മലപ്പുറം സ്വദേശി അബൂദബിയിൽ ഹൃദയാഘാതത്തെ തുടർന്ന് മരിച്ചു

അബൂദബി: മലപ്പുറം സ്വദേശി അബൂദബിയിൽ ജോലിക്കിടെ ഹൃദയാഘാതം മൂലം മരിച്ചു. മഞ്ചേരി പന്തല്ലൂർ സ്വദേശി ഇബ്രാഹിം എന് ന ബാപ്പുവാണ് (51) മരിച്ചത്. ഹംദാൻ സ്ട്രീറ്റിൽ ദർവേഷ് മസ്ജിദിരികിലെ ബിറ്റ്സ് ബൈറ്റ്സ് കഫ്ത്തേരിയ ജീവനക്കാരനാണ്.

അവധി കഴിഞ്ഞ് രണ്ട് മാസം മുമ്പാണ് അബൂദബിയിൽ തിരിച്ചെത്തിയത്.
കാര്യമായ ഒരു അസുഖവും ഇല്ലാതിരുന്ന ഇബ്രാഹിം പതിവ് പോലെ ശനിയാഴ്ച രാവിലെ കടയിൽ എത്തി ഉച്ചവരെ ജോലി ചെയ്തിരുന്നു. ജോലിക്കിടെ കുഴഞ്ഞുവീണതിനെ തുടർന്ന് ശൈഖ് ഖലീഫ ആശുപത്രിയിൽ എത്തിച്ചെങ്കിലും മരിച്ചു.

ഭാര്യ: റുഖിയ. മക്കൾ: സുഹൈൽ, ഫാത്തിമത്ത് നൂറ (വിദ്യാർഥികൾ). മയ്യത്ത് നാട്ടിൽ കൊണ്ടുപോവാനുള്ള ശ്രമങ്ങൾ അബൂദബി കെ.എം.സി.സി പ്രവർത്തകരുടെ നേതൃത്വത്തിൽ നടക്കുന്നു.