യു.എ.ഇക്ക് അഭിവാദ്യമർപ്പിച്ച് പാട്ട്​ അവതരിപ്പിച്ച്​ മീഡിയവൺ

ദുബൈ: സംഘർഷത്തിന്‍റെ കാലത്തും പ്രവാസികളെ ചേർത്തുപിടിക്കുന്ന യു.എ.ഇക്ക് അഭിവാദ്യമർപ്പിച്ച് മീഡിയവൺ നടത്തുന്ന ‘റെസലിയന്‍റ്​ യു.എ.ഇ’ കാമ്പയിനിന്‍റെ ഭാഗമായി ഗാനം പുറത്തിറക്കി. ‘സലാം യാ ഇമറാത്ത്’ എന്ന് പേരിട്ട ഗാനത്തിന്‍റെ വരികൾ എഴുതിയത് മീഡിയവൺ സീനിയർ കാമറപേഴ്സൺ യാസിർ അറഫാത്താണ്. ദുബൈ ശിഫാ അൽ ഖലീജ് മെഡിക്കൽ ആസ്ഥാനത്ത് നടന്ന ചടങ്ങിലാണ്​ സലാം യാ ഇമാറാത്ത് എന്ന ഗാനം പുറത്തിറക്കിയത്. ചടങ്ങിൽ പ്രവാസി വ്യവസായികളായ ഡോ. തസ്നിം കാസിം, ഡോ. കെ.പി. ഹുസൈൻ, ബഷീർ പാൻ ഗൾഫ്, മുഹമ്മദ് കുഞ്ഞി, ഷാഫി, മീഡിയവൺ മിഡിലീസ്റ്റ് എഡിറ്റോറിയൽ വിഭാഗം മേധാവി എം.സി.എ നാസർ തുടങ്ങിയവർ സംസാരിച്ചു.