11കാര​െൻറ ​കൊല: വധശിക്ഷക്കെതിരായ ഹരജി ഏഴിന്​ പരിഗണിക്കും

അബൂദബി: പാക്​ ബാലൻ അസാൻ മാജിദ്​ ജാൻജുവയെ (11) പ്രകൃതിവിരുദ്ധ പീഡനത്തിന്​ ഇരയാക്കിയ ശേഷം കഴുത്തിൽ കയർ മുറുക്കി കൊലപ്പെടുത്തിയ കേസിലെ പ്രതി വധിശിക്ഷക്കെതിരെ സമർപ്പിച്ച ഹരജിയിൽ മാർച്ച്​ ഏഴിന്​ വാദം കേൾക്കും. അസാൻ മാജിദി​​​െൻറ രണ്ടാനമ്മയുടെ സഹോദരൻ 33കാരനായ പാക്​ പൗര​​​െൻറ ഹരജിയിൽ വാദം കേൾക്കാനായി രണ്ടാം തവണയാണ്​ അബൂദബി അപ്പീൽ കോടതി ചേരുന്നത്​. മാർച്ച്​ ഏഴിലെ വിചാരണക്ക്​ പ്രതിക്ക്​ വേണ്ടി അഭിഭാഷകനെ നിയമിക്കും. ആദ്യ തവണ ഹരജി പരിഗണിച്ചപ്പോൾ പ്രതിഭാഗം അഭിഭാഷകൻ ഇല്ലായിരുന്നു. വധശിക്ഷക്ക്​ വിധിക്കപ്പെടുന്നവർക്ക്​ സർക്കാർ ചെലവിൽ അഭിഭാഷകനെ ലഭ്യമാക്കി കൃത്യമായ വിചാരണ നടത്തണമെന്ന്​ യു.എ.ഇ നിയമം വ്യക്​തമാക്കുന്നു. 2017 ജൂൺ ആദ്യത്തിലാണ്​ അസാൻ മാജിദിനെ കുടുംബം താമസിക്കുന്ന കെട്ടിടത്തിന്​ മുകളിൽ കൊല്ലപ്പെട്ട നിലയിൽ കണ്ടെത്തിയത്​. സ്​ത്രീവേഷം ധരിച്ചെത്തിയാണ്​ പ്രതി കുട്ടിയെ കെട്ടിടത്തി​​​െൻറ മുകൾനിലയിലേക്ക്​ കൂട്ടിക്കൊണ്ടുപോയ​ത്​. കുട്ടിയെ പ്രകൃതിവിരുദ്ധ പീഡനത്തിന്​ ഇരയാക്കിയ ശേഷം വസ്​ത്രത്തിൽ ഒളിപ്പിച്ച്​ കൊണ്ടുവന്നിരുന്ന കയർ ഉപയോഗിച്ച്​ കഴുത്ത്​ മുറുക്കി കൊലപ്പെടുത്തുകയായിരുന്നുവെന്നാണ്​ അന്വേഷണ ഉദ്യോഗസ്​ഥർ വ്യക്​തമാക്കുന്നത്​. കുട്ടിയുടെ മൃതദേഹം കണ്ടെത്തി ഏതാനും ദിവസത്തിനകം പ്രതിയെ അബൂദബി പൊലീസ്​ പിടികൂടുകയായിരുന്നു.