മലബാര്‍ ഗോൾഡിെൻറ സിംഗപ്പൂരിലെ മൂന്നാമത്തെ ഷോറൂം തുറന്നു
text_fields
ദുബൈ: മലബാര്‍ ഗോള്‍ഡ് ആൻഡ് ഡയമണ്ട്സിെൻറ സിംഗപ്പൂരിലെ മൂന്നാമത്തെ ഷോറൂം പ്രവര്‍ത്തനമാരംഭിച്ചു.
മലബാര്‍ ഗ്രൂപ് ചെയര്‍മാന്‍ എം.പി. അഹമ്മദ് വെര്‍ച്വലായി ഉദ്ഘാടനം ചെയ്തു. കോ ചെയര്‍മാന്‍ ഡോ. പി.എ. ഇബ്രാഹിം ഹാജി, വൈസ് ചെയര്‍മാന്‍ കെ.പി. അബ്ദുസ്സലാം, ഇൻറര്‍നാഷനല്‍ ഓപറേഷന്‍സ് മാനേജിങ് ഡയറക്ടര്‍ ഷംലാല്‍ അഹമ്മദ്, ഇന്ത്യ ഓപറേഷന്‍സ് മാനേജിങ് ഡയറക്ടര്‍ ഒ. ആഷര്‍ തുടങ്ങിയവര്‍ സന്നിഹിതരായി. ഉപഭോക്താക്കളുടെ വര്‍ധനയും ബ്രാന്‍ഡിനോടുള്ള പ്രിയം കൂടി വരുന്നതും പരിഗണിച്ചാണ് സെറംഗൂണ്‍ റോഡിലെ സെന്‍ട്രിയം സ്ക്വയറിനുള്ളിലെ പുതിയ ഷോറൂം ആരംഭിച്ചത്.
പൂതിയ ഷോറൂം ലോഞ്ച് ചെയ്തതില്‍ സന്തോഷമുണ്ടെന്നും ഇതിലൂടെ ഫാര്‍ ഈസ്റ്റ് മേഖലകളില്‍ ബ്രാന്‍ഡിെൻറ സാന്നിധ്യം കൂടുതല്‍ ശക്തിപ്പെടുത്താന്‍ കഴിയുമെന്നും മലബാര്‍ ഗ്രൂപ് ചെയര്‍മാന്‍ എം.പി. അഹമ്മദ് പറഞ്ഞു. ഈ വര്‍ഷം അവസാനിക്കുന്നതിനു മുമ്പ് മലേഷ്യയില്‍ രണ്ടു പുതിയ ഷോറൂമുകള്‍ കൂടി ആരംഭിക്കുമെന്നും അേദ്ദഹം പറഞ്ഞു.