അബൂദബി കെ.എം.സി.സി മലപ്പുറം ജില്ല സെക്രട്ടറി മുനീർ ചെക്കാലി നിര്യാതനായി

അബൂദബി: പരപ്പനങ്ങാടി സ്വദേശിയും അബൂദബി മലപ്പുറം ജില്ല കെ.എം.സി.സി സെക്രട്ടറിയുമായ മുനീർ ചെക്കാലി (42) അർബുദ ബാധിതനായി നാട്ടിൽ മരണപ്പെട്ടു. കരളിന് ബാധിച്ച അർബുദ ചികിത്സക്കായി മെയ് 16നാണ് ഭാര്യക്കൊപ്പം നാട്ടിലേക്ക് മടങ്ങിയത്. 

നാട്ടിലെത്തിയ ഉടൻ കോഴിക്കോട് മിംസ് ഹോസ്പിറ്റലിൽ ചികിൽസ നടത്തിവരികയായിരുന്നു. അബൂദബി അൽ ഫർദാൻ എക്‌സ്‌ചേഞ്ചിലെ ഐ.ടി വിഭാഗം മേധാവിയായിരുന്നു. 

അബൂദബി ഇന്ത്യൻ ഇസ്​ലാമിക് സ​െൻററിലെ കമ്പ്യൂട്ടർ ഇൻസ്ട്രക്ടറായിരുന്നു. കോവിഡ് വ്യാപനത്തിനിടയിൽ അബൂദബി സംസ്ഥാന കെ.എം.സി.സി മെഡിക്കൽ ടീമിനൊപ്പം സജീവമായി പ്രവർത്തിച്ചിരുന്നു.