യു ആര്‍ ഓണ്‍ എയര്‍ ജേതാക്കൾ

ഷാര്‍ജ: അന്താരാഷ്ട്ര പുസ്​തകോല്‍സവത്തില്‍ മീഡിയവണ്‍ സംഘടിപ്പിക്കുന്ന യു ആര്‍ ഓണ്‍ എയര്‍ വാര്‍ത്താവായന, ലൈവ് റിപ്പോര്‍ട്ടിങ് മല്‍സരത്തിലെ മൂന്നാം ദിവസത്തെ ജേതാക്കളെ പ്രഖ്യാപിച്ചു. വാര്‍ത്താ അവതരണത്തില്‍ ദുബൈ ഗള്‍ഫ് മോഡല്‍ സ്​കൂളിലെ നാദിയാ ബാനു, ദുബൈ ന്യൂ ഇന്ത്യന്‍ മോഡല്‍ സ്​കൂളിലെ ആത്മയ എന്നിവര്‍ ജേതാക്കളായി.

ലൈവ് റിപ്പോര്‍ട്ടിങില്‍ ഷാര്‍ജ ന്യൂ ഇന്ത്യന്‍ മോഡല്‍ സ്​കൂളിലെ മെഹ്റ നൗഷാദ്, ഷാര്‍ജ ഇന്ത്യന്‍ സ്​കൂളിലെ അഞ്ജന മേനോന്‍ എന്നിവര്‍ക്കാണ് സമ്മാനം. പുരസ്​കാരങ്ങള്‍ ചലച്ചിത്രതാരം ടിനിടോം വിതരണം ചെയ്​തു. ഒലിവ് പബ്ലിക്കേഷന്‍ പ്രസാധകന്‍ അര്‍ഷദ് ബത്തേരി, കോസ്മോസ് ഓപറേഷന്‍സ് മേധാവി ഷാജന്‍ തോമസ് എന്നിവര്‍ പങ്കെടുത്തു.