ഗ്ലോബൽ വില്ലേജിൽ ​വി.​െഎ.പി പാസുകാർക്ക്​ കൂടുതൽ സൗകര്യം

ദുബൈ: ഗ്ലോബൽ വില്ലേജി​െൻറ 26ാം സീസൺ ആരംഭിക്കുന്നതിനുമുമ്പ് വി.ഐ.പി പ്രവേശന സൗകര്യം നവീകരിക്കുന്നു. ഒക്ടോബർ 26നാണ്​ ഗ്ലോബൽ വില്ലേജി​െൻറ പുതിയ സീസൺ ആരംഭിക്കുക. സന്ദർശകർക്ക്​ മികച്ച അനുഭവം സമ്മാനിക്കാൻ​ ഒരുങ്ങുകയാണെന്ന്​ അധികൃതർ അറിയിച്ചു. കഴിഞ്ഞ സീസണുകളിൽ ലഭിച്ച പ്രതികരണങ്ങളുടെ അടിസ്​ഥാനത്തിൽ ഗ്ലോബൽ വില്ലേജ് വി.ഐ.പി പാസുകാർക്കുള്ള സൗകര്യങ്ങളുടെ പുതുക്കൽ അവസാനഘട്ടത്തിലാണെന്നും സംഘാടകർ വ്യക്​തമാക്കി. പ്രത്യേക ആനുകൂല്യങ്ങൾ നൽകുന്ന വി.ഐ.പി പക്കേജിൽ പ്രവേശനം, പ്രത്യേക പാർക്കിങ്​, ഒരു 'വണ്ടർ‌ പാസ് കാർഡ്' എന്നിവക്ക് പുറമെ പുതിയ ആനുകൂല്യങ്ങളും നൽ‌കും.

167 ദിവസം നീളുന്ന ഗ്ലോബൽ വില്ലേജ്​ അനുഭവം അടുത്ത വർഷം ഏപ്രിൽ 10നാണ്​ അവസാനിക്കുക. എക്​സ്​പോ 2020യും ട്വൻറി 20 ലോകകപ്പ്​ ക്രിക്കറ്റും അരങ്ങേറുന്ന സമയത്ത്​ ദുബൈയിലെ വി​നോദസഞ്ചാരികളുടെ മറ്റൊരു ശ്രദ്ധാകേന്ദ്രമാകുമിത്​. എല്ലാവർഷവും ലക്ഷക്കണക്കിന്​ യു.എ.ഇ താമസക്കാരും സന്ദർശകരും ഗ്ലോബൽ വില്ലേജിൽ എത്താറുണ്ട്​. കഴിഞ്ഞ വർഷം 45 ലക്ഷം പേരാണ്​ സന്ദർശകരായി എത്തിയത്​. വിവിധ രാജ്യങ്ങളുടെ പവലിയനുകളിൽ സാംസ്​കാരിക പരിപാടികളും വാണിജ്യപ്രദർശനങ്ങളും ഈ വർഷവും അരങ്ങേറും.