കരുത്ത്​ വിളിച്ചോതി സൈനികരുടെ ശക്തിപ്രകടനം

ദുബൈ: യു.എ.ഇ സൈന്യത്തി​​െൻറ മുഴുവൻ കരുത്തും തെളിയിക്കുന്ന ശക്തിപ്രകടനം ഷാർജ അൽ ഖാൻ തീരത്ത്​ പൊതുജനങ്ങൾക്ക്​ മുന്നിൽ നടന്നു. കര, നാവിക, വ്യോമ സേനകൾക്ക്​ പുറമെ പ്രസിഡൻഷ്യൽ ഗാർഡുകൾ, എയർ ഡിഫൻസും ജോയൻറ്​ ഏവിയേഷൻ കമാൻഡും പ്രകടനത്തിൽ പ​െങ്കടുത്തു. വെള്ളിയാഴ്​ച വൈകിട്ട്​ 4.30 നാണ്​ പ്രകടനം തുടങ്ങിയത്​. യുദ്ധസജ്ജമായ നിരവധി സൈനിക ടാങ്കുകൾ, യുദ്ധക്കപ്പലുകൾ എന്നിവ മുതൽ എഫ്​ 16 യുദ്ധ വിമാനങ്ങൾ വരെ പ്രകടനത്തിൽ പ​െങ്കടുത്തു. വ്യോമസേനയുടെ അക്രോബാറ്റിക്​ സംഘമായ അൽ ഫോർസ​​െൻറ പ്രകടനവും കാണികളെ അത്ഭുതപരതന്ത്രരാക്കി. രണ്ടാം തവണയാണ്​ യു.എ.ഇ സൈനിക വിഭാഗങ്ങൾ സംയുക്ത അഭ്യാസം നടത്തുന്നത്​. നേരത്തെ അബൂദബിയിൽ ഇത്തരം പ്രകടനം നടത്തിയിരുന്നു.