അ​ടി​യ​ന്ത​ര വാ​ഹ​ന​ങ്ങ​ൾ​ക്ക്​ വ​ഴി ന​ൽ​ക​ണം

അ​ബൂ​ദ​ബി: എ​മ​ര്‍ജ​ന്‍സി, ആം​ബു​ല​ന്‍സ്, പൊ​ലീ​സ് തു​ട​ങ്ങി​യ വാ​ഹ​ന​ങ്ങ​ള്‍ക്ക് വ​ഴി ന​ല്‍ക​ണ​മെ​ന്ന്​ ഡ്രൈ​വ​ർ​മാ​രെ വീ​ണ്ടും ഓ​ർ​മി​പ്പി​ച്ച് അ​ബൂ​ദ​ബി പൊ​ലീ​സ്. ഇ​ത്ത​രം വാ​ഹ​ന​ങ്ങ​ള്‍ക്ക് വ​ഴി ന​ല്‍കു​ന്ന​തി​ന് വീ​ഴ്ച വ​രു​ത്തി​യാ​ല്‍ 3000 ദി​ര്‍ഹം പി​ഴ​യും വാ​ഹ​നം 30 ദി​വ​സ​ത്തേ​ക്ക് പി​ടി​ച്ചെ​ടു​ക്കു​ക​യും ഡ്രൈ​വി​ങ് ലൈ​സ​ന്‍സി​ല്‍ ആ​റ് ബ്ലാ​ക്ക് പോ​യ​ന്റു​ക​ള്‍ ചു​മ​ത്തു​ക​യും ചെ​യ്യു​മെ​ന്നും പൊ​ലീ​സ് മു​ന്ന​റി​യി​പ്പ് ന​ല്‍കി.

‘മ​ടി​ക്കേ​ണ്ട, ഉ​ട​നെ വ​ഴി​മാ​റൂ’ എ​ന്ന പേ​രി​ല്‍ അ​ബൂ​ദ​ബി സി​വി​ല്‍ ഡി​ഫ​ന്‍സ് അ​തോ​റി​റ്റി, ആ​രോ​ഗ്യ​വ​കു​പ്പ്, അ​ബൂ​ദ​ബി ന​ഗ​ര ഗ​താ​ഗ​ത വ​കു​പ്പ് എ​ന്നി​വ​യു​മാ​യി സ​ഹ​ക​രി​ച്ച് അ​ബൂ​ദ​ബി പൊ​ലീ​സ് ന​ട​ത്തു​ന്ന ബോ​ധ​വ​ത്ക​ര​ണ പ​രി​പാ​ടി​യു​ടെ ഭാ​ഗ​മാ​യാ​ണ് ഇ​ത്ത​ര​മൊ​രു ഓ​ര്‍മ​പ്പെ​ടു​ത്ത​ല്‍. അ​ടി​യ​ന്ത​ര വാ​ഹ​ന​ങ്ങ​ള്‍ വ​രു​മ്പോ​ള്‍ ഉ​ട​ന്‍ത​ന്നെ ഉ​ത്ത​ര​വാ​ദി​ത്ത​ത്തോ​ടെ ഇ​തി​നു വ​ഴി​യൊ​രു​ക്കു​ന്ന സം​സ്‌​കാ​രം ഡ്രൈ​വ​ര്‍മാ​ര്‍ക്കി​ട​യി​ല്‍ വ​ള​ര്‍ത്തി​യെ​ടു​ക്കു​ക​യാ​ണ് കാ​മ്പ​യി​നി​ന്റെ ല​ക്ഷ്യം.

ജീ​വ​ൻ ര​ക്ഷി​ക്കു​ന്ന​തി​ലും അ​പ​ക​ട​ങ്ങ​ള്‍ കു​റ​ക്കു​ന്ന​തി​ലും ലോ​ക​ത്തി​ലെ സു​ര​ക്ഷി​ത ന​ഗ​ര​മെ​ന്ന അ​ബൂ​ദ​ബി​യു​ടെ പ​ദ​വി ഊ​ട്ടി​യു​റ​പ്പി​ക്കു​ന്ന​തി​ലും സ​ത്വ​ര പ്ര​തി​ക​ര​ണ​ങ്ങ​ള്‍ നി​ര്‍ണാ​യ​ക പ​ങ്കു​വ​ഹി​ക്കു​ന്നു​ണ്ട്.

അ​ടി​യ​ന്ത​ര സാ​ഹ​ച​ര്യ​ങ്ങ​ളി​ല്‍ ഓ​രോ സെ​ക്ക​ന്‍ഡും വി​ല​പ്പെ​ട്ട​താ​ണ്. അ​പ​ക​ട​മോ തീ​പി​ടി​ത്ത​മോ, ജീ​വ​ന​പ​ക​ട​ത്തി​ലാ​ക്കു​ന്ന ആ​രോ​ഗ്യ പ്ര​ശ്‌​ന​മോ ഉ​ണ്ടാ​കു​ന്ന സാ​ഹ​ച​ര്യ​ങ്ങ​ളി​ലെ സൈ​റ​ണു​ക​ള്‍ പ്ര​തി​നി​ധാ​നം ചെ​യ്യു​ന്ന​ത് പ്ര​തീ​ക്ഷ​യാ​ണെ​ന്നും അ​ധി​കൃ​ത​ര്‍ പ​റ​ഞ്ഞു.

