മിടുക്കൻ  മിലോ പഠിപ്പിക്കും... 

ദുബൈ: ഒാട്ടിസമുള്ള കുട്ടികളുടെ അധ്യയനം എളുപ്പമുള്ളതാക്കാൻ റെ​ാബോട്ട്​. മിലോ എന്ന്​ പേരിട്ട ഒാമനത്തം തുളുമ്പുന്ന യന്ത്രമനുഷ്യക്കുട്ടനാണ്​ കുട്ടികളുടെ കൂട്ടുകാരനായി എത്തുന്നത്​. അധ്യാപകർ കുട്ടികളോട്​ ചോദിക്കുന്ന ചോദ്യങ്ങൾക്ക്​ ശബ്​ദവും ഭാവവും മുഖേന മറുപടി നൽകാനാവും വിധമാണ്​ ഇവ​​െൻറ സംവിധാനം. മിലോ സന്തോഷം തോന്നു​േമ്പാൾ എന്താണു ചെയ്യുക എന്നു ചോദിച്ചാൽ അവൻ ചിരിച്ചു കാണിക്കും.

ദേഷ്യം, സങ്കടം, വേദന തുടങ്ങിയ ഭാവങ്ങളെല്ലാം പറഞ്ഞു തരും. മറ്റെന്തു വിഷയമാണെങ്കിലും പ്രോഗ്രാം ചെയ്യാനുമാവും. കുട്ടികൾക്ക്​ കളിക്കും പോലെ പഠനം നടത്താനാവും. നെതർലൻറ്​സിലെ ബ്ലൂ ഒാഷ്യൻ റോബോട്ടിക്​സ്​ രൂപം നൽകിയ മിലോ നാലു വർഷമായി യൂറോപ്യൻ രാജ്യങ്ങളിൽ പഠനത്തിന്​ ഉപയോഗിക്കുന്നുണ്ട്​. സംഗതി ഉഷാറാണെങ്കിലും ഇന്ത്യപോലുള്ള രാജ്യങ്ങളിലെ സ്ഥാപനങ്ങൾക്ക്​ എളുപ്പം താങ്ങാനാവാത്ത വിലയാണ്​. റോബോട്ടി​​െൻറ സോഫ്​റ്റ്​വെയർ, വർക്​ഷോപ്പുകൾ, സിലബസ്​ എന്നിവയെല്ലാം ചേർന്ന്​ എട്ടു ലക്ഷത്തോളം രൂപ വിലവരും.കുറഞ്ഞ ചിലവിൽ മിലോയു​െട ഇന്ത്യൻ പതിപ്പ്​ തയ്യാറാക്കാൻ സ്​റ്റാർട്ട്​അപ്പുകൾക്കും യുവ പ്രതിഭകൾക്കും പിന്തുണ നൽകാനായാൽ ഏറെ ഗുണകരമാവും.