രീ​ക്ഷം സൃ​ഷ്ടി​ക്കു​ക​യാ​ണ്​ നി​യ​മ​ത്തി​ലൂ​ടെ ചെ​യ്യു​ന്ന​ത്.

വ്യ​ക്​​തി​ക​ൾ​ക്കും സ്ഥാ​പ​ന​ങ്ങ​ൾ​ക്കും മാ​ധ്യ​മ ഔ​ട്ട്​​ലെ​റ്റു​ക​ൾ​ക്കും ഫ്രീ​സോ​ണു​ക​ൾ​ക്കും ബാ​ധ​ക​മാ​യ ഉ​ത്ത​ര​വാ​ണ്​ പു​റ​പ്പെ​ടു​വി​ച്ച​ത്. നി​ശ്ചി​ത നി​യ​ന്ത്ര​ണ​ങ്ങ​ളും മാ​ർ​ഗ​നി​ർ​ദേ​ശ​ങ്ങ​ളു​മ​നു​സ​രി​ച്ച്​ വ്യ​ക്​​തി​ക​ൾ​ക്കും നി​യ​മ​പ​ര​മാ​യ സ്ഥാ​പ​ന​ങ്ങ​ൾ​ക്കും മാ​ധ്യ​മ​പ്ര​വ​ർ​ത്ത​നം ന​ട​ത്താ​ൻ ഉ​ത്ത​ര​വ്​ അ​നു​വാ​ദം ന​ൽ​കു​ന്നു.

ഓ​ഡി​യോ, വി​ഡി​യോ, ഡി​ജി​റ്റ​ൽ തു​ട​ങ്ങി എ​ല്ലാ മീ​ഡി​യ​ക​ൾ​ക്കും ബാ​ധ​ക​മാ​യ നി​യ​മം, മാ​ധ്യ​മ ഉ​ള്ള​ട​ക്കം ഉ​ൽ​പാ​ദി​പ്പി​ക്കു​ന്ന​തി​ലും സ​ർ​ക്കു​ലേ​റ്റ്​ ചെ​യ്യു​ന്ന​തി​ലും പ്രി​ന്‍റ്​ ചെ​യ്ത്​ പ​ബ്ലി​ഷ്​ ചെ​യ്യു​ന്ന​തി​നും കൃ​ത്യ​മാ​യ മാ​ന​ദ​ണ്ഡം മു​ന്നോ​ട്ടു​വെ​ക്കു​ന്നു​ണ്ട്. മാ​ധ്യ​മ​ങ്ങ​ൾ​ക്ക്​ ലൈ​സ​ൻ​സു​ക​ളും പെ​ർ​മി​റ്റു​ക​ളും അ​നു​വ​ദി​ക്കു​ന്ന​തി​നു​ള്ള നി​ർ​ദേ​ശ​ങ്ങ​ളും ഉ​ത്ത​ര​വി​ൽ ഉ​ൾ​പ്പെ​ടും.