സ​ഹാ​യ​ത്തി​നാ​യി കാ​ത്തി​രി​ക്കു​ന്ന ആ​ളു​ക​ള്‍ ജീ​വി​ത​ത്തി​നും മ​ര​ണ​ത്തി​നു​മി​ട​യി​ലാ​ണെ​ന്നും അ​ധി​കൃ​ത​ര്‍ ഡ്രൈ​വ​ര്‍മാ​രെ ഓ​ർ​മി​ക്കു​ന്നു. നി​ര​ത്തി​ലെ വാ​ഹ​ന​ങ്ങ​ള്‍ മൂ​ല​മു​ണ്ടാ​വു​ന്ന ചെ​റി​യ കാ​ല​താ​മ​സം നി​ര്‍ണാ​യ​ക സാ​ഹ​ച​ര്യ​ങ്ങ​ളി​ല്‍ സ്ഥി​തി വ​ഷ​ളാ​ക്കു​മെ​ന്നും അ​ധി​കൃ​ത​ര്‍ ഓ​ര്‍മി​പ്പി​ച്ചു.

ഡ്രൈ​വ​ര്‍മാ​ര്‍ക്കു​ള്ള ആ​റ് മാ​ര്‍ഗ​നി​ര്‍ദേ​ശ​ങ്ങ​ള്‍

1. പ്ര​ധാ​ന​പാ​ത​ക​ളി​ല്‍ ഇ​ട​ത്തേ​യ​റ്റ​ത്തെ ലെ​യി​നാ​ണ് എ​മ​ര്‍ജ​ന്‍സി വാ​ഹ​ന​ങ്ങ​ള്‍ക്കു​ള്ള​ത്. പി​ന്നി​ല്‍ വ​രു​ന്ന വാ​ഹ​നം സൈ​റ​ണ്‍ മു​ഴ​ക്കു​ക​യോ ലൈ​റ്റു​ക​ള്‍ മി​ന്നി​ക്കു​ക​യോ ചെ​യ്താ​ല്‍ ഡ്രൈ​വ​ര്‍മാ​ര്‍ ഉ​ട​ന്‍ത​ന്നെ വാ​ഹ​നം വ​ല​ത്തേ ലെ​യി​നി​ലേ​ക്ക് മാ​റ്റി​ക്കൊ​ടു​ക്ക​ണം.

2. ഗ​താ​ഗ​ത​ക്കു​രു​ക്കു​ണ്ടാ​യാ​ല്‍ എ​മ​ര്‍ജ​ന്‍സി വാ​ഹ​ന​ങ്ങ​ള്‍ക്കാ​യി നീ​ക്കി​വെ​ച്ചി​ട്ടു​ള്ള ലെ​യി​നി​ല്‍ ഒ​രു കാ​ര​ണ​വ​ശാ​ലും മ​റ്റു വാ​ഹ​ന​ങ്ങ​ള്‍ ഇ​റ​ക്ക​രു​ത്.

3. ഇ​ട​റോ​ഡു​ക​ളി​ല്‍ ഡ്രൈ​വ​ര്‍മാ​ര്‍ ഇ​ട​ത്തേ​തോ അ​ല്ലെ​ങ്കി​ല്‍ വ​ല​ത്തേ​തോ ലെ​യി​നി​ലേ​ക്ക് വാ​ഹ​നം മാ​റ്റി അ​ടി​യ​ന്ത​ര വാ​ഹ​ന​ങ്ങ​ള്‍ക്ക് വ​ഴി​യൊ​രു​ക്ക​ണം.

4. ക​വ​ല​ക​ളി​ല്‍ ഗ്രീ​ന്‍ സി​ഗ്ന​ല്‍ ആ​ണെ​ങ്കി​ലും സൈ​ഡ് റോ​ഡു​ക​ളി​ലു​ള്ള വാ​ഹ​ന​ങ്ങ​ള്‍ നി​ര്‍ത്തി​യി​ടു​ക​യും റെ​ഡ് സി​ഗ്ന​ല്‍ മ​റി​ക​ട​ന്നു​പോ​വാ​ന്‍ എ​മ​ര്‍ജ​ന്‍സി വാ​ഹ​ന​ങ്ങ​ള്‍ക്ക് വ​ഴി ന​ല്‍കു​ക​യും വേ​ണം.

5. റൗ​ണ്ട് എ​ബൗ​ട്ടു​ക​ളി​ല്‍ എ​മ​ര്‍ജ​ന്‍സി വാ​ഹ​ന​ങ്ങ​ള്‍ക്കാ​ണ് മു​ന്‍ഗ​ണ​ന. അ​ടി​യ​ന്ത​ര വാ​ഹ​ന​ങ്ങ​ള്‍ റൗ​ണ്ട് എ​ബൗ​ട്ടു​ക​ളി​ലൂ​ടെ ക​ട​ന്നു​പോ​വു​മ്പോ​ള്‍ മ​റ്റു വാ​ഹ​ന​ങ്ങ​ള്‍ ഇ​വി​ടേ​ക്ക് പോ​വ​രു​ത്. റൗ​ണ്ട് എ​ബൗ​ട്ടി​ല്‍ ഉ​ള്ള വാ​ഹ​ന​ങ്ങ​ള്‍ ഈ ​സ​മ​യം വ​ല​ത്തേ​ക്ക് മാ​റ്റി​ന​ല്‍കു​ക​യും വേ​ണം.

6. ഇ​രു​വ​ശ​ങ്ങ​ളി​ലേ​ക്കും ഗ​താ​ഗ​ത​മു​ള്ള ഒ​റ്റ ലെ​യി​ന്‍ പാ​ത​ക​ളി​ല്‍ എ​മ​ര്‍ജ​ന്‍സി വാ​ഹ​ന​ങ്ങ​ള്‍ ന​ടു​വി​ലൂ​ടെ പോ​കും. എ​തി​രെ വ​രു​ന്ന വാ​ഹ​ന​ങ്ങ​ള്‍ പ​ര​മാ​വ​ധി വ​ല​ത്തേ​ക്ക് മാ​റ്റി ന​ല്‍ക​ണം.