ചന്ദനപ്പള്ളി സ്വദേശി റാസൽ ഖൈമയിൽ മരിച്ചു

റാസൽഖൈമ: പത്തനംതിട്ട ചന്ദനപ്പള്ളി കുടമുക്ക് കാവിൽ സായൂജ്യ ഭവനിൽ കോശി മത്തായി (ഷാജി -54) റാസൽ ഖൈമയിൽ നിര്യാതനായി. ഒരു മാസമായി സഖർ ആശുപത്രിയിൽ അർബുദ രോഗത്തിന് ചികിത്സയിൽ ആയിരുന്നു. തുടർ ചികിത്സക്ക് നാട്ടിലേക്കു പോകാനുള്ള ശ്രമം നടന്നു കൊണ്ടിരിക്കുമ്പോഴാണ് മരണം സംഭവിച്ചത്.

ഷാർജ അലി മൂസാ കോൺട്രാക്ടിങ് കമ്പനിയിൽ ഉദ്യോഗസ്ഥനായിരുന്നു. 23 വർഷമായി ഷാർജയിൽ പ്രവർത്തിക്കുന്നു. ചന്ദനപ്പള്ളി സ​െൻറ്​ ജോർജ് മലങ്കര കത്തോലിക്കാ ദേവാലയ സെക്രട്ടറിയായി പ്രവർത്തിച്ചിട്ടുണ്ട്.

പുത്തൂർ കടകംപള്ളിൽ ഏഞ്ചൽ കോശിയാണ് ഭാര്യ. മക്കൾ: ടോം കോശി, സാം കോശി. നടപടി ക്രമങ്ങൾ പൂർത്തിയാക്കി മൃതദേഹം നാട്ടിലേക്ക് കൊണ്ടുപോകാൻ ശ്രമം ആരംഭിച്ചതായി ബന്ധുക്കൾ അറിയിച്ചു.