മ​ധു​ര​ക്കാ​ഴ്ച​ക​ളൊ​രു​ക്കി ഖോ​ർ​ഫ​ക്കാ​നി​ൽ മാ​മ്പ​ഴോ​ത്സ​വം

ഷാ​ർ​ജ: ചേം​ബ​ർ ഓ​ഫ്​ കൊ​മേ​ഴ്​​സ്​ ആ​ൻ​ഡ്​ ഇ​ൻ​ഡ​സ്​​ട്രി​യു​മാ​യി സ​ഹ​ക​രി​ച്ച്​ ഖോ​ർ​ഫ​ക്കാ​ൻ മു​നി​സി​പ്പ​ൽ കൗ​ൺ​സി​ൽ സം​ഘ​ടി​പ്പി​ക്കു​ന്ന​ മൂ​ന്നാ​മ​ത്​ വാ​ർ​ഷി​ക മാ​മ്പ​ഴോ​ത്സ​വം ശ്ര​ദ്ധേ​യ​മാ​യി. എ​ക്സ്​​പോ ഖോ​ർ​ഫ​ക്കാ​നി​ൽ ​സം​ഘ​ടി​പ്പി​ക്കു​ന്ന മൂ​ന്നു​ദി​വ​സ​ത്തെ മേ​ള​ക്ക്​ വെ​ള്ളി​യാ​ഴ്ച​യാ​ണ്​ തു​ട​ക്ക​മാ​യ​ത്. 30ലേ​റെ ക​ർ​ഷ​ക​രി​ൽ​നി​ന്നാ​യി 150ലേ​റെ വ്യ​ത്യ​സ്ത​യി​നം മാ​ങ്ങ​ക​ളാ​ണ്​ മാ​മ്പ​ഴോ​ത്സ​വ​ത്തി​ൽ ഒ​രു​ക്കി​യി​ട്ടു​ള്ള​ത്. വെ​ള്ളി​യാ​ഴ്ച ന​ട​ന്ന പ്രൗ​ഢ​മാ​യ ച​ട​ങ്ങി​ൽ ഷാ​ർ​ജ ചേം​ബ​ർ ഓ​ഫ്​ കൊ​മേ​ഴ്​​സ്​ ആ​ൻ​ഡ്​ ഇ​ൻ​ഡ​സ്​​ട്രി ചെ​യ​ർ​മാ​ൻ അ​ബ്​​ദു​ല്ല സു​ൽ​ത്താ​ൻ അ​ൽ ഉ​വൈ​സാ​ണ്​ മേ​ള​യു​ടെ ഉ​ദ്​​ഘാ​ട​നം നി​ർ​വ​ഹി​ച്ച​ത്.

കാ​ർ​ഷി​ക മേ​ഖ​ല​യി​ൽ പ്ര​വ​ർ​ത്തി​ക്കു​ന്ന ക​മ്പ​നി​ക​ൾ, ക​ർ​ഷ​ക​ർ, മാ​മ്പ​ഴം ഉ​ൽ​പാ​ദി​പ്പി​ക്കു​ന്ന കു​ടും​ബ​ങ്ങ​ൾ എ​ന്നി​വ​ർ പ്ര​ദ​ർ​ശ​ന​ങ്ങ​ളു​മാ​യി പ​​ങ്കെ​ടു​ക്കു​ന്നു​ണ്ട്. സാ​മ്പ​ത്തി​ക, ഭ​ക്ഷ്യ​സു​ര​ക്ഷ​യു​ടെ പ്ര​ധാ​ന ഭാ​ഗ​മാ​യ കാ​ർ​ഷി​ക ഉ​ൽ​പാ​ദ​ന​ത്തെ പി​ന്തു​ണ​ക്കു​ന്ന​തി​നും പ്രോ​ത്സാ​ഹി​പ്പി​ക്കു​ന്ന​തി​നു​മാ​ണ് മേ​ള രൂ​പ​ക​ൽ​പ​ന ചെ​യ്തി​രി​ക്കു​ന്ന​ത്. മേ​ഖ​ല​യി​ലെ വാ​ണി​ജ്യ, ടൂ​റി​സം പ്ര​വ​ർ​ത്ത​ന​ങ്ങ​ൾ വ​ർ​ധി​പ്പി​ക്കാ​നും പ​രി​പാ​ടി വ​ഴി ല​ക്ഷ്യ​മി​ടു​ന്നു. പ്രാ​ദേ​ശി​ക ക​ർ​ഷ​ക​രു​ടെ വി​പു​ല​മാ​യ പ​ങ്കാ​ളി​ത്ത​ത്തോ​ടെ ഫെ​സ്റ്റി​വ​ലി​ൽ വൈ​വി​ധ്യ​മാ​ർ​ന്ന മാ​മ്പ​ഴ ഇ​ന​ങ്ങ​ൾ പ്ര​ദ​ർ​ശി​പ്പി​ക്കു​ക​യും മി​ക​ച്ച സ​മ്മാ​ന​ങ്ങ​ളു​ള്ള നി​ര​വ​ധി മ​ത്സ​ര​ങ്ങ​ൾ സം​ഘ​ടി​പ്പി​ക്കു​ക​യും ചെ​യ്യു​ന്നു​ണ്ട്. മ​ത്സ​ര​ങ്ങ​ൾ പ്ര​ധാ​ന​മാ​യും മൂ​ന്ന് വി​ഭാ​ഗ​ങ്ങ​ളാ​യാ​ണ്​ ന​ട​ക്കു​ന്ന​ത്. മാ​മ്പ​ഴ മ​സൈ​ന (സൗ​ന്ദ​ര്യ മ​ത്സ​രം), സ്ത്രീ​ക​ൾ​ക്ക് മാ​ത്ര​മാ​യു​ള്ള ഏ​റ്റ​വും മ​നോ​ഹ​ര​മാ​യ മാ​മ്പ​ഴ​ക്കൊ​ട്ട​ക്കു​ള്ള മ​ത്സ​രം, കു​ട്ടി​ക​ൾ​ക്കു​ള്ള മി​ക​ച്ച ക​ലാ​സൃ​ഷ്ടി മ​ത്സ​രം എ​ന്നി​വ​യാ​ണി​ത്. ദി​വ​സ​വും വൈ​കു​ന്നേ​രം 4.30 മു​ത​ൽ രാ​ത്രി 10 വ​രെ​യാ​ണ്​ ഫെ​സ്റ്റി​വ​ലു​ണ്ടാ​കു​ക. വി​വി​ധ സാ​മ്പ​ത്തി​ക വാ​ണി​ജ്യ പ​രി​പാ​ടി​ക​ളും പ്ര​വ​ർ​ത്ത​ന​ങ്ങ​ളും ഇ​തോ​ടൊ​പ്പം സ​ജ്ജീ​ക​രി​ച്ചി​ട്ടു​ണ്ട്.