കാ​റി​ൽ ല​ണ്ട​ൻ യാ​ത്ര തു​ട​ങ്ങി മ​ല​യാ​ളിസം​ഘം

ദു​ബൈ: ദു​ബൈ​യി​ൽ​നി​ന്ന്​ ല​ണ്ട​നി​ലേ​ക്ക്​ കാ​റി​ൽ യാ​ത്ര ആ​രം​ഭി​ച്ച്​ അ​ഞ്ചം​ഗ മ​ല​യാ​ളി​ക​ൾ. യൂ​നു​സ് ഖ​സ​ല്‍, പാ​ല​ക്കാ​ട്ടു​കാ​ര​ൻ ഷി​ബി​ലി, വ​യ​നാ​ട്ടു​കാ​ര​ൻ ഷാ​ഹി​ദ് മാ​ണി​ക്കോ​ത്ത്, മ​ല​പ്പു​റം സ്വ​ദേ​ശി​ക​ളാ​യ മു​ഫീ​ദ്, ആ​ബി​ദ് എ​ന്നി​വ​രാ​ണ് ദു​ബൈ​യി​ല്‍നി​ന്ന് ‘മ​ല​യാ​ളീ​സ്’ എ​ന്ന്​ പേ​രി​ട്ട ട​യോ​ട്ട ടു​ണ്‍ട്ര​യി​ല്‍ ലോ​ക​സ​ഞ്ചാ​രം തു​ട​ങ്ങി​യ​ത്. കോ​വി​ഡ് സ​മ​യ​ത്താ​ണ് ഇ​ത്ത​ര​ത്തി​ലൊ​രു യാ​ത്ര​യു​ടെ ആ​ശ​യം വ​രു​ന്ന​ത്. അ​ഞ്ച് വ​ർ​ഷ​ത്തെ കാ​ത്തി​രി​പ്പി​നൊ​ടു​വി​ല്‍ ജൂ​ലൈ നാ​ലി​ന് ദു​ബൈ​യി​ൽ​നി​ന്ന് സം​ഘം യാ​ത്ര തി​രി​ച്ചു.

ജൂ​ണി​ല്‍ യാ​ത്ര തു​ട​ങ്ങാ​നാ​യി​രു​ന്നു ആ​ദ്യ​പ​ദ്ധ​തി. എ​ന്നാ​ല്‍, ഇ​റാ​ന്‍-​ഇ​സ്രാ​യേ​ല്‍ സം​ഘ​ർ​ഷ​മു​ണ്ടാ​യ​തോ​ടെ യാ​ത്ര മാ​റ്റി​വെ​ച്ചു. സ​മാ​ധാ​ന അ​ന്ത​രീ​ക്ഷ​ത്തി​ലേ​ക്ക് വ​ന്ന​തോ​ടെ​യാ​ണ് വീ​ണ്ടും യാ​ത്ര​ക്കൊ​രു​ങ്ങാ​ന്‍ തീ​രു​മാ​നി​ച്ച​ത്. ര​ണ്ട് ഘ​ട്ട​മാ​യാ​ണ് യാ​ത്ര പ്ലാ​ന്‍.ജൂ​ലൈ നാ​ലി​ന് തു​ട​ങ്ങു​ന്ന യാ​ത്ര​യി​ല്‍ ഇ​റാ​ന്‍ മു​ത​ല്‍ ഇം​ഗ്ല​ണ്ട് വ​രെ 19 രാ​ജ്യ​ങ്ങ​ളി​ലൂ​ടെ​യാ​ണ് സം​ഘ​ത്തി​ന്‍റെ ആ​ദ്യ​ഘ​ട്ട യാ​ത്ര. 40-45 ദി​വ​സ​മെ​ടു​ത്താ​ണ് യാ​ത്ര പൂ​ർ​ത്തി​യാ​ക്കു​ക. യു.​എ.​ഇ​യി​ല്‍നി​ന്ന് ഇ​റാ​ന്‍, തു​ർ​ക്കി, യൂ​റോ​പ്പ്, യു.​കെ എ​ന്ന​താ​ണ് യാ​ത്ര പ​ദ്ധ​തി. കാ​ർ യു.​കെ​യി​ല്‍ വെ​ച്ച ശേ​ഷം യു.​എ.​ഇ​യി​ല്‍ തി​രി​ച്ചെ​ത്തും.

പി​ന്നീ​ട് ര​ണ്ടാം ഘ​ട്ട​ത്തി​ല്‍ യു.​കെ​യി​ല്‍നി​ന്ന്​ ഇ​ന്ത്യ വ​രെ അ​തേ വാ​ഹ​ന​ത്തി​ല്‍ യാ​ത്ര തു​ട​രാ​നാ​ണ് പ​ദ്ധ​തി. കോ​വി​ഡ് കാ​ല​ത്താ​ണ് യാ​ത്ര തു​ട​ങ്ങി​യ​ത്. കു​ടും​ബ​മാ​യും ഒ​റ്റ​ക്കു​മെ​ല്ലാം യാ​ത്ര ചെ​യ്തി​രു​ന്നു​വെ​ന്ന് യൂ​നു​സ് പ​റ​ഞ്ഞു. 20ല​ധി​കം രാ​ജ്യ​ങ്ങ​ളി​ല്‍ യാ​ത്ര​ചെ​യ്തു.ഓ​രോ യാ​ത്ര​യു​ടെ വി​ശേ​ഷ​ങ്ങ​ളും സ​മൂ​ഹ മാ​ധ്യ​മ​ങ്ങ​ളി​ലൂ​ടെ പ​ങ്കു​വെ​ക്കാ​റു​ണ്ട്. അ​ങ്ങ​നെ, ഒ​രു യാ​ത്ര പോ​കാ​ന്‍ പ​ദ്ധ​തി​യു​ണ്ട്, ഇ​ഷ്ട​മു​ള്ള​വ​രെ​ല്ലാ​രും വ​രൂ എ​ന്ന സ​ന്ദേ​ശം ന​ല്‍കി​യൊ​രു വി​ഡി​യോ ചെ​യ്തു.അ​ന്ന് വ​ന്ന​വ​രെ​ല്ലാ​വ​രെ​യും ചേ​ർ​ത്ത് ‘ഗ​സ​ല്‍’ എ​ന്ന കൂ​ട്ടാ​യ്മ തു​ട​ങ്ങി. യാ​ത്ര ഇ​ഷ്ട​പ്പെ​ടു​ന്ന സൗ​ഹൃ​ദ​ങ്ങ​ളു​ടെ കൂ​ട്ടാ​യ്മ​യാ​യ ഗ​സ​ലി​ല്‍ ഇ​ന്ന് 700ല​ധി​കം കു​ടും​ബ​ങ്ങ​ളു​ണ്ട്.