Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightമോഹനൻ ഭക്ഷണം...

മോഹനൻ ഭക്ഷണം വിളമ്പും; കാക്കയും പൂച്ചയും പാഞ്ഞെത്തും

text_fields
bookmark_border
മോഹനൻ ഭക്ഷണം വിളമ്പും; കാക്കയും പൂച്ചയും പാഞ്ഞെത്തും
cancel
camera_alt

മോഹന​ൻ നൽകിയ ഭക്ഷണം കഴിക്കാനെത്തിയ പൂച്ചകൾ

ഉമ്മുല്‍ ഖുവൈന്‍: ലസീമയിലെ കാക്കകള്‍ക്കും പൂച്ചകള്‍ക്കും അന്നദാതാവാണ് തിരുവനന്തപുരം ചിറയംകീഴ് സ്വദേശി മോഹനന്‍. പത്ത്​ വര്‍ഷത്തോളമായി മോഹനന്‍ കാക്കകള്‍ക്കും പൂച്ചകള്‍ക്കും പ്രിയങ്കരനാണ്.മിണ്ടാപ്രാണികളോട് കാണിക്കുന്ന ഈ കരുതലാണ് ത​െൻറ ജീവിതമെന്ന് മോഹനന്‍ പറയുന്നു. 'മ്യാവൂ' വിളികളും 'കാക്കാ' കരച്ചിലുമൊന്നും കേട്ടില്ലെങ്കിൽ മോഹനന്​ ഉറക്കം വരില്ല.

അദ്ദേഹത്തി​െൻറ മൃഗസ്നേഹം ഉമ്മുല്‍ഖുവൈനിലെ ലസീമയിലെ കാക്കകള്‍ക്കും പൂച്ചകള്‍ക്കും നന്നായി അറിയാം. ലോക്​ഡൗൺ കാലത്തെ സുഭിക്ഷത കുറഞ്ഞ സമയങ്ങളിലും ഇവിടത്തെ കാക്കകളും പൂച്ചകളും ജീവിതം ആസ്വദിക്കുകയായിരുന്നു.

പഴയ ബലദിയ്യ എന്നറിയപ്പെടുന്ന ലസീമയിലെ ഇരുപതിലധികം മരങ്ങളിലെ നൂറോളം കാക്കകള്‍ മോഹന​െൻറ അടുപ്പക്കാരാണ്. മോഹനോടൊത്തുള്ള കാക്കകളുടെ കാഴ്ച ഏറെ കൗതുകകരമാണ്. സുരക്ഷിതമായ താവളം എന്നതിനപ്പുറം ആര്യവേപ്പിന്‍ കൊമ്പി​െൻറ ഉറപ്പും പ്രജനനത്തിന് ഏറെ ഉതകുന്നതാണെന്നതാണ് കാക്കകള്‍ക്ക് ഈ പ്രദേശം ഏറെ പ്രിയങ്കരമായത്.

കാക്കകള്‍ക്കുള്ള കോഴി അവശിഷ്​ടങ്ങളും പൂച്ചകള്‍ക്കുള്ള കുഞ്ഞന്‍ മത്തിയും ദിവസവും മോഹനന്‍ വിളമ്പുന്ന വിഭവമാണ്. ചക്കിയും കണ്ടനുമൊക്കെ മോഹനനെ കാത്തിരിക്കും അവരുടെ പ്രിയഭക്ഷണമായ കുഞ്ഞന്‍ മത്തിക്കായി. പല നിറത്തിലുള്ള പൂച്ചകളും മോഹന​െൻറ വില്ലക്കകത്ത് കാണാം. കറുമ്പിയും ചെമ്പനുമൊക്കെ ചെറിയൊരു ചൂളംവിളി കേട്ടാല്‍ പാഞ്ഞെത്തും. വയറുനിറഞ്ഞുള്ള പൂച്ചരാജ​െൻറ കിടത്തവും കേമം തന്നെ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:catMohanancrowserve food
Next Story