27- രാവ്: ബുഖാത്വീർ പള്ളി ജനസാഗരമാകും

ഷാർജ: റമദാനിലെ ഏറ്റവും ​േശ്രഷ്​ടപ്പെട്ട രാവിനെ പ്രതീക്ഷിക്കുന്ന ഇന്ന്​ രാത്രി   ഷാർജ അൽ ഖാസിമി ആശുപത്രിക്ക് സമീപത്തെ ബുഖാത്വീർ പള്ളി എന്നറിയപ്പെടുന്ന ശൈഖ് സൗദ് ബിൻ സുൽത്താൻ ആൽ ഖാസിമി പള്ളിയിലേക്ക് വിശ്വാസികൾ ഒഴുകും. ലോകപ്രശസ്​ത പണ്ഡിതനും ഷാർജക്കാരനുമായ ഇമാം സലാഹ് ബുഖാത്വീർ നേതൃത്വം നൽകുന്ന തറാവീഹ്, തഹ്ജൂദ് നമസ്​ക്കാരങ്ങളിൽ പങ്കെടുക്കാനാണ് ഈ ഒഴുക്ക്.  

യു.എ.ഇയിലെയും മറ്റ് അറബ് നാടുകളിലെയും റേഡിയോയിലൂടെ കേട്ടറിഞ്ഞ ഇമാമി​​െൻറ ദീർഘവും മനോഹരവുമായ ഖുർആൻ പാരായണം നേരിൽ കേൾക്കാനാകും എന്നതു തന്നെയാണ്​ വിശ്വാസികളെ ഇങ്ങോട്ടാകർഷിക്കുന്ന പ്രധാനഘടകം.   രാത്രി നമസ്​ക്കാരത്തിലെ അവസാന റക്കഅത്തിലെ ഒരു മണിക്കൂർ വരെ നീളുന്ന പ്രാർഥനയിൽ വിശ്വാസികളുടെ മിഴികൾ നിറഞ്ഞൊഴുകും. ഖുർആൻ വാക്യങ്ങളിലെ ആന്തരികമായ അർഥ തലങ്ങളെ പാരായണത്തിലേക്ക് കൊണ്ട് വരുവാനുള്ള ഇമാമി​​െൻറ കഴിവ് അപാരമാണ്.  ശൈഖ് സായിദ് റോഡ്, അൽ വസീത് റോഡ് എന്നിവ സംഗമിക്കുന്ന ഭാഗത്താണ് പള്ളി നിലനിൽക്കുന്നത്. 27ാം രാവിന് പള്ളിയും പരിസരവും റോഡും വിശ്വാസികളെ കൊണ്ട് നിറയും. ഇത് വഴിയുള്ള ഗതാഗതവും രാത്രി പൊലീസ്​ നിറുത്തി വെക്കും. പള്ളിയിൽ പ്രാർഥനക്കെത്തുന്ന സ്​ത്രീകൾക്കായി വിപുലമായ സൗകര്യമാണ് ഒരുക്കിയിട്ടുള്ളത്. കൈയിൽ നമസ്​കാര പായയോ മറ്റോ കരുതുന്നതും  മുൻകൂട്ടി അംഗശുദ്ധി വരുത്തി വരുന്നതുമാണ് നല്ലത്. പള്ളിക്ക് സമീപം വാഹനങ്ങൾ നിറുത്തുവാൻ സൗകര്യം ലഭിക്കണമെന്നില്ല.