മനോഹരൻ മടങ്ങുകയാണ്; സ്​നേഹവായ്പിൽനിന്ന്​

ദു​ബൈ: നീ​ണ്ട 27 വ​ർ​ഷ​ത്തെ പ്ര​വാ​സ​ജീ​വി​തം അ​വ​സാ​നി​പ്പി​ച്ച്​ മ​നോ​ഹ​ര​ൻ നാ​ട്ടി​ലേ​ക്ക്​ മ​ട​ങ്ങു​ക​യാ​ണ്. ദു​ബൈ​യി​ലെ ക​രാ​മ​യി​ൽ പ്ര​വ​ർ​ത്തി​ക്കു​ന്ന ലു​ലു സെ​ന്‍റ​റി​ൽ സൂ​പ്പ​ർ​വൈ​സ​റാ​യി​രു​ന്നു മ​നോ​ഹ​ര​ൻ. ദു​ബൈ​യു​ടെ വ​ള​ർ​ച്ച നേ​രി​ട്ടു​കാ​ണാ​നും അ​നു​ഭ​വി​ക്കാ​നും ക​ഴി​ഞ്ഞ​താ​ണ്​ ജീ​വി​ത​ത്തി​ലെ ഏ​റ്റ​വും വ​ലി​യ നേ​ട്ടം. 27 വ​ർ​ഷ​മാ​യി ലു​ലു സെ​ന്‍റ​റി​ലാ​യി​രു​ന്നു ജോ​ലി. തു​ട​ക്ക​വും മ​ട​ക്ക​വും ഇ​വി​ടെ നി​ന്നു ത​ന്നെ​യാ​ണെ​ന്ന​തും പ്ര​ത്യേ​ക​ത​യാ​യി കാ​ണു​ന്നു മ​നോ​ഹ​ര​ൻ. സ്ഥാ​പ​ന​ത്തി​ന്‍റെ തു​ട​ക്കം മു​ത​ൽ ജീ​വ​ന​ക്കാ​ര​നാ​യി​രു​ന്നു. ​

ക​ണ്ണൂ​ർ പ​ഴ​യ​ങ്ങാ​ടി​ക്കാ​ര​നാ​യ മ​നോ​ഹ​ര​ൻ 27 വ​ർ​ഷം മു​മ്പ്​​ തി​രു​വ​ന​ന്ത​പു​ര​ത്തു​നി​ന്ന്​ വി​മാ​നം ക​യ​റു​മ്പോ​ൾ പ്ര​വാ​സ​ലോ​ക​ത്തി​ൽ ഇ​ന്ന്​ കാ​ണു​ന്ന ​​പൊ​ലി​മ​ക​ൾ ഒ​ന്നും ഉ​ണ്ടാ​യി​രു​ന്നി​ല്ല. വ​ലി​യ വി​ദ്യാ​ഭ്യാ​സ​ത്തി​ന്‍റെ പി​ൻ​ബ​ല​മി​ല്ലാ​തെ ദു​ബൈ​യി​ലേ​ക്ക്​ പ​റ​ക്കു​മ്പോ​ൾ മ​ന​സ്സി​ൽ നി​റ​യെ ആ​ശ​ങ്ക​ക​ളാ​യി​രു​ന്നു. പ​ക്ഷേ, ദു​ബൈ സ​മ്മാ​നി​ച്ച​ത്​ സ്​​നേ​ഹ​വാ​യ്പു​ക​ളു​ടെ കൂ​ട്ടി​പ്പി​ടി​ക്ക​ലാ​യി​രു​ന്നു. സെ​യി​ൽ​സ്​ സ്റ്റാ​ഫാ​യാ​ണ്​ തു​ട​ക്കം. വൈ​കാ​തെ സൂ​പ്പ​ർ​വൈ​സ​റാ​യി.

അ​ടി​യ​ന്ത​ര ആ​വ​ശ്യ​ത്തി​ന് നാ​ട്ടി​ലേ​ക്കു​പോ​യ വേ​ള​യി​ലാ​ണ്​ കോ​വി​ഡ്​ മ​ഹാ​മാ​രി പൊ​ട്ടി​​പ്പു​റ​പ്പെ​ട്ട​ത്. പ്ര​വാ​സ​ജീ​വി​തം അ​ന്ന്​ അ​വ​സാ​നി​ച്ചു​വെ​ന്ന്​ ക​രു​തി​യ​താ​യി​രു​ന്നു.

പ​ക്ഷേ, എം.എ. യൂ​സു​ഫ്​ അ​ലി​യു​ടെ സ്​​നേ​ഹ​ത്തോ​ടെ​യു​ള്ള വി​ളി വീ​ണ്ടും പ്ര​വാ​സ​ലോ​ക​ത്തേ​ക്ക് തി​രി​കെ​യെ​ത്തി​ച്ചു.​ കാ​ൽ നൂ​റ്റാ​ണ്ടി​ല​ധി​ക​മാ​യ ജീ​വി​ത​ത്തി​ൽ വ​ലി​യ നേ​ട്ട​ങ്ങ​ളൊ​ന്നും എ​ത്തി​പ്പി​ടി​ക്കാ​ൻ ക​ഴി​ഞ്ഞി​ല്ലെ​ങ്കി​ലും കു​ടും​ബ​ത്തി​ന്‍റെ ആ​വ​ശ്യ​ങ്ങ​ൾ നി​​റ​വേ​റ്റാ​നാ​യി എ​ന്ന ചാ​രി​താ​ർ​ഥ്യ​ത്തോ​ടെ​യാ​ണ്​ മ​ട​ക്കം.

സ​ഹോ​ദ​രി​മാ​രു​ടെ വി​വാ​ഹം ന​ട​ത്താ​നും സ്വ​ന്ത​മാ​യൊ​രു വീ​ട്​ എ​ന്ന സ്വ​പ്നം യാ​ഥാ​ർ​ഥ്യ​മാ​ക്കാ​നും ക​ഴി​ഞ്ഞ​ത്​ പ്ര​വാ​സ​ജീ​വി​തം​കൊ​ണ്ട്​ മാ​ത്ര​മാ​ണ്​. ശി​ഷ്ട​ജീ​വി​തം ഭാ​ര്യ​ക്കും മ​ക്ക​ൾ​ക്കു​മൊ​പ്പം നാ​ട്ടി​ൽ ക​ഴി​യ​ണ​മെ​ന്ന​താ​ണ്​ ആ​ഗ്ര​ഹം. മൂ​ത്ത മ​ക​ൻ പ്ല​സ്​ ടു ​ക​ഴി​ഞ്ഞ്​ തു​ട​ർ​പ​ഠ​നം ആ​രം​ഭി​ച്ചു.

മ​ക​ൾ പ്ല​സ്​ വ​ണി​ന്​ പ​ഠി​ക്കു​ക​യാ​ണ്. മാ​താ​പി​താ​ക്ക​ൾ​ക്കൊ​പ്പം ഓ​ണ​മു​ണ്ണാ​ൻ ഇ​ത്ത​വ​ണ നാ​ട്ടി​ലു​ണ്ടാ​കു​മെ​ന്ന സ​ന്തോ​ഷ​വു​മു​ണ്ട്.