കെ.എം.സി.സി പത്താംതരം തുല്യത പരീക്ഷ പഠിതാക്കളുടെ സംഗമം

ദുബൈ: കേരള സർക്കാർ പൊതുവിദ്യാഭ്യാസ വകുപ്പി​െൻറയും സംസ്ഥാന സാക്ഷരത മിഷൻ അതോറിറ്റിയുടെയും ആഭിമുഖ്യത്തിൽ കേരള പരീക്ഷ ഭവ​െൻറ നേതൃത്വത്തിൽ ദുബൈ കെ.എം.സി.സി നടത്തുന്ന പത്താംതരം തുല്യത പരീക്ഷയുടെ എട്ടാമത് ബാച്ച് പഠിതാക്കളുടെ സൗഹൃദ സംഗമം ദുബൈ അൽ ബർഹ കെ.എം.സി.സി ആസ്ഥാനത്ത് സംഘടിപ്പിച്ചു.

ഏഴു വർഷമായി യു.എ.ഇയുടെ വിവിധ ഭാഗങ്ങളിലെ 600ഓളം പഠിതാക്കൾ 100 ശതമാനം വിജയം നേടിയിട്ടുണ്ട്​.മൈ ഫ്യൂചർ (എജുക്കേഷൻ വിങ്) ചെയർമാൻ റയീസ് തലശ്ശേരി അധ്യക്ഷത വഹിച്ചു. ദുബൈ കെ.എം.സി.സി സീനിയർ സെക്രട്ടറി അഡ്വ. സാജിദ് ഉദ്​ഘാടനം ചെയ്തു. വൈസ് പ്രസിഡൻറ്​ ഒ.കെ. ഇബ്രാഹിം മുഖ്യപ്രഭാഷണം നടത്തി. കെ.എം.സി.സി സാക്ഷരത മിഷൻ കൺവീനർ ഷഹീർ കൊല്ലം സ്വാഗതവും യാഹ്ഖൂബ് ഹുദവി പ്രാർഥനയും നടത്തി.