മൗ​ണ്ടൈ​ൻ സൈ​ക്കിൾ റേ​സ് ​ര​ജി​സ്​​ട്രേ​ഷ​ൻ ആ​രം​ഭി​ച്ചു

ദു​ബൈ: ഒ​ക്​​ടോ​ബ​ർ ആ​റി​ന്​ അ​ൽ ഖ​വാ​നീ​ജി​ലെ മു​ശ്​​രി​ഫ്​ പാ​ർ​ക്കി​ൽ ആ​രം​ഭി​ക്കു​ന്ന മൗ​ണ്ടൈ​ൻ സൈ​ക്കി​ൾ​ റേ​സി​ൽ പ​​ങ്കെ​ടു​ക്കാ​നു​ള്ള ര​ജി​സ്​​ട്രേ​ഷ​ൻ ആ​രം​ഭി​ച്ചു. ദു​ബൈ സ്​​പോ​ർ​ട്​​സ്​ കൗ​ൺ​സി​ൽ (ഡി.​എ​സ്.​സി) ദു​ബൈ മു​സി​സി​പ്പാ​ലി​റ്റി​യു​മാ​യി ചേ​ർ​ന്നാ​ണ്​ മ​ത്സ​രം സം​ഘ​ടി​പ്പി​ക്കു​ന്ന​ത്. ലോ​ക​ത്തെ പ്ര​മു​ഖ സൈ​ക്ലി​ങ്​ ചാ​മ്പ്യ​ന്മാ​ർ മ​ത്സ​ര​ത്തി​ൽ പ​​ങ്കെ​ടു​ക്കും.

മു​ശ്​​രി​ഫ്​ പാ​ർ​ക്കി​ലെ 70,000 മ​ര​ങ്ങ​ൾ​ക്കി​ട​യി​ലൂ​ടെ അ​തി​സാ​ഹ​സി​ക​മാ​യ യാ​ത്ര​യാ​ണ്​ മൗ​ണ്ടൈ​ൻ റേ​സി​ന്‍റെ ഏ​റ്റ​വും വ​ലി​യ ആ​ക​ർ​ഷ​ണം. പ​​ങ്കെ​ടു​ക്കാ​ൻ താ​ൽ​പ​ര്യ​മു​ള്ള​വ​ർ​ക്ക്​ https://www.hopasports.com/en/event/mtb-gravel-trailseeker-challenge-2024 എ​ന്ന വെ​ബ്​​സൈ​റ്റ്​ വ​ഴി ര​ജി​സ്​​ട്രേ​ഷ​ൻ പൂ​ർ​ത്തീ​ക​രി​ക്കാം. അ​വ​സാ​ന തീ​യ​തി സെ​പ്​​റ്റം​ബ​ർ 29.

പു​രു​ഷ, വ​നി​ത താ​ര​ങ്ങ​ൾ​ക്ക് പ​​ങ്കെ​ടു​ക്കാം.​ മൂ​ന്നു വി​ഭാ​ഗ​ങ്ങ​ളി​ലാ​ണ്​ മ​ത്സ​ര​ങ്ങ​ൾ. ക​മ്യൂ​ണി​റ്റി വി​ഭാ​ഗ​ങ്ങ​ൾ​ക്ക്​​ 18 കി​ലോ​മീ​റ്റ​റും അ​മ​ച്വ​ർ വി​ഭാ​ഗ​ത്തി​ന്​ 37 കി​ലോ​മീ​റ്റ​റും പ്ര​ഫ​ഷ​ന​ൽ വി​ഭാ​ഗ​ത്തി​ന്​ 56 കി​ലോ​മീ​റ്റ​റു​മാ​ണ്​ മ​ത്സ​ര​ങ്ങ​ൾ. ക​ഴി​ഞ്ഞ വ​ർ​ഷം വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള 400ല​ധി​കം സൈ​ക്ലി​സ്റ്റു​ക​ൾ പ​​ങ്കെ​ടു​ത്തി​രു​ന്നു.

37 കി​ലോ​മീ​റ്റ​ർ ദൂ​രം പി​ന്നി​ടേ​ണ്ട പു​രു​ഷ വി​ഭാ​ഗം അ​മ​ച്വ​ർ മ​ത്സ​ര​ത്തി​ൽ ഇ​മാ​റാ​ത്തി താ​രം ഹാ​ദി ഹാ​മി​ദാ​യി​രു​ന്നു വി​ജ​യി. ആ​ക​ർ​ഷ​ക​മാ​യ സ​മ്മാ​ന​ങ്ങ​ളാ​ണ്​ വി​ജ​യി​ക​ൾ​ക്ക്​ ന​ൽ​കു​ക. മ​ത്സ​രാ​ർ​ഥി​ക​ൾ​ക്കാ​യി 50 കി​ലോ​മീ​റ്റ​ർ നീ​ള​മു​ള്ള സൈ​ക്ലി​ങ്​ ട്രാ​ക്കാ​ണ്​ ഒ​രു​ക്കി​യി​ട്ടു​ള്ള​ത്.

ഇ​തി​നെ മൂ​ന്ന്​ വി​ഭാ​ഗ​ങ്ങ​ളാ​യി തി​രി​ച്ചി​ട്ടു​ണ്ട്. നീ​ല​യും പ​ച്ച​യും നി​റ​മു​ള്ള ര​ണ്ട്​ ട്രാ​ക്കു​ക​ളു​ടെ നീ​ളം 20 കി​ലോ​മീ​റ്റ​റാ​ണ്. നി​വാ​സി​ക​ൾ, സ​ന്ദ​ർ​ശ​ക​ർ ഉ​ൾ​പ്പെ​ടെ വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള വ്യ​ത്യ​സ്ത പ്രാ​യ​ക്കാ​രാ​യ മു​ഴു​വ​ൻ കാ​യി​ക പ്രേ​മി​ക​ളെ​യും പ്രോ​ത്സാ​ഹി​പ്പി​ക്കു​ന്നു​വെ​ന്ന​താ​ണ്​ ഇ​തി​ന്‍റെ ഏ​റ്റ​വും വ​ലി​യ സ​വി​ശേ​ഷ​ത.