മണ്ണാർക്കാട് സ്വദേശി അബൂദബിയിൽ നിര്യാതനായി

അബൂദബി: ഹൃദയാഘാതത്തെ തുടർന്ന് മണ്ണാർക്കാട് സ്വദേശി അബൂദബിയിൽ നിര്യാതനായി. അരയൻകോട് കാവുണ്ടത്ത് അരിക്കാരൻ അലവിയുടെ മകൻ അബ്ദുൽ ലത്തീഫാ(60)ണ്​ സ്വകാര്യ ആശുപത്രിയിൽ മരിച്ചത്.

30 വർഷമായി ബനിയാസിൽ അറബിക് ടെക്സ്റ്റൈൽ മേഖലയിൽ പ്രവർത്തിച്ച് വരികയായിരുന്നു. ന്യൂവൈറ്റ്, വൈറ്റ് കോർണർ സ്ഥാപനങ്ങളുടെ ഉടമയാണ്.

ഭാര്യ: റജില. മക്കൾ: മുഹമ്മദ് അഫീഫ്, ജെയ്ഫ് അലവി, ഹനിത്ത്. അബൂദബി കെ.എം.സി.സിയുടെ നേതൃത്വത്തിൽ നടപടിക്രമങ്ങൾ പൂർത്തിയാക്കി മൃതദേഹം നാട്ടിൽ ഖബറടക്കുമെന്ന് ഭാരവാഹികൾ അറിയിച്ചു.