ഖോർഫക്കാനിൽ അബൂബക്കർ അൽ സിദ്ദിഖ് മസ്ജിദ് ഉദ്ഘാടനം ചെയ്തു

ഷാർജ: ഖോർഫക്കാനിൽ നിർമിച്ച അബൂബക്കർ അൽ സിദ്ദിഖ് പള്ളിയുടെ ഉദ്ഘാടനം സുപ്രീം കൗൺസിൽ അംഗവും ഷാർജ ഭരണാധികാരിയുമായ ശൈഖ് ഡോ. സുൽത്താൻ ബിൻ മുഹമ്മദ് അൽ ഖാസിമി നിർവഹിച്ചു.

1250 പുരുഷൻമാർക്കും 250 സ്ത്രീ​കൾക്കും നമസ്​കരിക്കുവാനുള്ള സൗകര്യമുള്ള പള്ളിയിൽ വായനശാലയും ഒരുക്കിയിട്ടുണ്ട്. ഉദ്ഘാടനച്ചടങ്ങിൽ ഷാർജ ഭരണാധികാരിയുടെ ഓഫിസ് ചെയർമാൻ ശൈഖ് സാലിം ബിൻ അബ്​ദുറഹ്മാൻ അൽ ഖാസിമി, പ്രോട്ടോക്കോൾ ആൻഡ് ഹോസ്പിറ്റാലിറ്റി വിഭാഗം മേധാവി മുഹമ്മദ് ഉബൈദ് അൽ സാബി, ഇസ്​ലാമിക് അഫയേഴ്‌സ് ഡയറക്ടറേറ്റ് ഡയറക്ടർ അബ്​ദുല്ല ഖലീഫ യറൂഫ് അൽ സബൂസി എന്നിവർ പങ്കെടുത്തു.