ക​ല​യും സം​സ്‌​കാ​ര​വും സ​മ​ന്വ​യി​പ്പി​ച്ച് 'മി​റാ​ജ് മ്യൂ​സി​യം'

ലോ​ക രാ​ജ്യ​ങ്ങ​ളി​ലെ ഇ​സ്​​ലാ​മി​ക ക​ലാ​രൂ​പ​ങ്ങ​ളും ക​ലാ​സൃ​ഷ്​​ടി​ക​ളും പ്ര​ദ​ർ​ശി​പ്പി​ക്കു​ന്ന ഇ​ട​മാ​ണ് അ​ബൂ​ദ​ബി​യി​ലെ മി​റാ​ജ് മ്യൂ​സി​യം. മു​സ്​​ലിം ലോ​ക​ത്തെ പൈ​തൃ​ക​വും പ​ര​മ്പ​രാ​ഗ​ത ജീ​വി​ത​ശൈ​ലി​യും പ്ര​ക​ട​മാ​ക്കു​ന്ന​താ​ണ് മ്യൂ​സി​യ​ത്തി​ലെ പ്ര​ദ​ർ​ശ​ന വ​സ്​​തു​ക്ക​ളെ​ന്ന​താ​ണ് പ്ര​ത്യേ​ക​ത.

അ​ബൂ​ദ​ബി ബ്രേ​ക്ക് വാ​ട്ട​റി​ലെ മ​റീ​ന മാ​ളി​ന് സ​മീ​പ​ത്തെ മ്യൂ​സി​യ​ത്തി​ൽ ഈ​ജി​പ്​​ത്, സി​റി​യ, ഇ​റാ​ൻ, ഇ​റാ​ഖ്, ഇ​ന്ത്യ, റ​ഷ്യ തു​ട​ങ്ങി​യ രാ​ജ്യ​ങ്ങ​ളി​ൽ നി​ന്നു​ള്ള അ​ദ്വി​തീ​യ ക​ലാ​രൂ​പ​ങ്ങ​ളു​ടെ ശേ​ഖ​ര​മു​ണ്ട്. കൈ​കൊ​ണ്ട് നെ​യ്​​ത ചി​ത്ര​ങ്ങ​ൾ, പ​ര​വ​താ​നി​ക​ൾ, പ​ട്ടു​കൊ​ണ്ടു​ള്ള തു​ണി​ത്ത​ര​ങ്ങ​ൾ, രാ​ജ​കീ​യ വ​സ്ത്ര​ങ്ങ​ൾ, ആ​ഭ​ര​ണ​ങ്ങ​ൾ, ആ​ചാ​ര വ​സ്​​തു​ക്ക​ൾ, മി​ക​ച്ച രീ​തി​യി​ൽ നി​ർ​മ്മി​ച്ച ആ​യു​ധ​ങ്ങ​ൾ, മാ​ർ​ബി​ളു​ക​ൾ, അ​റ​ബി​ക് കാ​ലി​ഗ്രാ​ഫി​യി​ൽ കൊ​ത്തി​യെ​ടു​ത്ത പാ​ത്ര​ങ്ങ​ൾ എ​ന്നി​വ മ്യൂ​സി​യ​ത്തി​ലെ ആ​ക​ർ​ഷ​ണ​ങ്ങ​ളാ​ണ്. ഇ​സ്​​ലാ​മി​ക ക​ല​യും സം​സ്‌​കാ​ര​വും സ​ന്ദ​ർ​ശ​ക​ർ​ക്ക് പ​രി​ച​യ​പ്പെ​ടു​ത്താ​നും പ്ര​ദ​ർ​ശി​പ്പി​ക്കാ​നു​മാ​യി 2015 ജ​നു​വ​രി​യി​ലാ​ണ് ഈ ​മ്യൂ​സി​യം തു​റ​ന്ന​ത്.

