ദുബൈ വീണ്ടും തെളിയിച്ചു: നാം ഭൂമിയെ സ്​നേഹിക്കുന്നു

ദുബൈ: കാറൊഴിഞ്ഞ്​ തെളിഞ്ഞ മാനം പോലെയായിരുന്നു ഞായറാഴ്​ച ദുബൈ നഗരത്തിലെ പല റോഡുകളും.സദാകാറുകൾ തിങ്ങി നിറഞ്ഞ്​ ഗതാഗതക്കുരുക്കു രൂപപ്പെടുന്ന പലയിടത്തും സുഖയാത്ര. ഒഴിഞ്ഞു കിടന്ന പാർക്കിങ്​ ലോട്ടുകൾ. നാം അധിവസിക്കുന്ന ഭൂമിയോട്​ യു.എ.ഇ ജനത വീണ്ടും സ്​നേഹം പ്രഖ്യാപിച്ചപ്പോൾ  ദുബൈ നഗരസഭ മു​ൻകൈയെടുത്ത്​ ആചരിച്ച ഒമ്പതാമത്​ കാർ രഹിത ദിനവും വൻ വിജയമായി. ദുബൈയിലെ വിവിധ സർക്കാർ^ അർധ സർക്കാർ സ്​ഥാപനങ്ങൾക്ക്​ പുറമെ പ്രമുഖ ഹൈപ്പർ മാർക്കറ്റുകളും മാളുകളും മുതൽ വാഹന കമ്പനികൾ വരെ കാർ രഹിത ദിനാചരണത്തിൽ പങ്കുചേർന്നിരുന്നു. അജ്​മാൻ, അൽ​െഎൻ, റാസൽഖൈമ നഗരസഭകളും പിന്തുണയുമായി രംഗത്തെത്തിയതോടെ എട്ടുവർഷമായി ദുബൈയിൽ മാത്രം ആചരിച്ചു വന്ന കാർരഹിത ദിനത്തിന്​ ദേശീയ സ്വഭാവവും കൈവന്നു. 

കാറുകൾ ഒഴിവാക്കി ദുബൈ നഗരസഭ ഡയറക്​ടർ ജനറൽ ഹുസൈൻ നാസർ ലൂത്തയുടെ നേതൃത്വത്തിൽ ഒട്ടനവധി പ്രമുഖർ ഇത്തിസലാത്ത്​  സ്​റ്റേഷനിൽ നിന്ന്​  മെട്രോയിൽ യാത്ര ചെയ്​ത്​ യൂനിയൻ പാർക്കിലെത്തിയാണ്​ ദിനാചരണത്തിന്​ തുടക്കമിട്ടത്​. വിവിധ മാധ്യമ^പരിസ്​ഥിതി പ്രവർത്തകരും സംഘത്തെ അനുഗമിച്ചു. കാലാവസ്​ഥാ മാറ്റ^പരിസ്​ഥിതി മന്ത്രി ഡോ. താനി അഹ്​മദ്​ അൽ സയൂദി, ദുബൈ എക്​സിക്യുട്ടിവ്​ കൗൺസിൽ സെക്രട്ടറി ജനറൽ അബ്​ദുല്ല അൽ ബസ്​തി, ദുബൈ എമിഗ്രേഷൻ ഡയറക്​ടർ ജനറൽ മേജർ ജനറൽ മുഹമ്മദ്​ അൽ മറി,സി.ഡി.എ ഡയറക്​ടർ ജനറൽ അഹ്​മദ്​ ജുൽഫർ, ദുബൈ സാമ്പത്തിക വകുപ്പ്​ ഡി.ജി അബ്​ദു റഹ്​മാൻ അൽ സാലിഹ്​, ആംബുലൻസ്​ കോർപറേഷൻ സി.ഇ.ഒ ഖലീഫ ബിൻ ദറാഇ,  ദ​ുബൈ ഒൗഖാഫ്​ സെക്രട്ടറി ജനറൽ അലി അൽ മുതവ  സ്​പോർട്​സ്​ കൗൺസിൽ, ദുബൈ സാമ്പത്തിക വികസന വകുപ്പ്​ ഉപ ഡി.ജി അലി ഇബ്രാഹിം, ആർ.ടി.എ ബോർഡംഗം മുഹമ്മദ്​ ഉബൈദ്​ അൽ മുല്ല, സാമൂഹിക വികസന മന്ത്രാലയം അസി. അണ്ടർ സെക്രട്ടറി നാജി അൽ ഹയ്​, ദുബൈ പൊലീസ്​ അസി. കമാൻഡർ മേജർ ജനറൽ മുഹമ്മദ്​ സാദ്​ അൽ ശരീഫ്​, സ്​പോർട്​സ്​ കൗൺസിൽ സെക്രട്ടറി ജനറൽ സഇൗദ്​ ഹരീബ്​ തുടങ്ങിയവരുടെ സാന്നിധ്യത്തിലായിരുന്നു ഉദ്​ഘാടനം. വാഹനങ്ങളിൽ നിന്നുള്ള പുകമാലിന്യവും കാർബൺ ബഹിർഗമനവും നിയന്ത്രിച്ച്​ അന്തരീക്ഷ വായു ശുദ്ധമാക്കുവാനുള്ള ദുബൈയുടെ പരി​​ശ്രമങ്ങളിലെ ഒരു സുപ്രധാന ചുവടുവെപ്പാണ്​ കാർ രഹിത ദിനമെന്ന്​ നാസർ ലൂത്ത പറഞ്ഞു. 2021 ആക​ു​േമ്പാഴേക്കും ശുദ്ധവായു ഉറപ്പാക്കുക എന്ന ദേശീയ അജണ്ടക്ക്​ ഇത്​ കരുത്തുനൽകും. 

