മലയാളി ഡോക്​ടർ ജോർജ്​ മാത്യുവിന്​  അബൂദബിയുടെ പരമോന്നത സിവിലിയൻ അവാർഡ്​

അൽ​െഎൻ: മലയാളി ഡോക്​ടറായ ജോർജ്​ മാത്യുവിന്​  അബൂദബി എമിറേറ്റി​​​െൻറ പരമോന്നത സിവിലിയൻ അവാർഡ്​. അഞ്ച്​ പതിറ്റാണ്ട്​ അബൂദബിയിലെ ആരോഗ്യ പരിചരണ മേഖലയിൽ നടത്തിയ നിസ്വാർഥ സേവനങ്ങൾ പരിഗണിച്ചാണ്​ 2018​െല അബൂദബി അവാർഡ്​ നൽകി പത്തനംതിട്ട തുമ്പമൺ സ്വദേശിയായ ഡോ. ജോർജ്​ മാത്യുവിനെ ആദരിച്ചത്​. അബൂദബി അൽ ബഹ്​ർ കൊട്ടാരത്തിൽ നടന്ന ചടങ്ങിൽ അബൂദബി കിരീടാവകാശിയും യു.എ.ഇ സായുധ സേന ഡെപ്യൂട്ടി സുപ്രീം കമാൻഡറുമായ ജനറൽ ശൈഖ് മുഹമ്മദ് ബിൻ സായിദ് ആൽ നഹ്​യാൻ അവാർഡ്​ സമ്മാനിച്ചു.

1967ൽ യു.എ.ഇയിലെത്തിയ ഡോ. ജോർജ്​ മാത്യു അബൂദബി എമിറേറ്റി​​​െൻറ ആരോഗ്യ പരിചരണ മേഖലയുടെ വികസനത്തിൽ മുഖ്യ പങ്ക്​ വഹിച്ചു. അൽ​െഎനിലെ ആദ്യത്തെ സർക്കാർ ആശുപത്രി ആരംഭിക്കുന്നതിന്​ നേതൃത്വം നൽകി​യത്​ ഇദ്ദേഹമാണ്​. ജനറൽ മെഡിസിൻ, കാഷ്വാലിറ്റി വിഭാഗങ്ങളിൽ പ്രവർത്തിച്ച ജോർജ്​ മാത്യു വൻ ജനസ്വീകാര്യത നേടി. മെഡിക്കൽ ഡയറക്​ടറായ ഇദ്ദേഹത്തി​​​െൻറ ഭാര്യയും മകളും അൽ​െഎനിലുണ്ട്​.

ഡോ. ജോർജ്​ മാത്യവിന്​ പുറമെ ശൈഖ്​ മുബാറക്​ ബിൻ ഖറാൻ ആൽ മൻസൂറി, ഫറാഹ്​ ഹാഷിം ആൽ ഖസിയ്യ, ഇബ്രാഹിം അബ്​ദുൽ റഹ്​മാൻ ആൽ ആബിദ്​, ഡോ. ജയന്തി മെയ്​ത്ര, അലി ബിൻ മൻഇ ആൽ അഹ്​ബാദി, ഫാത്തിമ അലി ആൽ കഅബി, തിബാൻ സാലിം ആൽ മുഹൈരി, ഡോ. അസ്സാം ആൽ സോബീ എന്നിവർക്കാണ്​ അവാർഡ്​. കായികം, ദേശീയ നവോത്ഥാനം, സാമൂഹിക സംരംഭങ്ങൾ, മാധ്യമ വികസനം, ചികിത്സാ ഗവേഷണം, വിദ്യാഭ്യാസ പരിശീലന^വികസനം, ചരിത്രഗവേഷണം എന്നീ മേഖലകളിലെ സംഭാവനകളാണ്​ ഇൗ വർഷത്തെ പുരസ്​കാരത്തിന്​ പരിഗണിച്ചത്​.

അബൂദബി എമിറേറ്റി​​​​െൻറ പര​മോന്നത സിവിലിയൻ പുരസ്​കാരമാണ്​ അബൂദബി അവാർഡ്​. നിസ്വാർഥമായ ഒൗദാര്യവും അനുകമ്പയും പ്രചോദിപ്പിച്ച്​ ശൈഖ്​ സായിദി​​​െൻറ പൈതൃകം കാത്തുസൂക്ഷിക്കുക എന്ന ലക്ഷ്യത്തോടെ 2005ൽ യു.എ.ഇ പ്രസിഡൻറ്​ ശൈഖ്​ ഖലീഫ ബിൻ സായിദാണ്​ അവാർഡിന്​ തുടക്കമിട്ടത്​. സായിദ്​ വർഷം ആചരിക്കുന്ന 2018ൽ അവാർഡിന്​ സവിശേഷ പ്രസക്​തിയുണ്ട്​. നിസ്വാർഥമായി പ്രവർത്തിക്കുകയും ജീവകാരുണ്യ പാതയിൽ തുടരാൻ രാജ്യത്തെ പ്രചോദിപ്പിക്കുകയും ചെയ്​ത ഇൗ അസാമാന്യ വ്യക്​തിത്വങ്ങളെ അഭിനന്ദിക്കുന്നുവെന്ന്​ ശൈഖ് മുഹമ്മദ് ബിൻ സായിദ് ആൽ നഹ്​യാൻ പുരസ്​കാര വിതരണ ചടങ്ങിൽ പറഞ്ഞു. ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് സൈഫ് ബിൻ സായിദ് ആൽ നഹ്​യാൻ, ഉപപ്രധാനമന്ത്രിയും പ്രസിഡൻഷ്യൽകാര്യ മന്ത്രിയുമായ ശൈഖ് മൻസൂർ ബിൻ സായിദ് ആൽ നഹ്​യാൻ, സഹിഷ്ണുതാ കാര്യ മന്ത്രി ശൈഖ് നഹ്​യാൻ ബിൻ മുബാറക് ആൽ നഹ്​യാൻ തുടങ്ങിയവരും പ​െങ്കടുത്തു.