ഹൃദയപരിശോധനാ ക്യാമ്പ് നടത്തി

അബൂദബി: ലോക ഹൃദയദിനത്തോടനുബന്ധിച്ച്​ മലപ്പുറം ജില്ലാ കെ.എം.സി.സി യും അഹല്യ ആശുപത്രിയും ചേർന്ന്​ സംഘടിപ്പിച്ച ഹൃദയപരിശോധനാ ക്യാമ്പ്  മലപ്പുറം ജില്ലാ കെ.എം.സി.സി പ്രസിഡൻറ്​ കള്ളപ്പാട്ടിൽ അബു ഹാജി ഉദ്​ഘാടനം ചെയ്​തു.  വിശ്രമമില്ലാത്ത ദിനചര്യശീലമാക്കിയ  പ്രവാസി സമൂഹം സ്വന്തം ആരോഗ്യത്തെക്കുറിച്ച്​ ബോധവാൻമാരാവുന്നതും രോഗങ്ങളെ പ്രതിരോധിക്കാൻ വേണ്ട മുൻകരുതലുകൾ ശീലിക്കുന്നതും അത്യാവശ്യമാണെന്ന്​ അദ്ദേഹം പറഞ്ഞു.  രാവിലെ തുടങ്ങി രാത്രി ഒമ്പതു വരെ നീണ്ട ക്യാമ്പിൽ നൂറിലേറെ പേർക്ക്​ പരിശോധനയും വൈദ്യ നിർദേശങ്ങളും നൽകി.   ജന. സെക്രട്ടറി ഹിദായത്തുല്ല,  മരക്കാർ , നൗഷാദ് തൃപ്രങ്ങോട് , അബ്ദുറഹ്മാൻ കൂട്ടായി ,അബു ഹാജി താനൂർ , കാദർ പൊന്നാനി, ഹംസ പൊന്മുണ്ടം, അബ്ദുറഹ്മാൻ ഒതുക്കുങ്ങൽ ,അബ്ദുൽ വഹാബ് റഹ്മാനി എന്നിവർ  സംസാരിച്ചു.  ബിലാൽ ആലുവ   നന്ദി പറഞ്ഞു.