മലയാളിക്ക്​ നാട്ടിലെത്താൻ ഷാർജ പൊലീസി​െൻറ അതിവേഗ സഹായം

ഷാര്‍ജ: അത്യാവശ്യമായി നാട്ടില്‍ പോകാനാണ് പുനലൂര്‍ സ്വദേശിയും അല്‍ഐനില്‍ ബിസിനസുകാരനുമായ സനില്‍ കെ മാത്യു ഷാര്‍ജ അന്താരാഷ്​ട്ര വിമാനത്താവളത്തിലേക്ക് ചൊവ്വാഴ്ച പുറപ്പെട്ടത്.  ഭാര്യയെ ജോലി സ്ഥലത്താക്കി അല്‍ഐനില്‍ നിന്ന് വാഹനം എടുക്കുമ്പോള്‍ വൈകീട്ട് 4.30. രാത്രി 8.45നുള്ള ഷാര്‍ജ-തിരുവനന്തപുരം  എയര്‍ ഇന്ത്യാ എക്സ്പ്രസിലാണ് നാട്ടിലേക്ക് പോകേണ്ടത്. അടുത്ത ദിവസം തന്നെ തിരിച്ച് വരുന്നതിനാല്‍  സ്വന്തം വാഹനത്തില്‍ ഒറ്റക്കായിരുന്നു വിമാനത്താവളത്തിലേക്ക്​ പുറപ്പെട്ടത്​. പക്ഷെ കണക്കുകൂട്ടലെല്ലാം തെറ്റിക്കുന്നതായിരുന്നു ഗതാഗത കുരുക്ക്​. വലിയ വാഹന നിരയാണ് മുന്നിലുള്ളതെന്നും വാഹനങ്ങള്‍ അനങ്ങുന്നുപോലുമില്ലെന്നും സൃഹൃത്ത്​ ഷിബുവിനെ വിളിച്ചു സങ്കടം പറഞ്ഞു. സമയം 7.25 ആയിരുന്നു. 7.30ന് ചെക്കിങ്​ കൗണ്ടര്‍ അടക്കും. യാത്ര മുടങ്ങുമെന്ന്​ ഏതാണ്ടുറപ്പ്​. ഷിബുവിനാണ്​ അപ്പോൾ ആ ആശയം തോന്നിയത്​. യു.എ.ഇ പൊലീസി​​​​െൻറ നന്‍മയിൽ വിശ്വാസമർപ്പിച്ച്​ 999 ൽ വിളിച്ച്  സഹായം തേടി. പൊലീസിനോട് അറിയാവുന്ന അറബിയില്‍ ഷിബു കാര്യങ്ങള്‍ പറഞ്ഞു. പൊലീസ് സനിലി​​​​െൻറ വാഹന നമ്പറും  നിറവും ചോദിച്ചു. വാഹനമെത്തിയ സ്​ഥലം കൃത്യമായി അറിയില്ലായിരുന്നു. വിമാനത്താവള റോഡിലാണെന്ന്​ പറഞ്ഞപ്പോൾ ഉടനെ അവിടെയെത്താമെന്ന്​ പറഞ്ഞ്​ പൊലീസ്​ ആശ്വസിപ്പിച്ചു. 

മിനിട്ടുകൾക്കകം  പൊലീസ്​ വാഹനം കുതിച്ചെത്തി സനിലി​​​​െൻറ വണ്ടിക്ക്​ വഴിയൊരുക്കുന്ന കാഴ്​ചയാണ്​ പിന്നെ കണ്ടത്​. ബീക്കണ്‍ ലൈറ്റുകളും സൈറണും മുഴക്കി  പൊലീസ്​ വാഹനവും പിറകെ വശത്തെ മഞ്ഞവരയിട്ട ലൈനിലൂടെ സനിലും കുതിച്ചു. വിമാനത്താവളത്തില്‍ എത്തിയപ്പോളാണ് ശരിക്കും ഞെട്ടിയത്​. സനിലിനെ സ്വീകരിക്കാനും ആശ്വസിപ്പിക്കാനും ഉയര്‍ന്ന പൊലീസ് ഉദ്യോഗസ്ഥന്‍ കാത്തു നില്‍ക്കുന്നു. ഉടനെ തന്നെ സനിലിനെ ചെക്കിങ്​ കൗണ്ടറില്‍ എത്തിച്ചു. ഡ്യൂട്ടിയിലുണ്ടായിരുന്ന അറബിയോട് പോലീസുകാർ കാര്യങ്ങള്‍ പറഞ്ഞു. അദ്ദേഹത്തി​​​​െൻറ  ഇടപ്പെടല്‍മൂലം അരമണിക്കൂര്‍ മുമ്പ് അടച്ച കൗണ്ടറില്‍ നിന്ന്​ 8:05 ന് ബോര്‍ഡിങ്​ പാസ് നൽകി. എന്നിട്ട് സനിലിനെയും കൊണ്ട് എമിഗ്രേഷന്‍ കൗണ്ടറില്‍ ചെന്ന് പാസ്പോര്‍ട്ടില്‍ എക്സിറ്റ് സീല്‍ വച്ചതിന് ശേഷം പോലീസുകാരന്‍ പറഞ്ഞത്​ ‘നിങ്ങള്‍ക്കുണ്ടായ ബുദ്ധിമുട്ടിൽ ​േഖദിക്കുന്നു’ എന്ന്. അത്​കേട്ടപ്പോൾ  കോരിത്തരിച്ച് പോയെന്ന്​ സനില്‍. മുടങ്ങുമെന്ന് കരുതിയ യാത്ര പൊലീസി​​​​െൻറ സഹായത്താൽ  ജീവിതത്തില്‍ ഒരിക്കലും മറക്കാത്ത യാത്രയായി മാറിയ നിർവൃതിയിലാണ്​ ഇൗ യുവാവ്​ ഇപ്പോഴും.  ഇൗ വിവരം സുഹൃത്ത്​ ഷിബുവാണ്​ സാമൂഹിക മാധ്യമത്തിലൂടെ ലോകത്തെ അറിയിച്ചത്​. അത്​ വൈറലാകാൻ അധികം സമയം വേണ്ടിവന്നില്ല.