റേ​ഡി​യോ, ടി.​വി, സി​നി​മ, ക്രി​യേ​റ്റി​വ്​ പ്രൊ​ഡ​ക്ഷ​ൻ​സ്, ന്യൂ​സ്​​പേ​പ്പ​ർ, മ​റ്റു പ്ര​സി​ദ്ധീ​ക​ര​ണ​ങ്ങ​ൾ, ഡി​ജി​റ്റ​ൽ, ഇ​ല​ക്​​ട്രോ​ണി​ക്​ മീ​ഡി​യ​ക​ൾ, പു​സ്ത​കോ​ത്സ​വ​ങ്ങ​ൾ, വി​ദേ​ശ പ്ര​സി​ദ്ധീ​ക​ര​ണ​ങ്ങ​ൾ, വി​ദേ​ശ മാ​ധ്യ​മ ഓ​ഫി​സു​ക​ൾ, മാ​ധ്യ​മ ഉ​ള്ള​ട​ക്ക​ങ്ങ​ളു​ടെ പ്രി​ന്‍റി​ങ്, സ​ർ​ക്കു​ലേ​ഷ​ൻ, പ​ബ്ലി​ഷി​ങ്​ എ​ന്നി​വ​യും ക​ര, വ്യോ​മ, സ​മു​ദ്ര​ഭാ​ഗ​ങ്ങ​ളി​ലെ ഇ​മേ​ജി​ങ്​ പ്ര​വ​ർ​ത്ത​ന​ങ്ങ​ളും നി​യ​മ​ത്തി​ന്‍റെ കീ​ഴി​ൽ വ​രും. യു.​എ.​ഇ മീ​ഡി​യ കൗ​ൺ​സി​ലി​ന്‍റെ​യും മാ​ധ്യ​മ നി​യ​ന്ത്ര​ണ​ത്തി​നു​ള്ള പ്രാ​ദേ​ശി​ക വ​കു​പ്പു​ക​ളു​ടെ​യും മാ​ന​ദ​ണ്ഡ​ങ്ങ​ളും നി​യ​മ​ത്തി​ൽ പ​റ​യു​ന്നു​ണ്ട്. യു.​എ.​ഇ​യി​ൽ പ്ര​വ​ർ​ത്തി​ക്കു​ന്ന എ​ല്ലാ മാ​ധ്യ​മ വ്യ​ക്തി​ത്വ​ങ്ങ​ളും സ്ഥാ​പ​ന​ങ്ങ​ളും നി​ശ്ചി​ത മാ​ന​ദ​ണ്ഡം പാ​ലി​ക്ക​ണ​മെ​ന്ന്​ ഉ​ത്ത​ര​വി​ൽ വ്യ​ക്ത​മാ​ക്കു​ന്നു.

ഇ​സ്​​ലാ​മി​ക വി​ശ്വാ​സം, മ​ത​ങ്ങ​ൾ, മ​റ്റു വി​ശ്വാ​സ​ങ്ങ​ൾ എ​ന്നി​വ​യെ ആ​ദ​രി​ക്കു​ക, രാ​ജ്യ​ത്തി​ന്‍റെ അ​ഖ​ണ്ഡ​ത​യെ​യും ചി​ഹ്ന​ങ്ങ​ളെ​യും സ്ഥാ​പ​ന​ങ്ങ​ളെ​യും ഉ​ന്ന​ത​മാ​യ താ​ൽ​പ​ര്യ​ങ്ങ​ളെ​യും സ​മൂ​ഹ​ത്തെ​യും ആ​ദ​രി​ക്കു​ക, ദേ​ശീ​യ​വും പ്രാ​ദേ​ശി​ക ത​ല​ത്തി​ലെ​യും നി​ർ​ദേ​ശ​ങ്ങ​ളും ന​യ​ങ്ങ​ളെ​യും ബ​ഹു​മാ​നി​ക്കു​ക, യു.​എ.​ഇ​യു​ടെ വി​ദേ​ശ ബ​ന്ധ​ങ്ങ​ളെ ദോ​ഷ​ക​ര​മാ​യി ബാ​ധി​ക്കു​ന്ന​വ ഒ​ഴി​വാ​ക്കു​ക, സം​സ്കാ​ര​ത്തെ​യും നാ​ഗ​രി​ക​ത​യെ​യും ദേ​ശീ​യ അ​സ്തി​ത്വ​ത്തെ​യും സാ​മൂ​ഹി​ക മൂ​ല്യ​ങ്ങ​ളെ​യും ആ​ദ​രി​ക്കു​ക എ​ന്നി​വ​യാ​ണ്​ പ്ര​ധാ​ന​മാ​യും നി​ർ​ദേ​ശി​ച്ചി​ട്ടു​ള്ള​ത്.

അ​തോ​ടൊ​പ്പം ദേ​ശീ​യ ഐ​ക്യ​ത്തെ​യും സാ​മൂ​ഹി​ക ഒ​രു​മ​യെ​യും ബാ​ധി​ക്കു​ന്ന വി​വ​ര​ങ്ങ​ൾ പ​ങ്കു​വെ​ക്കാ​തി​രി​ക്കു​ക, അ​ക്ര​മ​ത്തി​നും വി​ദ്വേ​ഷ​ത്തി​നും ​പ്രേ​രി​പ്പി​ക്കാ​തി​രി​ക്കു​ക, സ​മൂ​ഹ​ത്തി​ൽ വി​യോ​ജി​പ്പ്​ പ​ട​ർ​ത്താ​തി​രി​ക്കു​ക, വ്യ​ക്തി​ക​ളു​ടെ സ്വ​കാ​ര്യ​ത​യെ ഹ​നി​ക്കാ​തി​രി​ക്കു​ക, അ​ഭ്യൂ​ഹ​ങ്ങ​ളും അ​സ​ത്യ​ങ്ങ​ളും തെ​റ്റി​ദ്ധ​രി​പ്പി​ക്കു​ന്ന​തു​മാ​യ വാ​ർ​ത്ത​ക​ൾ ന​ൽ​കാ​തി​രി​ക്കു​ക എ​ന്നി​വ​യും നി​ർ​ദേ​ശി​ച്ചി​ട്ടു​ണ്ട്.

