അബൂദബിയിൽ മരിച്ച മലപ്പുറം സ്വദേശിയുടെ മൃതദേഹം  നാട്ടിലേക്ക്​ കൊണ്ടുപോയി

അബൂദബി: കുടുംബത്തെ ഷാർജ വിമാനത്താവളത്തിൽനിന്ന് നാട്ടിലേക്ക് യാത്രയാക്കി മുറിയിലെത്തിയതിന്​ ​ശേഷം ഹൃദയ സ്തംഭനം മൂലം മരിച്ച യുവാവി​​െൻറ മൃതദേഹം നാട്ടിലേക്ക്​ കൊണ്ടുപോയി. പറപ്പൂർ ഇല്ലിപ്പുലാക്കൽ റഹ്​മത്ത് നഗറിലെ പുല്ലമ്പലവൻ കുഞ്ഞാലൻ ഹാജിയുടെ മകൻ ഹനീഫയുടെ (33) മൃതദേഹമാണ്​ ബുധനാഴ്​ച പുലർച്ചെ 12.40നുള്ള എയർ ഇന്ത്യ എക്​സ്​പ്രസിൽ കൊണ്ടുപോയത്​. 

ശനിയാഴ്ച ഉച്ചക്ക് രണ്ടോടെയാണ്​ ഹനീഫ മരിച്ചത്​. ഏഴ് മാസം മുമ്പ് കുടുംബത്തോടൊപ്പം നാട്ടിൽനിന്ന്​ വന്ന ഹനീഫ അബൂദബി-സൗദി അതിർത്തിയിലെ സിലയിലാണ് താമസിച്ചിരുന്നത്​. അവിടെ കടകൾ നടത്തി വരികയായിരുന്നു. ശനിയാഴ്ച കട തുറക്കാതിരുന്നത് അന്വേഷിച്ച്​ ചെന്നവരാണ്​ മരിച്ചതായി കണ്ടത്​. 
മാതാവ്: ആയിഷ. ഭാര്യ: ഹബീബ. മക്കൾ: ഹാദിയ ഫാത്തിമ, ഹംദ ഹയ. മൃതദേഹം ഇല്ലിപ്പുലാക്കൽ ജുമാ മസ്ജിദിൽ ഖബറടക്കുമെന്ന് ബന്ധുക്കൾ അറിയിച്ചു.