അപകടത്തിൽ മരിച്ച മലയാളിയുടെ കുടുംബത്തിന്​ 45 ലക്ഷം നഷ്​ടപരിഹാരം 

ദുബൈ: പ്രായപൂർത്തിയാവാത്ത സ്വദേശി യുവാവ്​ ഒാടിച്ച വാഹനമിടിച്ച്​ മരിച്ച മലയാളി യുവാവി​​െൻറ ആശ്രിതർക്ക്​ 2.60 ലക്ഷം ദിർഹം (ഏകദേശം 45 ലക്ഷം രൂപ)  നഷ്​ട പരിഹാരം നൽകാൻ ദുബൈ കോടതി വിധി. കാസർകോട്​ സ്വദേശി അബ്​ദുൽ റഷിദ്​ പോക്കറാണ്​ (40​) 17 കാരനായ യു.എ.ഇ യുവാവ്​ ഒാടിച്ച വാഹനം ഇടിച്ച്​ 2014 നവംബറിൽ  ദുബൈയിൽ മരിച്ചത്​.  അബ്​ദുൽ റഷീദ്​ ഒാടിച്ച  വാഹനത്തിൽ സ്വദേശി യുവാവി​​െൻറ വാഹനം ഇടിക്കുകയും യുവാവ്​​ തൽക്ഷണം മരണപ്പെടുകയുമായിരുന്നു.

 ​െപാലീസി​​െൻറ പ്രാഥമിക റിപ്പോർട്ട്​ അനുസരിച്ച്​ മരണപ്പെട്ട അബ്​ദുൽ റഷീദ്​ ആയിരുന്നു അപകടത്തിന്​ കാരണക്കാരൻ. അതിനാൽ അബ്​ദുൽ റഷീദിനെ പ്രതിയാക്കിയാണ്​  ആദ്യം റിപ്പോർട്ട്​ തയ്യാറാക്കിയതും കേസെടുത്തതും. എന്നാൽ പബ്ലിക്​ പ്രോസിക്യൂഷൻ നടത്തിയ അ​േന്വഷണത്തിൽ കുറ്റക്കാരനായി കണ്ടത്​ സ്വദേശി യുവാവിനെയാണ്​. തുടർന്ന്​ കേസ്​ ട്രാഫിക്​ കോടതിയിലെത്തിയപ്പോൾ യുവാവി​​െൻറ  പിതാവിനെ ശകാരിക്കാനാണ്​ വിധി ഉണ്ടായത്​. ദിയാധനമോ പിഴയോ ഒന്നുംതന്നെ ശിക്ഷയിൽ ഉണ്ടായില്ല. 

തുടർന്ന്​  അബ്​ദുൽ റഷീദി​​െൻറ കുടുംബാംഗങ്ങൾ ദുബൈ അൽക്കബ്ബാൻ അസോസിയേറ്റ്​സിലെ സീനീയർ ലീഗൽ കൺസൾൻറ്​ അഡ്വ. ഷംസുദ്ദീൻ കരു​നാഗപള്ളി മുഖേന നാലരലക്ഷം  ദിർഹം ആവശ്യപ്പെട്ട്​ ദുബൈ സിവിൽ കോടതിയിൽ കേസ്​ ഫയൽ ചെയ്​തു. ഇതിലാണ്​ 2.60 ലക്ഷം  ദിർഹം നഷ്​ടപരിഹാരം നൽകാൻ എതിർകക്ഷിയായ ഇൻഷുറൻസ്​ കമ്പനിക്കെതിരെ വിധിച്ചത്​. എന്നാൽ കൂടുതൽ നഷ്​ടപരിഹാരത്തിനായി  അപ്പീൽ ഫയൽ ചെയ്​തതായി അഡ്വ. ഷംസുദ്ദീൻ അറിയിച്ചു.