മുഹമ്മദ്​ ബിൻ സായിദ്​- അൽ അസ്​ഹർ ഗ്രാൻഡ്​ ഇമാം കൂടിക്കാഴ്​ച

അബൂദബി: അൽ അസ്​ഹർ ഗ്രാൻഡ്​ ഇമാം ഡോ. അഹ്​മദ്​ ആൽ ത്വയ്യിബിനെ അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാൻഡറുമായ ജനറൽ ശൈഖ് മുഹമ്മദ് ബിൻ സായിദ് ആൽ നഹ്​യാൻ അൽ ബഹ്​ർ കൊട്ടാരത്തിൽ സ്വീകരിച്ചു. മസ്​ജിദുൽ അഖ്​സയിലേക്കുള്ള ഇസ്രായേലി​​െൻറ കടന്നുകയറ്റം ചർച്ച ചെയ്യാൻ വിളിച്ച മുസ്​ലിം കൗൺസിൽ ഒാഫ്​ എൽഡേഴ്​സി​​െൻറ അടിയന്തര യോഗത്തിൽ അധ്യക്ഷത വഹിക്കാനാണ്​ ഡോ. അഹ്​മദ്​ അൽ ത്വയ്യിബ്​ യു.എ.ഇയിലെത്തിയത്​. മസ്​ജിദുൽ അഖ്​സയിലേക്കുള്ള ഇസ്രായേലി​​െൻറ കടന്നുകയറ്റം ഉൾപ്പെടെ ഇസ്​ലാമിക ലോകം നേരിടുന്ന വെല്ലുവിളികൾ ഡോ. അഹ്​മദ്​ അൽ ത്വയ്യിബും ശൈഖ്​ മുഹമ്മദ്​ ബിൻ സായിദും ചർച്ച ചെയ്​തു. 

ഇത്തരം വെല്ലുവിളികൾ നേരിടാൻ അറബ്​^ഇസ്​ലാമിക ലോകത്തെ ബന്ധപ്പെട്ട അതോറിറ്റികളുടെ സഹകരണവും ഏകോപനവും പ്രധാനമാണെന്ന്​ ശൈഖ്​ മുഹമ്മദ്​ ഉൗന്നിപ്പറഞ്ഞു. മസ്​ജിദുൽ അഖ്​സയിലേക്ക്​ നടത്തിയ അതിക്രമത്തിനെതിരെ സൗദിയിലെ സൽമാൻ രാജാവ്​ സ്വീകരിച്ച നിലപാടിനെ അദ്ദേഹം പുകഴ്​ത്തി. മുസ്​ലിംകളെ സേവിക്കുന്നതിലും പ്രതിരോധിക്കുന്നതിലും സൽമാൻ രാജാവി​​െൻറ നേതൃപരമായ പങ്കും ഇസ്​ലാമി​​െൻറ വിശുദ്ധ സ്​ഥലങ്ങൾ പരിപാലിക്കുന്നതിൽ അദ്ദേഹം കാണിക്കുന്ന സ്​ഥിരോത്സാഹവും അദ്ദേഹം എടുത്തുപറഞ്ഞു. 

ഇസ്​ലാമിനെയും മുസ്​ലിംകളെയും സേവിക്കുന്ന പ്രയത്​നങ്ങൾക്ക്​ യു.എ.ഇയുടെ പിന്തുണ പ്രഖ്യാപിച്ച ശൈഖ്​ മുഹമ്മദ്​ ഇസ്​ലാമി​​െൻറ വിശുദ്ധ സ്​ഥലങ്ങൾ കാത്തുസൂക്ഷിക്കുന്നതിന്​ അറബ്​-മുസ്​ലിം രാജ്യങ്ങളുമായി സഹകരിക്കുന്നത്​ തുടരുമെന്നും പറഞ്ഞു. ഇസ്​ലാമി​​െൻറ ഉന്നത മൂല്യങ്ങൾ എടുത്തുപറഞ്ഞ അദ്ദേഹം തീവ്രവാദത്തി​​െൻറയും കുറ്റകൃത്യത്തി​​െൻറയും ലക്ഷ്യത്തിനായി ഇസ്​ലാമിനെ ഉപയോഗിക്കുന്നതായും കൂട്ടിച്ചേർത്തു.ഇസ്​ലാമിനെയും മുസ്​ലിംകളെയും പിന്തുണക്കുന്നതിനുള്ള യു.എ.ഇയുടെ പ്രയത്​നങ്ങളെ ഡോ. അഹ്​മദ്​ അൽ ത്വയ്യിബ്​ പ്രശംസിച്ചു. ഭീകരവാദത്തിനും തീവ്രവാദത്തിനും എതിരായ യു.എ.ഇയുടെ പ്രവർത്തനങ്ങളെയും അദ്ദേഹം പ്രകീർത്തിച്ചു.