എം.വി.ആർ കാൻസർ ബോധവത്​കരണ കേന്ദ്ര പ്രവർത്തനം സജീവമായി 

ദുബൈ: കാൻസർ ചികിത്സ സംബന്ധിച്ച ബോധവത്​കരണം ലക്ഷ്യമിട്ട്​ എം.വി.ആർ കാൻസർ സ​െൻറർ റിസർച്ച്​ ഇൻസ്​റ്റിട്യൂട്ട്​ ദുബൈയിൽ ആരംഭിച്ച പ്രതിനിധി ഒഫീസ്​ പ്രവർത്തനം സജീവമായി. ദുബൈ ശൈഖ്​ സായിദ്​ റോഡിലെ ആപ്​സിൻ ​കമേഴ്​സ്യൽ ടവറിലാണ്​ ഒഫീസ്​ പ്രവർത്തനം. രോഗം സംബന്ധിച്ച എല്ലാ വിധ ആശങ്കകളും ദൂരീകരിക്കാനും കോഴിക്കോടുള്ള ആശുപത്രിയിലെ ഡോക്​ടർമാരുമായി ആശയവിനിമയം നടത്താനും ഇവിടെ നിന്ന്​ സാധിക്കും. 10000 രൂപ നൽകി അംഗമായാൽ അഞ്ചു ലക്ഷം രൂപയുടെ വരെ കാൻസർ ചികിത്സാ പരിരക്ഷ നൽകുന്ന പദ്ധതി സംബന്ധിച്ച വിവരങ്ങളും ഇവിടെ നിന്ന്​ അറിയാം. നിക്ഷേപം നടത്തി ഒരു വർഷം പിന്നിട്ട ശേഷം കോഴിക്കോട്​ എം.വി.ആർ. കാൻസർ സ​െൻററിൽ അഞ്ചു ലക്ഷം രൂപയുടെ ചികിത്സ ലഭിക്കുക.

18 മുതൽ 60 വയസു വരെ പ്രായക്കാർക്കാണ്​ അംഗത്വം നൽകുക. 70 വയസ്​ പൂർത്തിയാകുന്നതു വരെ ചികിത്സാ സൗജന്യത്തിന്​ അർഹതയുണ്ടാവും. പദ്ധതിയിൽ ചേരാൻ പ്രവാസികൾക്ക്​ ഒാൺലൈൻ മുഖേന കാലിക്കറ്റ്​ സിറ്റി സർവീസ്​ സഹകരണ ബാങ്കിലേക്ക്​ പണം അയക്കാം. 043530031 എന്ന നമ്പറിൽ വിളിച്ചാൽ കൂടുതൽ വിവരങ്ങൾ ലഭ്യമാവും.ഇൗ മാസം ആദ്യം ദുബൈ ഫ്ലോറ ക്രീക്ക്​ ഹോട്ടലിൽ നടന്ന ചടങ്ങിൽ ശൈഖ്​ സുഹൈൽ ബിൻ ഖലീഫ സായിദ്​ ആൽ മക്​തൂമാണ്​ സ​െൻറർ ഉദ്​ഘാടനം ചെയ്​തത്​.