സൗഹാർദം ​േ​പ്രാത്സാഹിപ്പിക്കാൻ സാംസ്​കാരിക മന്ത്രാലയത്തി​െൻറ കാമ്പയിൻ

അബൂദ ബി: റമദാൻ മാസത്തിൽ സാമൂഹിക സൗഹാർദവും പരസ്​പര വിശ്വാസവും ശക്​തിപ്പെടുത്തുക എന്ന ഉദ്ദേശ്യത്തോടെ ക്ലീവ്​ ലാൻഡ്​ ആശുപത്രിയുമായി സഹകരിച്ച്​ യു.എ.ഇ സാംസ്​കാരിക^വൈജ്ഞാനിക വികസന മന്ത്രാലയം ‘ആൾ ടുഗതർ ഇൻ ദ എമിറേറ്റ്​ ഒാഫ്​ സായിദ്​ ആൽ ഖൈർ’ കാമ്പയിൻ തുടങ്ങി. ഇതോടനുബന്ധിച്ച പ്രദർശനം ക്ലീവ്​ ലാൻഡ്​ ആശുപത്രിയിൽ സാംസ്​കാരിക^വൈജ്ഞാനിക വികസന മന്ത്രി ശൈഖ്​ നഹ്​യാൻ ബിൻ മുബാറക്​ ആൽ നഹ്​യാൻ ഉദ്​ഘാടനം ചെയ്​തു. 
രാജ്യത്തെ പ്രവാസികൾക്ക്​ യു.എ.ഇ സംസ്​കാരത്തെ അടുത്തറിയാൻ ഇത്തരം സംരംഭങ്ങൾ ഉപകരിക്കുമെന്ന്​ മന്ത്രി പറഞ്ഞു. യു.എ.ഇ സംസ്​കാരവും പാരമ്പര്യവും പ്രതിഫലിപ്പിക്കാൻ ഏറ്റവും യോജിച്ച സമയമാണ്​ റമദാൻ. നമ്മുടെ ഇസ്​ലാമിക വിശ്വാസം നമ്മുടെ ധാരണകളെയും മനോഭാവങ്ങളെയും സമ്പന്നമാക്കുന്നു. ഇത്തരം ധാരണകളും മനോഭാവങ്ങളും നമ്മുടെ പ്രവർത്തനങ്ങളിൽ പ്രോത്സാഹനമാകുന്നുവെന്നും മന്ത്രി കൂട്ടിച്ചേർത്തു.