ദുബൈ എക്സ്​പോയിൽ രണ്ട്​ കോടി സന്ദർശകർ കവിഞ്ഞു

ദുബൈ: മഹാമേള തുടങ്ങും മുൻപേ ദുബൈ നൽകിയ ഉറപ്പ്​ യാഥാർഥ്യമായിരിക്കുന്നു. കോവിഡിന്‍റെ കാലത്ത്​ ആകളുകയറുമോ എന്ന്​ ആശങ്കപ്പെട്ടവർക്ക്​ മുന്നിൽ രണ്ട്​ കോടി സന്ദർശകരെ എത്തിച്ച്​ ദുബൈ എക്സ്​പോ.

രണ്ട്​ കോടി സന്ദർശകരെ ലക്ഷ്യമിട്ട്​ തുടങ്ങിയ മഹാമേള അവസാനിക്കാൻ 12 ദിവസം ബാക്കി നിൽക്കെയാണ്​ രണ്ട്​ കോടിയിലേക്കെത്തിയത്​. രണ്ടര കോടി സന്ദർശകർ എന്ന പുതുക്കിയ ലക്ഷ്യത്തിലേക്കുള്ള യാത്രയിലേക്കാണ്​ ഇനി എക്സ്​പോ.

ചരിത്ര നിമിഷം വെടിക്കെട്ടോടെ എക്സപോ ആഘോഷിക്കും. ശനിയാഴ്ച രാത്രി 8.30നാണ്​ ആഘോഷം. അൽവസ്​ൽ ഡോമിൽ പ്രത്യേക പരിപാടിയും അരങ്ങേറും. 70 ശതമാനം സന്ദർശകരും യു.എ.ഇയിൽ നിന്നെത്തിയവരാണ്​. 18 വയസിൽ താഴെയുള്ള കുട്ടികളുടെ എണ്ണം 28 ലക്ഷമായി.