പരിസ്​ഥിതി-ആരോഗ്യ മുന്നേറ്റങ്ങളിലൂടെ സുസ്​ഥിരവും ശുദ്ധവുമായ പരിസ്​ഥിതി സാധ്യമാക്കിയ ലോകത്തെ ആദ്യ നഗരമായ ദുബൈയുടെ മുൻകൈയിൽ നടക്കുന്ന കാർ രഹിത ദിനാചരണത്തിൽ മറ്റ്​ നഗരസഭകളും കൂട്ടുചേർന്നതിലെ സന്തോഷവും അദ്ദേഹം പ്രകടിപ്പിച്ചു. സഞ്ചരിക്കുന്ന പരിസ്​ഥിതി സൗഹൃദ വായു നിലവാര പരിശോധനാ സ്​റ്റേഷൻ ഉദ്​ഘാടനവും നടന്നു. ദുബൈയിലെ വ്യവസായ മേഖലക്കുള്ള പരിസ്​ഥിതി സുസ്​ഥിരതാ ഗൈഡും നഗരസഭാ ഡി.ജി പുറത്തിറക്കി. കഴിഞ്ഞ വർഷത്തെ കാർ രഹിത ദിനാചരണത്തിൽ 2444 വ്യക്​തികളും 200 ലേറെ സ്​ഥാപനങ്ങളുമാണ്​ പങ്കുചേർന്നത്​. അതുവഴി 60000 ലേറെ കാറുകൾ റോഡിൽ നിന്ന്​ ഒഴിവാക്കി നിർത്താനായി. 15 ഗാലൺ ഇന്ധന ശേഷിയുള്ള ഒരു കാർ ഒരു ദിവസം നിരത്തിൽ നിന്ന്​ മാറി നിന്നാൽ 140 കിലോഗ്രാം കാർബൺ ഡയോക്​സൈഡ്​ ബഹിർഗമനം ഒഴിവാക്കാനാവും. ഒരു കാർ ഇത്തരത്തിൽ പ്രതിവർഷം 4 ടൺ കാർബണാണ്​ പുറം തള്ളുന്നത്​. കഴിഞ്ഞ വർഷം ദിനാചരണം വഴി 170 ടൺ കാർബർ ബഹിർഗമനമാണ്​ തടയാനായത്​. 1218 മരങ്ങൾ നട്ടാൽ മാത്രമേ അത്രയേറെ കാർബൺ അന്തരീക്ഷത്തിൽ കലരുന്നതി​​​െൻറ ദോഷം നിയന്ത്രിക്കാനാവൂ എന്നിരിക്കെയാണിത്​. നൈട്രജൻ ഡയോക്​സൈഡ്​ അളവ്​ 19.4ശതമാനവും സൾഫർ ഡയോക്​സൈഡ്​ 29.8ശതമാനവും ഒാസോൺ വാതകം 8.12 ശതമാനവും കാർബൺ മോണോക്​​ൈസഡ്​ 9.4ശതമാനവും കുറക്കാനും കഴിഞ്ഞിരുന്നു. 10 മൈക്രോണിൽ താഴെയുള്ള പൊടിപടലങ്ങളുടെ തോത്​ കാറുകൾ സാധാരണ രീതിയിൽ നിരത്തിലിറങ്ങുന്ന ദിവസങ്ങളേക്കാൾ 22.92 ശതമാനം കുറവുമായിരുന്നു. ശബ്​ദ മലിനീകരണം, ഗതാഗതക്കുരുക്ക്​ എന്നിവയുടെ കാര്യത്തിലും ആശ്വാസം പകരുന്നു. ഇൗ വർഷം അതിലേറെ വാഹനങ്ങൾ പ​െങ്കടുത്തതായാണ്​ സൂചന സായിദ്​ ചിത്രങ്ങളുടെയും പരിസ്​ഥിതി സൗഹൃദ മാർഗങ്ങളുടെയും വാഹനങ്ങളുടെയും ​പ്രദർശനങ്ങളും കുട്ടികൾക്കും നിശ്​ചയദാർഢ്യ വിഭാഗങ്ങൾക്കുമുള്ള കളികളും വ്യായാമ പരിപാടികളും ഉൾപ്പെടെ സമ്പുഷ്​ടമായിരുന്നു ദിനാചരണം.