ദു​ബൈ ലൈ​ബ്ര​റി​യി​ൽ ‘പി​ക്കാ​സോ ദി​ന​ങ്ങ​ൾ’ ബു​ധ​നാ​ഴ്ച മു​ത​ൽ

ദു​ബൈ: മു​ഹ​മ്മ​ദ്​ ബി​ൻ റാ​ശി​ദ്​ ലൈ​ബ്ര​റി​യി​ൽ ബു​ധ​നാ​ഴ്ച മു​ത​ൽ ‘പി​ക്കാ​സോ ദി​ന​ങ്ങ​ൾ’ എ​ന്ന പേ​രി​ൽ പെ​യി​ന്‍റി​ങ്​ പ്ര​ദ​ർ​ശ​നം ന​ട​ക്കും. അ​ന്താ​രാ​ഷ്ട്ര പെ​യി​ന്‍റി​ങ്​ ഇ​തി​ഹാ​സം പാ​ബ്ലോ പി​ക്കാ​സോ​യെ അ​നു​സ്മ​രി​ക്കു​ന്ന രീ​തി​യി​ലാ​ണ്​ പ​രി​പാ​ടി സ​ജ്ജീ​ക​രി​ച്ചി​ട്ടു​ള്ള​ത്. ഒ​രാ​ഴ്ച നീ​ളു​ന്ന എ​ക്സി​ബി​ഷ​നോ​ട​നു​ബ​ന്ധി​ച്ച്​ നി​ര​വ​ധി പ​രി​പാ​ടി​ക​ൾ ഒ​രു​ക്കി​യി​ട്ടു​ണ്ട്. ബു​ധ​നാ​ഴ്ച ഡി​ജി​റ്റ​ൽ പ​ബ്ലി​ഷി​ങ്​ ഫോ​റ​ത്തി​ന്‍റെ ര​ണ്ടാം എ​ഡി​ഷ​നും ലൈ​ബ്ര​റി ആ​തി​ഥ്യ​മ​രു​ളു​ന്നു​ണ്ട്. ദു​ബൈ ക​ൾ​ച​റും ലൈ​ബ്ര​റി​യും സം​യു​ക്​​ത​മാ​യി സം​ഘ​ടി​പ്പി​ക്കു​ന്ന ഫോ​റം ഡി​ജി​റ്റ​ൽ പ​ബ്ലി​ഷി​ങ്​ മേ​ഖ​ല അ​ഭി​മു​ഖീ​ക​രി​ക്കു​ന്ന വെ​ല്ലു​വി​ളി​ക​ളും സാ​ധ്യ​ത​ക​ളും ച​ർ​ച്ച ചെ​യ്യു​ന്ന​താ​ണ്.

‘പി​ക്കാ​സോ ദി​ന​ങ്ങ​ൾ’ പ​രി​പാ​ടി​യു​ടെ ആ​ദ്യ ദി​ന​ത്തി​ൽ അ​റ​ബ്​ മേ​ഖ​ല​യി​ലെ 40 ക​ലാ​കാ​ര​ൻ​മാ​രു​ടെ ചി​ത്ര​ങ്ങ​ൾ പ്ര​ദ​ർ​ശി​പ്പി​ക്കു​ന്ന എ​ക്സി​ബി​ഷ​നാ​ണ്​ ഒ​രു​ക്കി​യി​ട്ടു​ള്ള​ത്. പി​ക്കാ​സോ​യു​ടെ ചി​ത്ര​ങ്ങ​ളി​ൽ​നി​ന്ന്​ പ്ര​ചോ​ദ​ന​മു​ൾ​ക്കൊ​ണ്ടു​ള്ള ര​ച​ന​ക​ൾ​ക്കാ​ണ്​ ഇ​തി​ൽ മു​ൻ​ഗ​ണ​ന ന​ൽ​കു​ന്ന​ത്. അ​തോ​ടൊ​പ്പം ‘പി​ക്കോ​സോ ചി​ത്ര​ങ്ങ​ളി​ലെ മാ​ന​സി​ക പ്ര​തി​ഫ​ല​ന​ങ്ങ​ൾ’ എ​ന്ന ത​ല​ക്കെ​ട്ടി​ൽ ലൈ​ബ്ര​റി തി​യ​റ്റ​റി​ൽ പ്ര​ഭാ​ഷ​ണ​വും ന​ട​ക്കും. ര​ണ്ടും മൂ​ന്നും ദി​വ​സ​ങ്ങ​ളി​ൽ മ​ർ​യം അ​ൽ നി​യാ​ദി​യു​ടെ നേ​തൃ​ത്വ​ത്തി​ൽ അ​ബ്​​സ്​​ട്രാ​ക്ട്​ പെ​യി​ൻ​റി​ങ്ങി​നെ കു​റി​ച്ച പ്ര​ത്യേ​ക വ​ർ​ക്ക്ഷോ​പ്പു​ക​ളും അ​ര​ങ്ങേ​റും. അ​ബ്​​സ്​​ട്രാ​ക്ട്​ ആ​ർ​ട്ട് മേ​ഖ​ല​യി​ലെ വൈ​വി​ധ്യ​ങ്ങ​ളെ​യും വ്യ​ത്യ​സ്ത രീ​തി​ക​ളെ​യും പ​രി​ച​യ​പ്പെ​ടു​ത്തു​ന്ന​തും ക​ലാ​കാ​ര​ന്മാ​രു​ടെ നൈ​പു​ണ്യം വ​ർ​ധി​പ്പി​ക്കു​ന്ന​തും ല​ക്ഷ്യ​മി​ട്ടാ​ണ്​ വ​ർ​ക്ക്​​ഷോ​പ്​ ഒ​രു​ക്കി​യി​ട്ടു​ള്ള​ത്.

പൊ​തു​ജ​ന​ങ്ങ​ൾ​ക്ക്​ പ​രി​പാ​ടി​യി​ലേ​ക്ക്​ സൗ​ജ​ന്യ പ്ര​വേ​ശ​നം അ​നു​വ​ദി​ക്കും. മു​ഹ​മ്മ​ദ്​ ബി​ൻ റാ​ശി​ദ്​ ലൈ​ബ്ര​റി​യു​ടെ വെ​ബ്​​സൈ​റ്റി​ലും സ​മൂ​ഹ മാ​ധ്യ​മ​ങ്ങ​ൾ വ​ഴി​യും ര​ജി​സ്റ്റ​ർ ചെ​യ്യാ​ൻ സൗ​ക​ര്യ​മൊ​രു​ക്കി​യി​ട്ടു​ണ്ട്. പി​ക്കാ​സോ​യു​ടെ ക​ലാ​രം​ഗ​ത്തെ സ്വാ​ധീ​ന​ത്തെ​യും ആ​ഗോ​ള ത​ല​ത്തി​ലെ സ്വീ​കാ​ര്യ​ത​യെ​യും പു​തു​ത​ല​മു​റ​യെ പ​രി​ച​യ​പ്പെ​ടു​ത്തു​ക കൂ​ടി ല​ക്ഷ്യ​മി​ട്ടാ​ണ്​ പ​രി​പാ​ടി ഒ​രു​ക്കു​ന്ന​തെ​ന്ന്​ അ​ധി​കൃ​ത​ർ വ്യ​ക്ത​മാ​ക്കി.