മീ​ഡി​യ കൗ​ൺ​സി​ലി​ന്‍റെ ചു​മ​ത​ല​ക​ൾ

ദു​ബൈ: സി​നി​മ, മ​റ്റു ക്രി​യേ​റ്റി​വ് പ്രൊ​ഡ​ക്ഷ​ൻ എ​ന്നി​വ​യു​ടെ പ്ര​ദ​ർ​ശ​ന​ത്തി​ന് അ​നു​മ​തി ന​ൽ​കു​ന്ന​തി​നു​ള്ള ഉ​ത്ത​ര​വാ​ദി​ത്തം മീ​ഡി​യ കൗ​ൺ​സി​ലി​നാ​ണ്. പു​സ്ത​ക​ങ്ങ​ൾ, വി​ഡി​യോ ഗെ​യി​മു​ക​ൾ, സി​നി​മാ​റ്റി​ക് പ്രൊ​ഡ​ക്ഷ​ൻ എ​ന്നി​വ​യു​ൾ​പ്പെ​ടെ​യു​ള്ള​വ​യു​ടെ വ​ർ​ഗീ​ക​ര​ണ​ങ്ങ​ൾ നി​ർ​വ​ചി​ക്കു​ന്ന​തി​നും ഉ​ത്ത​ര​വാ​ദി​ത്തം കൗ​ൺ​സി​ലി​നാ​ണ്​ നി​യ​മം ന​ൽ​കി​യി​ട്ടു​ള്ള​ത്.

മാ​ധ്യ​മ​ങ്ങ​ളും വി​നോ​ദ ഉ​ള്ള​ട​ക്ക​ങ്ങ​ളും കാ​ണു​ന്ന​തി​നു​ള്ള പ്രാ​യ​പ​രി​ധി നി​ശ്ച​യി​ക്കു​ന്ന​തി​നു​ള്ള ഉ​ത്ത​ര​വാ​ദി​ത്ത​വും ചു​മ​ത​ല​യി​ൽ ഉ​ൾ​പ്പെ​ടും. സോ​ഷ്യ​ൽ മീ​ഡി​യ​യി​ലും മ​റ്റ് ആ​ധു​നി​ക സാ​ങ്കേ​തി​ക മാ​ർ​ഗ​ങ്ങ​ളി​ലും പ​ര​സ്യ​മോ ​​മീ​ഡി​യ ഉ​ള്ള​ട​ക്ക​മോ ന​ൽ​കു​ന്ന വ്യ​ക്തി​ക​ൾ​ക്കും പെ​ർ​മി​റ്റ് ന​ൽ​കു​ന്ന​തും കൗ​ൺ​സി​ലി​ന്‍റെ ചു​മ​ത​ല​യി​ൽ ഉ​ൾ​പ്പെ​ടും. ഫ്രീ​സോ​ണു​ക​ൾ ഉ​ൾ​പ്പെ​ടെ​യു​ള്ള സ്ഥ​ല​ങ്ങ​ളി​ൽ വ്യ​ക്തി​ക​ളെ​യും ഔ​ട്ട്‌​ലെ​റ്റു​ക​ളെ​യും മാ​ധ്യ​മ സ്ഥാ​പ​ന​ങ്ങ​ളെ​യും നി​രീ​ക്ഷി​ക്കാ​നും പ​രി​ശോ​ധി​ക്കാ​നും കൗ​ൺ​സി​ലി​ന്​ അ​നു​വാ​ദ​മു​ണ്ടാ​യി​രി​ക്കും.