മലബാർ അടുക്കളയുടെ ‘സമൃദ്ധി’ പദ്ധതി സംസ്ഥാന തലത്തിലേക്ക്        

ദുബൈ:  ദുബൈ ആസ്​ഥാനമായുള്ള  ‘മലബാർ അടുക്കള’ ഫേസ്​ബുക്ക്​ കൂട്ടായ്​മ കഴിഞ്ഞ വർഷം കോഴിക്കോട്ട്​ തുടക്കം കുറിച്ച ‘സമൃദ്ധി’ പദ്ധതി ഇത്തവണ 14 ജില്ലകളിലേക്കും വ്യാപിപ്പിക്കുന്നു. തീരദേശ, മലയോര പ്രദേശങ്ങളിലെ പ്രാഥമിക വിദ്യാലയങ്ങളിലെ വിദ്യാർത്ഥികൾക്ക്​ ​േപാഷകാഹാരം നൽകാനുള്ള ജീവകാരുണ്യ പദ്ധതിയാണ്​ സമൃദ്ധി.

കോഴിക്കോട്​ വെള്ളയിൽ ഗവ. ഫിഷറീസ്​ യു.പി.സ്​കൂളിൽ കഴിഞ്ഞവർഷം നടപ്പാക്കിയ പദ്ധതി വൻ വിജയമായതിനെ തുടർന്നാണ്​ ​ ഇൗ അധ്യയന വർഷം മുതൽ എല്ലാ ജില്ലകളിലേക്കും വ്യാപിപ്പിക്കാൻ തീരുമാനിച്ചതെന്ന്​ സ്​ഥാപകനും ചെയർമാനുമായ മുഹമ്മദലി ചക്കോത്ത്​ ‘ഗൾഫ്​ മാധ്യമ’ത്തോട്​ പറഞ്ഞു. 
പോഷകാഹാരക്കുറവിനും അനുബന്ധമായുണ്ടാവുന്ന പഠന പിന്നാക്കാവസ്ഥക്കും പരിഹാരം കാണാനുള്ള  സംരംഭമാണ് സമൃദ്ധി. വിദ്യാർത്ഥികളുടെ സമഗ്രാരോഗ്യ പദ്ധതിയായി വിഭാവനം ചെയ്ത ഇൗ ഉദ്യമത്തിൽ എല്ലാ വിദ്യാർത്ഥികൾക്കും പ്രഭാത ഭക്ഷണം, പോഷക സമ്പൂർണമായ ഉച്ചഭക്ഷണം, മെഡിക്കൽ ക്യാമ്പുകൾ, വിദ്യാർത്ഥി - രക്ഷാകർതൃ ശാക്തീകരണ ക്യാമ്പുകൾ,  ബോധവൽക്കരണ ക്ലാസ്സുകൾ തുടങ്ങിയവ ലഭ്യമാക്കും.

  കോഴിക്കോട്   വെള്ളയിൽ ഗവ: ഫിഷറീസ് യു.പി. സ്കൂളിന്​ പു റമെ ഇടുക്കി ജില്ലയിലെ അടിമാലി കത്തിപ്പാറ ഗവ: എൽ.പി.സ്കൂളിലും പദ്ധതി ഇതിനകം നടപ്പാക്കിയിട്ടുണ്ട്​​. ഈ വർഷം 14 ജില്ലകളിൽ നിന്നും ഓരോ പിന്നാക്ക  വിദ്യാലയങ്ങൾ ഏറ്റെടുക്കാനാണ് ഉദ്ദേശിക്കുന്നതെന്ന്​ അദ്ദേഹം പറഞ്ഞു. 
പ്രാഥമിക പ്രവർത്തനങ്ങൾ ആരംഭിച്ചു കഴിഞ്ഞു.

ഒരു വിദ്യാലയത്തിന് ശരാശരി ഒരു ലക്ഷം രൂപയാണ് വിലയിരുത്തുന്നത്. ‘മലബാർ അടുക്കള’യുടെ ജി.സി.സി.യിലെ വിവിധ ചാപ്റ്ററുകളാണ് ഓരോ ജില്ലയെ ഏറ്റെടുക്കുന്നത്. താൽപര്യമുള്ള അംഗങ്ങൾ ഫണ്ട്  സ്വയം വഹിക്കുന്നു.​അതേസമയം മലബാറി​​െൻറ തനത്​ ഭക്ഷണങ്ങൾ ലോകത്തിന്​ മുന്നിൽ അവതരിപ്പിക്കാനായി 2014 ജൂലൈയിൽ കോഴിക്കോട്​ പയ്യോളി സ്വദേശിയായ മുഹമ്മദലിയും കൂട്ടുകാരും തുടങ്ങിയ ‘മലബാർ അടുക്കള’ ഫേസ്​ബുക്​ ഗ്രൂപ്പിൽ ഇപ്പോൾ അംഗങ്ങളുടെ എണ്ണം മൂന്നു ലക്ഷം കവിഞ്ഞിട്ടുണ്ട്​. ഇതിൽ കൂടുതലും സ്​ത്രീകളാണെന്ന പ്രത്യേകതയുമുണ്ട്​. ഗൾഫിനും ഇന്ത്യക്കും പുറത്ത്​ യുറോപ്പിലും അമേരിക്കയിലും വരെ ഗ്രൂപ്പിന്​ അംഗങ്ങളുണ്ട്​.

മലബാർ രുചിക്കപ്പുറം ലോകമെങ്ങുമുള്ള മലയാളിയുടെ പാചക വൈദഗ്​ധ്യം പങ്കുവെക്കാനുള്ള മഹാവേദിയായി ഗ്രൂപ്പ്​ മാറിക്കഴിഞ്ഞു.  ഇപ്പോൾ ഇതേ പേരിൽ ദുബൈിൽ കമ്പനി രൂപവത്​കരിച്ചിട്ടുണ്ട്​. ഉടൻ ദുബൈയിൽ  റസ്​റ്റോറൻറ്​ ആരംഭിക്കും. 
അമേരിക്കയിലെ ടെക്​സാസിലും മറ്റു ഗൾഫ്​ രാജ്യങ്ങളിലും മലബാർ അടുക്കള റസ്​റ്റോറൻറുകൾ തുടങ്ങും. കേരളത്തിൽ കോഴിക്കോട്ടും തൃശൂരുമാണ്​ ആദ്യഘട്ടത്തിൽ റസ്​​േറ്റാറൻറുകൾ തുടങ്ങുകയെന്ന്​ അദ്ദേഹം പറഞ്ഞു. 56 കോ ഒാർഡിനേറ്റർമാരും 17 അഡ്​മിൻമാരും 100 അംഗ എക്​സിക്യൂട്ടീവ്​ കമ്മിറ്റിയുമാണ്​ ഗ്രൂപ്പി​​െൻറ പ്രവർത്തനങ്ങൾ നിയന്ത്രിക്കുന്നത്​.