Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightവേദനകളേ വഴിമാറുക;...

വേദനകളേ വഴിമാറുക; ഗഫൂറിന്​  ഇനിയുമേറെ എഴുതാനുണ്ട്​

text_fields
bookmark_border
വേദനകളേ വഴിമാറുക; ഗഫൂറിന്​  ഇനിയുമേറെ എഴുതാനുണ്ട്​
cancel
camera_alt???????? ???? ????. ???????? ?????? ??.???? ???????????????????

ദുബൈ: വയ്യാത്ത കുഞ്ഞിനെ സ്​കൂളിൽ വിടേണ്ടെന്ന ഡോക്​ടറുടെ വാക്കിനു ചെവികൊടുക്കാതെ മകനെ പഠിക്കാനയച്ച നീലാ​മ്പ്ര മുഹമ്മദിനും ഫാത്തിമക്കും സലാം. ഷാർജ അന്താരാഷ്​ട്ര പുസ്​തകമേളയുടെ രണ്ടാം ദിവസം ഇൻറലക്​ച്വൽ ഹാളിൽ മകൻ എൻ. അബ്​ദുൽ ഗഫൂറിന​ു വേണ്ടി ഉയരുന്ന കൈയടികൾക്ക്​ നിങ്ങൾക്കു കൂടിയുള്ളതാണ്​. 

ഒരു വയസു തികയും മുൻപേ രക്​തം കട്ടപിടിക്കാത്ത ഹിമോഫീലിയ കണ്ടെത്തിയതിനെ തുടർന്നാണ്​ ഗഫൂറിനെ  ഡോക്​ടർ വിലക്കിയത്​. തട്ടരുത്​ മുട്ടരുത്​ വേദനിപ്പിക്കരുതെന്ന അധ്യാപകരുടെ ശ്രദ്ധപ്പെടുത്തൽ കാരണം സഹപാഠികളധികം കൂട്ടിനു വന്നില്ല. കൂട്ടുകാരില്ലാത്ത കുട്ടി അക്ഷരങ്ങളോടും ചിത്രങ്ങളോടും ചങ്ങാത്തം കൂടി. പുസ്​തകങ്ങൾ  ചേർത്തു പിടിച്ചു. 

മെഡിക്കൽ കോളജിലേക്കുള്ള പതിവുയാത്രകളിൽ മനസിൽ വിരിഞ്ഞ കഥാപാത്രങ്ങളെ അവൻ നോട്ടുബുക്കിൽ കുറിച്ചിട്ടു. പി. ബൈജു എന്ന അധ്യാപകൻ ഇൗ കുറിപ്പുകൾ കാണും വരെ ​ ഗഫൂർ എന്ന എഴുത്തുകാരനെ ലോകത്തിന്​ അറിവില്ലായിരുന്നു. അങ്ങിനെ 21 വർഷം മുൻപ്​ വാണിയമ്പലം ഗവ. ഹൈസ്​കൂൾ അസംബ്ലിയിൽ  അമ്മയെത്തേടി എന്ന നോവൽ പ്രകാശനം ചെയ്യപ്പെട്ടു. ഇൗ പുസ്​തകത്തി​​​െൻറ ഒമ്പതാം പതിപ്പും കരിങ്കൽ പൂവ്​ എന്ന കഥാ സമാഹാരവുമാണ്​ 36ാമത്​ ഷാർജ മേളയിൽ പ്രകാശനം ചെയ്യുക. 

കഴിഞ്ഞ ഷാർജ മേള സന്ദർശിച്ച പിതാവി​​​െൻറ ആഗ്രഹപ്രകാരമാണ്​ സഹോദരൻ  ഫൈസൽ നീലാ​മ്പ്ര ​ ഗഫൂറിനെ ഇക്കുറി പുസ്​തകമേളക്കെത്തിക്കുന്നതിനെ കുറിച്ച്​ ചിന്തിച്ചത്​. പിന്തുണയുമായി പ്രവാസ ലോകത്തെ സഹൃദയർ ഒന്നിച്ചതോടെ അതു സാധ്യമായി. ഗഫൂറിനെ പരിചയപ്പെടുത്താൻ ഹയാത്ത്​ റീജൻസി ഹോട്ടലിൽ ഒരുക്കിയ സംഗമത്തിൽ മലബാർ ഗോൾഡ്​ ആൻറ്​ ഡയമണ്ട്​സ്​ ഇൻറർനാഷനൽ ഒാപ്പറേഷൻസ്​ എം.ഡി. ഷംലാൽ അഹ്​മദ്​, നെല്ലറ ഫുഡ്​സ്​ എം.ഡി ഷംസുദ്ദീൻ, ​െഎ.പി.​െക ചെയർമാൻ എ.കെ. ഫൈസൽ, യു.എ.ഇ എക്​സ്​ചേഞ്ചിലെ വിനോദ്​ നമ്പ്യാർ, മാധ്യമ​പ്രവർത്തകരായ നിസാർ സെയ്​ദ്​ ,കെ.എ. അബ്ബാസ്​ എന്നിവരുൾപ്പെടെ നിരവധി പേരാണ്​ എത്തിയത്​. 

കുടുംബവും കൂട്ടുകാരും നൽകിയ പിന്തുണയാണ്​ തന്നെ എഴുത്തുകാരനും ഗായകനും ചിത്രകാരനുമെല്ലാമാക്കിയതെന്ന്​ ഗഫൂർ പറയുന്നു.  എഴുത്തിന്​ പ്രോത്​സാഹനവുമായി എഴുത്തി​​​െൻറ കുലപതി എം.ടി മുതൽ നടൻ മമ്മൂട്ടി വരെ മുന്നോട്ടുവരുന്നു. വൈക്കം മുഹമ്മദ്​ ബഷീറി​​​െൻറ ബാല്യകാല്യസഖിയെ ആസ്​പദമാക്കി ഗഫൂർ രചിച്ച്​ സഹോദരൻ ഫൈസൽ തയ്യാറാക്കിയ ആൽബം     പ്രകാശനം ചെയ്​ത മമ്മൂട്ടി ഹിമോഫീലിയ രോഗം പ്രമേയമാവുന്ന ചിത്രത്തിൽ അഭിനയിക്കാനും സന്നദ്ധത അറിയിച്ചിട്ടുണ്ട്​. വാണിയമ്പലം സ്​കൂളിൽ ക്ലർക്കായി ജോലി ചെയ്യുന്ന ഗഫൂർ പുസ്​തകങ്ങൾക്കൊപ്പം മരുന്നുപൊതിയും കൊണ്ടാണ്​ വിമാനം കയറിയിരിക്കുന്നത്​. നാട്ടിൽ പാലിയേറ്റിവ്​ കൂട്ടായ്​മകളിൽ വളണ്ടിയറായ ഇദ്ദേഹം പുസ്​തകം വിറ്റു കിട്ടുന്ന വരുമാനം ഹീമോഫീലിയ ബാധിതരുടെ ക്ഷേമത്തിന്​ വിനിയോഗിക്കാനാണ്​ ഉദ്ദേശിക്കുന്നത്​.  ഗ്രീൻ ബുക്​സ്​ പ്രസിദ്ധീകരിക്കുന്ന പുസ്​തകങ്ങൾ മുൻ മന്ത്രി ഡോ.എം.കെ മുനീർ മജീഷ്യൻ മുതുകാടിന്​ നൽകിയാണ്​   പ്രകാശനം ചെയ്യുക. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:gulf newsliterature newsmalayalam newsn gafoor neelampra
News Summary - n gafoor neelampra-uae-gulf news
Next Story