മൻസൂർ പള്ളൂർ ​െഎ.ഒ.സി മിഡിൽ ഇൗസ്​റ്റ്​ കൺവീനർ

ദുബൈ: ഇന്ത്യൻ നാഷണൽ കോൺഗ്രസി​​​െൻറ ആഗോള പ്രവാസി സംഘടനയായ ഇന്ത്യൻ ഓവർസീസ് കോൺഗ്രസ്​​ (ഐ.ഒ.സി) മിഡിൽ ഇൗസ്​റ്റ്​ കൺവീനറായി എഴുത്തുകാരനും ചിന്തകനുമായ മൻസൂർ പള്ളൂരിനെ നിയോഗിച്ചു. രാജ്​വീന്ദർ സിങ്​ ആണ്​ യൂറോപ്പ്​ മേഖലാ കൺവീനർ.​െഎ.ഒ.സി ചെയർമാൻ സാം പി​ത്രോഡയാണ്​ വിവരം അറിയിച്ചത്​. കർണ്ണാടക എൻ.ആർ.കെ മുൻ വൈസ് ചെയർ പേഴ്സൻ ഡോ.ആരതി കൃഷ്ണ, വിരേന്ദ്ര വാഷിസ്ഥ എന്നിവർ സെക്രട്ടറിമാരായിരിക്കും. പശ്ചിമേഷ്യയിലെ ഇന്ത്യൻ പ്രവാസികൾക്കിടയിൽ കോൺഗ്രസി​​​െൻറ ആശയ പ്രചരണം വിപുലമാക്കുന്നതി​​​െൻറ ഭാഗമായാണ്​ എ.​െഎ.സി.സിയുടെ നടപടി. നിലവിൽ സൗദിയിലെ ദമ്മാമിൽ പ്രവർത്തിക്കുന്ന മാഹി സ്വദേശിയായ മൻസൂർ പള്ളൂർ 2013 മുതൽ ഓവർസീസ് ഇന്ത്യൻ കൾച്ചറൽ കോൺഗ്രസി​​​െൻറ ഔദ്യോഗിക വക്താവാണ്. നേ​രത്തേ ഖത്തറിൽ കോൺഗ്രസ് പ്രവാസി സംഘടന രൂപീകരിക്കാൻ മുഖ്യ പങ്കുവഹിച്ചു. സൗദിയിലെ കോൺഗ്രസ്​ അനുകൂല സംഘടനകളെ ഒന്നിപ്പിക്കുന്നതിനും ചുക്കാൻ പിടിച്ചു. അദ്ദേഹത്തി​​​െൻറ ‘ഇരുപത്തൊന്നാം നൂറ്റാണ്ട് ആരുടേത്’ എന്ന പുസ്തകം ഏറെ ചർച്ച ചെയ്യപ്പെട്ടിരുന്നു.