ഫുജൈറയിലെ പ്രളയബാധിതർക്ക് സഹായവുമായി മലബാർ ഗോൾഡ്
text_fieldsദുബൈ: മലബാർ ഗോൾഡ് ആൻഡ് ഡയമണ്ട്സ് കെ.എം.സി.സിയുമായി ചേർന്ന് ഫുജൈറയിലെ പ്രളയബാധിത പ്രദേശങ്ങളിൽ ഭക്ഷ്യകിറ്റുകൾ വിതരണം ചെയ്തു. മലബാർ ഗോൾഡിന്റെ കോർപറേറ്റ് സാമൂഹിക പ്രതിബദ്ധത പദ്ധതി(സി.എസ്.ആർ) ടീമിന്റെ നേതൃത്വത്തിൽ അരി, പയർ, എണ്ണ, സുഗന്ധവ്യഞ്ജനങ്ങൾ എന്നിവയുൾപ്പെടെ അവശ്യസാധനങ്ങൾ അടങ്ങിയ 100 ഭക്ഷ്യ കിറ്റാണ് വിതരണം ചെയ്തത്.
പ്രളയക്കെടുതിയിൽ ദുരിതമനുഭവിക്കുന്നവർക്ക് പ്രയാസം ലഘൂകരിക്കാൻ പ്രവർത്തനം സഹായകമാകുമെന്ന് പ്രതീക്ഷിക്കുന്നതായി മലബാർ ഗോൾഡ് ആൻഡ് ഡയമണ്ട്സ് ഇന്റർനാഷനൽ ഓപറേഷൻസ് മാനേജിങ് ഡയറക്ടർ ഷംലാൽ അഹമ്മദ് പറഞ്ഞു.
സി.എസ്.ആർ പ്രവർത്തനങ്ങൾ മലബാർ ഗോൾഡിന്റെ പ്രധാന മൂല്യങ്ങളിൽ ഒന്നാണ്. ദുരിതബാധിത പ്രദേശങ്ങൾ എത്രയും വേഗം സാധാരണ നിലയിലേക്ക് തിരിച്ചുവരാൻ പ്രാർഥിക്കുന്നതായും അദ്ദേഹം കൂട്ടിച്ചേർത്തു. മലബാർ ഗോൾഡ് ആൻഡ് ഡയമണ്ട്സിന്റെ ലാഭത്തിന്റെ അഞ്ചു ശതമാനം സാമൂഹിക പ്രതിബദ്ധത പദ്ധതി പ്രവർത്തനങ്ങൾക്കായി ചെലവഴിക്കുന്നുണ്ട്. ഇന്ത്യ, ജി.സി.സി, മലേഷ്യ, സിംഗപ്പൂർ, യു.എസ് തുടങ്ങിയ രാജ്യങ്ങളിലെ മലബാർ ഷോറൂമുകൾ വഴി സമാന മനസ്കരായ സംഘടനകളുമായി ചേർന്ന് നിരവധി ക്ഷേമപ്രവർത്തനങ്ങൾ നടത്തുന്നുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.