പൊങ്കാലയിട്ട് മലയാളി കുടുംബം

അബൂദബി: അബൂദബിയിൽ ആറ്റുകാൽ പൊങ്കാലയിട്ട്​ മലയാളി കുടുംബം. തിരുവനന്തപുരം സ്വദേശി കൊഞ്ചിറവിള എ.വി നിവാസിൽ ദേവു വിമലും കുടുംബവുമാണ്​ ഭക്​തിസാന്ദ്രമായി അബൂദബിയിൽ തന്നെ പൊങ്കാലയർപ്പിച്ചത്​.

13ാം വയസ്സു മുതൽ പൊങ്കാലയിടാറുണ്ട്​. പ്രവാസം തുടങ്ങിയ ശേഷം കഴിയാവുന്ന സമയങ്ങളിലെല്ലാം നാട്ടിൽ പോയിട്ടാണ്​ പൊങ്കാലയിട്ടിരുന്നതെന്നും​ കുടുംബം പറയുന്നു. എന്നാൽ, ഇത്തവണ ​വ്യോമ പാത അടച്ചത്​ മൂലം വിമാന സർവിസ്​ ഇല്ലാത്തതിനാൽ നാട്ടിലേക്ക്​ പോകാനായില്ല. തുടർന്നാണ്​ പ്രവാസി മണ്ണിൽ തന്നെ ​പൊങ്കാലയിടാൻ തിരുമാനിച്ചതെന്ന്​ ദേവു വിമൽ പറഞ്ഞു.