‘മദർ ഒാഫ്​ നാഷൻ’ അവിസ്​മരണീയമാക്കാൻ ആകാശ ദീപങ്ങളേന്തി 500 ഡ്രോണുകൾ

അബൂദബി: ആകാശ ദീപങ്ങളൊരുക്കുന്ന ഡ്രോൺ ഷോ ‘മദർ ഒാഫ്​ നാഷൻ’ ഫെസ്​റ്റിവലി​​​​െൻറ സമാപന ചടങ്ങുകൾ തിളക്കമുള്ളതാക്കും. ലെഡ്​ ലൈറ്റുകൾ ഘടിപ്പിച്ച ഡ്രോണുകൾ ആകാശത്ത്​ സായിദ്​ വർഷ ലോഗോ ഒരുക്കുന്നത്​ സന്ദർശകർക്ക്​ ത്രസിപ്പിക്കുന്ന കാഴ്​ചയാകും. വെള്ളി, ശനി ദിവസങ്ങളിൽ രാത്രി 8.20നാണ്​ അഞ്ച്​ മിനിറ്റോളം നീണ്ടുനിൽക്കുന്ന ഷോ. മിഡിലീസ്​റ്റിൽ ആദ്യമായാണ്​ ഇത്തരം ഡ്രോൺ ഷോ നടക്കുന്നത്​. പൈതൃകത്തിലും പാരമ്പര്യത്തിലും അടിയുറച്ചതും ഭാവിയിലേക്ക്​ ഉറ്റുനോക്കുന്നതുമായ അബൂദബി എമിറേറ്റി​​​​െൻറ ചൈതന്യം അക്ഷരാർഥത്തിൽ ഉൾ​െക്കാള്ളുന്നതാകും ഡ്രോൺ ഷോ എന്ന്​ മദർ ഒാഫ്​ നാഷൻ ഫെസ്​റ്റിവൽ സംഘാടകരായ അബൂദബി സാംസ്​കാരിക^വിനോദസഞ്ചാര വകുപ്പി​​​​െൻറ ഡയറക്​ടർ ജനറൽ സൈഫ്​ ഗോബാശ്​ അഭിപ്രായപ്പെട്ടു. 

സാ​േങ്കതികവിദ്യയും കലയും സ​ംയോജിക്കുന്ന ഇൗ ഷോയ്​ക്ക്​ ഫലപ്രദമായ രീതിയിൽ അബൂദബിയുടെ കഥ പറയാനും രാഷ്​ട്രപിതാവിന്​ ആദരമർപ്പിക്കാനും സാധിക്കും. രാത്രിയുടെ ആകാശം കാൻവാസാകുന്ന ഷോയിലേക്ക്​ എല്ലാവരെയും സ്വാഗതം ചെയ്യുന്നുവെന്നും അദ്ദേഹം പറഞ്ഞു.മദർ ഒാഫ്​ നാഷൻ ഫെസ്​റ്റിവലി​​​​െൻറ മുഖ്യ വേദിയിൽ വെള്ളിയാഴ്​ച ഇമാറാത്തി കലാകാരൻ ഇൗദ ആൽ മെൻഹലിയുടെയും ലെബനീസ്​^​കനേഡിയൻ ഗായകൻ ഡാനി അരീദിയുടെയും സംഗീത പരിപാടിയുണ്ടാകും.

ഡാനീൽ സയേഗ്​ വാദ്യമേളമൊരുക്കും. ശനിയാഴ്​ച ഇമാറാത്തി ഗായകൻ ആദിൽ ഇബ്രാഹീമി​​​​െൻറ സംഗീതാവിഷ്​കാരം നടക്കും. ഇൗ വർഷത്തെ മദർ ഒാഫ്​ നാഷൻ ഫെസ്​റ്റിവലിൽ കല, സംഗീതം ശിൽപശാല തുടങ്ങി നൂറിലധികം പരിപാടികളാണ്​ സംഘടിപ്പിച്ചത്​. മുതിർന്നവർക്ക്​ 25 ദിർഹവും അഞ്ച്​ മുതൽ 12 വയസ്സ്​ വരെയുള്ള കുട്ടികൾക്ക്​ 15 ദിർഹവുമാണ്​ ഫെസ്​റ്റിവലിലേക്കുള്ള പ്രവേശന നിരക്ക്​. അഞ്ച്​ വയസ്സിന്​ താഴെയുള്ള കുട്ടികൾ, നിശ്ചയദാർഢ്യ വ്യക്​തികൾ, 60 വയസ്സ്​ കഴിഞ്ഞവർ എന്നിവർക്ക്​ സൗജന്യമാണ്​.