ഷാർജയിൽ വാഹനാപകടത്തിൽ പത്തനംതിട്ട സ്വദേശി മരിച്ചു

ഷാർജ: ഷാർജയിൽ വാഹനാപകടത്തിൽ പത്തനംതിട്ട സ്വദേശി ജിജിൻ എബ്രഹാം (28) മരിച്ചു. കഴിഞ്ഞ ദിവസം രാത്രി സുഹൃത്തിന്‍റെ റൂമിൽനിന്ന് ഭക്ഷണം കഴിച്ച ശേഷം താമസ സ്ഥലത്തേക്ക് മടങ്ങവേ പിന്നിൽ നിന്ന് എത്തിയ വാഹനം ഇടിച്ചു തെറിപ്പിക്കുകയായിരുന്നു.

ഷാർജ ആശുപ​ത്രിയിൽ സൂക്ഷിച്ച മൃതദേഹം നിയമ നടപടികൾ പൂർത്തീകരിച്ച് നാട്ടിലേക്കെത്തിക്കുമെന്ന്​ സാമൂഹ്യ പ്രവർത്തകരായ സലാം പാപ്പിനിശ്ശേരി, നിഹാസ് ഹാഷിം കല്ലറ, കമ്പനി അധികൃതർ എന്നിവർ അറിയിച്ചു.