ദുബൈ നഗരത്തെ പച്ചപുതപ്പിച്ച്​ മുനിസിപ്പാലിറ്റി

ദു​ബൈ: ദു​ബൈ ന​ഗ​ര​ത്തെ പൊ​ന്നു​പോ​ലെ പ​രി​ലാ​ളി​ക്കു​ന്ന ദു​ബൈ മു​നി​സി​പ്പാ​ലി​റ്റി ക​ഴി​ഞ്ഞ വ​ർ​ഷം ന​ട്ടു​പി​ടി​പ്പി​ച്ച​ത്​ 1.70 ല​ക്ഷം മ​ര​ങ്ങ​ൾ. ഇ​തു​വ​ഴി 28 ല​ക്ഷം ച​തു​ര​ശ്ര മീ​റ്റ​ർ ഹ​രി​ത പ്ര​ദേ​ശ​ങ്ങ​ളാ​ണ്​ കൂ​ടു​ത​ലാ​യി സൃ​ഷ്ടി​​ച്ചെ​ടു​ക്കാ​ൻ ക​ഴി​ഞ്ഞ​ത്.

ദി​വ​സ​വും ശ​രാ​ശ​രി 466 മ​ര​ങ്ങ​ൾ വീ​തം വെ​ച്ചു​പി​ടി​പ്പി​ച്ചു. ആ​ദ്യം നി​ശ്ച​യി​ച്ച​തി​നേ​ക്കാ​ൾ 130 ശ​ത​മാ​നം കൂ​ടു​ത​ൽ മ​ര​ങ്ങ​ളാ​ണ്​ ന​ടാ​ൻ ക​ഴി​ഞ്ഞ​ത്. ഇ​തോ​ടെ മു​നി​സി​പ്പാ​ലി​റ്റി​യു​ടെ കീ​ഴി​ലു​ള്ള ഹ​രി​ത​പ്ര​ദേ​ശ​ങ്ങ​ൾ 43.83 ദ​ശ​ല​ക്ഷം ച​തു​ര​ശ്ര മീ​റ്റ​റാ​യി ഉ​യ​ർ​ന്നു.

ന​ട്ടു​പി​ടി​പ്പി​ക്കു​ക മാ​ത്ര​മ​ല്ല, കൃ​ത്യ​മാ​യി പ​രി​പാ​ലി​ക്കാ​നും ക​ഴി​യു​ന്നു​ണ്ട്​ എ​ന്ന​തി​ന്‍റെ തെ​ളി​വാ​ണ് കൊ​ടും​ചൂ​ടി​ൽ പോ​ലും ദു​ബൈ ന​ഗ​ര​ത്തി​ൽ കാ​ണു​ന്ന പ​ച്ച​പ്പ്. ഇ​തി​നാ​യി കൃ​ത്യ​മാ​യ ജ​ല​സേ​ച​ന സൗ​ക​ര്യ​ങ്ങ​ൾ ഒ​രു​ക്കി​യി​ട്ടു​ണ്ട്. മു​നി​സി​പ്പാ​ലി​റ്റി​യു​ടെ നേ​തൃ​ത്വ​ത്തി​ൽ നി​ര​ന്ത​രം പ​രി​ശോ​ധ​ന ന​ട​ത്തു​ക​യും ഇ​വ സം​ര​ക്ഷി​ക്കു​ന്ന​തി​ന്​ ബോ​ധ​വ​ത്​​ക​ര​ണ പ​രി​പാ​ടി​ക​ൾ സം​ഘ​ടി​പ്പി​ക്കു​ക​യും ചെ​യ്യു​ന്നു​ണ്ട്. കാ​ർ​ഷി​ക മേ​ഖ​ല​യി​ലെ സ്ഥാ​പ​ന​ങ്ങ​ൾ​ക്ക്​ ലൈ​സ​ൻ​സു​ക​ൾ അ​നു​വ​ദി​ക്കു​ന്ന​ത്​ വ​ഴി സ്വ​കാ​ര്യ മേ​ഖ​ല​യു​ടെ സ​ഹാ​യ​ത്തോ​ടെ​യും കൂ​ടു​ത​ൽ പ​ച്ച​പ്പ്​ യാ​ഥാ​ർ​ഥ്യ​മാ​ക്കാ​ൻ മു​നി​സി​പ്പാ​ലി​റ്റി ശ്ര​മി​ക്കു​ന്നു.

യു.​എ.​ഇ​യു​ടെ സ്വ​ന്തം മ​ര​ങ്ങ​ളാ​യ ഗാ​ഫ്, സി​ദ്​​ർ പോ​ലു​ള്ള​വ കൂ​ടു​ത​ൽ ന​ടാ​നാ​ണ്​ മു​നി​സി​പ്പാ​ലി​റ്റി​യു​ടെ പു​തി​യ പ​ദ്ധ​തി. ​െറ​സി​ഡ​ൻ​ഷ്യ​ൽ ഏ​രി​യ​ക​ൾ, റോ​ഡി​രി​ക്, പാ​ർ​ക്ക്​ തു​ട​ങ്ങി​യ സ്ഥ​ല​ങ്ങ​ളി​ൽ ഈ ​മ​ര​ങ്ങ​ൾ കൂ​ടു​ത​ലാ​യി വെ​ച്ചു​പി​ടി​പ്പി​ക്കു​ന്നു​ണ്ട്. യു.​എ.​ഇ​യു​ടെ കാ​ലാ​വ​സ്ഥ​ക്ക്​ അ​നു​യോ​ജ്യ​മാ​യ മ​ര​ങ്ങ​ളും ന​ടു​ന്നു​ണ്ട്. മു​നി​സി​പ്പാ​ലി​റ്റി​യു​ടെ ന​ഴ്​​സ​റി​യി​ൽ വ​ള​ർ​ത്തി​യ ശേ​ഷ​മാ​ണ്​ ഇ​വ മ​റ്റി​ട​ങ്ങ​ളി​ലേ​ക്ക്​ എ​ത്തി​ക്കു​ന്ന​ത്. ദു​ബൈ ന​ഗ​ര​ത്തി​ന്‍റെ സൗ​ന്ദ​ര്യം വ​ർ​ധി​പ്പി​ക്കു​ക എ​ന്ന ല​ക്ഷ്യ​ത്തി​നൊ​പ്പം കാ​ലാ​വ​സ്ഥ​വ്യ​തി​യാ​നം ഉ​യ​ർ​ത്തു​ന്ന വെ​ല്ലു​വി​ളി​ക​ൾ നേ​രി​ടാ​നും ല​ക്ഷ്യ​മി​ടു​ന്നു.