ഇ​സ്​​ലാ​മി​ക ഭ​ര​ണാ​ധി​കാ​രി​ക​ളും രാ​ജാ​ക്ക​ൻ​മാ​രും വാ​ണി​രു​ന്ന ഇ​റാ​ൻ, ഇ​റാ​ഖ്, ഈ​ജി​പ്​​ത്, ഇ​ന്ത്യ തു​ട​ങ്ങി​യ രാ​ജ്യ​ങ്ങ​ളി​ൽ പ്ര​ത്യേ​ക സം​ഘം ന​ട​ത്തി​യ ഗ​വേ​ഷ​ണ യാ​ത്ര​യി​ലാ​ണ് മ്യൂ​സി​യ​ത്തി​ലേ​ക്ക് നൂ​റ്റാ​ണ്ടു​ക​ൾ പ​ഴ​ക്ക​മു​ള്ള എ​ക്‌​സ്‌​ക്ലൂ​സീ​വ് സാ​ധ​ന സാ​മ​ഗ്രി​ക​ൾ ശേ​ഖ​രി​ച്ച​ത്. ഇ​സ്​​ലാ​മി​ക വാ​സ്​​തു​വി​ദ്യ​യി​ലും സം​സ്‌​കാ​ര​ത്തി​ലും രൂ​പ​ക​ൽ​പ​ന ചെ​യ്​​ത ഒ​ട്ടേ​റെ ക​ലാ​രൂ​പ​ങ്ങ​ൾ മ്യൂ​സി​യ​ത്തി​ലെ​ത്തു​ന്ന​വ​രെ ആ​ക​ർ​ഷി​ക്കു​ന്നു.

ഇ​സ്​​ലാ​മി​ക ച​രി​ത്ര​ത്തി​െ​ൻ​റ വി​വി​ധ കാ​ല​ഘ​ട്ട​ങ്ങ​ളി​ലെ പ്രാ​ദേ​ശി​ക​വും സാം​സ്‌​കാ​രി​ക​വു​മാ​യ സ്വാ​ധീ​നം പ്ര​ക​ട​മാ​ക്കു​ന്ന വ​സ്​​തു​ക്ക​ൾ മ്യൂ​സി​യം സ​ന്ദ​ർ​ശ​ക​ർ​ക്ക്​ കാ​ണാ​നാ​വും. പേ​ർ​ഷ്യ​ൻ സ​മ്പ​ന്ന​ത​യി​ലും ആ​ഡം​ബ​ര​ത​യി​ലും നെ​യ്​​ത തു​ണി​ത്ത​ര​ങ്ങ​ൾ മു​ത​ൽ പെ​യി​ൻ​റ്​ ചെ​യ്​​ത സി​റാ​മി​ക്‌​സ്, ക​ശ്​​മീ​രി​ൽ നി​ന്നു​ള്ള പ​ട്ട് പ​ര​വ​താ​നി​ക​ൾ, ഡ​മാ​സ്‌​ക​സി​ൽ നി​ന്നു​ള്ള ക​ര​കൗ​ശ​ല ആ​യു​ധ​ങ്ങ​ൾ, അ​ല​ങ്കാ​ര രൂ​പ​ങ്ങ​ളു​ടെ പി​ടി​ക​ളോ​ടെ നി​ർ​മി​ച്ച ക​ഠാ​ര​ക​ളും വാ​ളു​ക​ളും ക​വ​ച​ങ്ങ​ളും, മു​ഗ​ൾ ഭ​ര​ണ കാ​ല​ഘ​ട്ട​ത്തി​ലെ സ്വ​ർ​ണ​വും വെ​ള്ളി​യും പ​തി​ച്ച ആ​ഭ​ര​ണ​ങ്ങ​ൾ, രാ​ജ​കീ​യ കി​രീ​ട​ങ്ങ​ൾ എ​ന്നി​വ​യും പ്ര​ദ​ർ​ശ​ന​ത്തി​ലു​ണ്ട്. മു​സ്​​ലിം രാ​ജ്യ​ങ്ങ​ളു​ടെ​യും ഇ​സ്​​ലാ​മി​ക സം​സ്‌​കാ​ര​ത്തി​െ​ൻ​റ​യും നൂ​റ്റാ​ണ്ടു​ക​ളു​ടെ ക​ഥ​ക​ൾ പ​റ​യു​ന്ന മ​നോ​ഹ​ര​മാ​യ പെ​യി​ൻ​റി​ങു​ക​ളി​ലൂ​ടെ സ​ന്ദ​ർ​ശ​ക​രെ മ്യൂ​സി​യം വി​സ്​​യി​പ്പി​ക്കു​ന്നു. രാ​വി​ലെ ഒ​മ്പ​തു മു​ത​ൽ വൈ​കു​ന്നേ​രം ആ​റു വ​രെ പ്ര​വ​ർ​ത്തി​ക്കു​ന്ന അ​ബൂ​ദ​ബി മി​റാ​ജ് മ്യൂ​സി​യ​ത്തി​ൽ പ്ര​വേ​ശ​നം സൗ​ജ​ന്യ​മാ​ണ്.