ഹ​ത്ത​യി​ൽ മാ​ലി​ന്യ സം​സ്ക​ര​ണ​ത്തി​ന്​ ​ബൃ​ഹ​ത്​ പ​ദ്ധ​തി

ദു​ബൈ: ഹ​ത്ത​യി​ൽ സ​മ​ഗ്ര​മാ​യ മാ​ലി​ന്യ സം​സ്ക​ര​ണ, പു​ന​രു​പ​യോ​ഗ പ​ദ്ധ​തി പ്ര​ഖ്യാ​പി​ച്ച്​ ദു​ബൈ മു​നി​സി​പ്പാ​ലി​റ്റി. ‘സീ​റോ വേ​സ്റ്റ്​‘ കാ​മ്പ​യി​​നി​ന്‍റെ ഭാ​ഗ​മാ​യി യു.​എ.​ഇ​യി​ലെ പ്ര​മു​ഖ നി​ർ​മാ​ണ ക​മ്പ​നി​യാ​യ ഇം​ദാ​ദു​മാ​യി കൈ​കോ​ർ​ത്തു കൊ​ണ്ടാ​ണ്​ പ​ദ്ധ​തി ന​ട​പ്പി​ലാ​ക്കു​ന്ന​ത്.

പ​ദ്ധ​തി​യു​ടെ ഭാ​ഗ​മാ​യി ഹ​ത്ത​യി​ൽ 60,043 ച​തു​ര​ശ്ര മീ​റ്റ​ർ വി​സ്തൃ​തി​യി​ൽ മാ​ലി​ന്യ സം​സ്ക​ര​ണ കേ​ന്ദ്രം ആ​രം​ഭി​ച്ചു. ഭ​ര​ണ​നി​ർ​വ​ഹ​ണ​ത്തി​നാ​യി ഓ​ഫി​സും മാ​ലി​ന്യം ശേ​ഖ​രി​ക്കു​ന്ന​തി​നാ​യി പ്ര​ത്യേ​ക മേ​ഖ​ല​യും ഉ​ൾ​പ്പെ​ടു​ന്ന​താ​ണ്​ കേ​ന്ദ്രം. നി​ല​വി​ൽ ഹ​ത്ത​യി​ൽ മാ​ലി​ന്യം ത​ള്ളു​ന്ന സ്ഥ​ല​മാ​ണ്​ ഈ ​രീ​തി​യി​ൽ പ​രി​വ​ർ​ത്തി​പ്പി​ച്ച​ത്. ഇ​വി​ടെ നി​ന്ന്​ മാ​ലി​ന്യ​ങ്ങ​ൾ ശാ​സ്ത്രീ​യ​മാ​യി വേ​ർ​തി​രി​ച്ച്​ ദു​ബൈ​യി​ലെ സം​സ്‌​ക​ര​ണ സ്ഥ​ല​ങ്ങ​ളി​ലേ​ക്ക് മാ​റ്റു​ക​യാ​ണ്​ ല​ക്ഷ്യം.

ഹ​ത്ത​യി​ൽ പ്ര​തി​ദി​നം ശ​രാ​ശ​രി 20 ട​ൺ ഖ​ര മാ​ലി​ന്യ​ങ്ങ​ൾ പു​റ​ന്ത​ള്ളു​ന്നു​ണ്ടെ​ന്നാ​ണ്​ ക​ണ​ക്ക്. നി​ല​വി​ൽ ഈ ​മാ​ലി​ന്യ​ങ്ങ​ൾ ഹ​ത്ത​യി​ൽ ത​ന്നെ കു​ഴി​ച്ചു​മൂ​ടു​ക​യാ​ണ്. പു​തി​യ കേ​ന്ദ്രം വ​രു​ന്ന​തോ​ടെ മാ​ലി​ന്യ​ങ്ങ​ൾ ശാ​സ്ത്രീ​യ​മാ​യി വേ​ർ​തി​രി​ക്കാ​നും സം​സ്ക​ര​ണ കേ​ന്ദ്ര​ങ്ങ​ളി​ൽ എ​ത്തി​ക്കാ​നും സാ​ധി​ക്കും.

ഹ​ത്ത​യി​ലേ​ത്​ കൂ​ടാ​തെ സ​മീ​പ മേ​ഖ​ല​യി​​ൽ നി​ന്ന്​ പ്ര​തി​ദി​നം 27 ട​ൺ കാ​ർ​ഷി​ക മാ​ലി​ന്യ​ങ്ങ​ൾ കൂ​ടി ശേ​ഖ​രി​ച്ച്​ ശ​രി​യാ​യ രൂ​പ​ത്തി​ൽ വേ​ർ​തി​രി​ച്ച്​ വ​ർ​സാ​നി​ലെ മാ​ലി​ന്യ-​ഊ​ർ​ജ ഉ​ൽ​​പാ​ദ​ന കേ​ന്ദ്ര​ത്തി​ലെ​ത്തി​ക്കും. ഇ​തു വ​ഴി ഹ​ത്ത​യി​ലെ സു​സ്ഥി​ര മാ​ലി​ന്യ സം​സ്​​ക​ര​ണ സേ​വ​ന​ങ്ങ​ൾ കൂ​ടു​ത​ൽ ശ​ക്​​ത​മാ​വും.

അ​തോ​ടൊ​പ്പം ദു​ബൈ നി​വാ​സി​ക​ളേ​യും സ​മൂ​ഹ​ത്തേ​യും പ​രി​സ്ഥി​തി സൗ​ഹൃ​ദ​പ​ര​മാ​യ ജീ​വി​ത രീ​തി സ്വീ​ക​രി​ക്കാ​ൻ പ്രോ​ത്സാ​ഹി​പ്പി​ക്കു​ക​യു​മാ​ണ്​ പു​തി​യ പ​ദ്ധ​തി​യി​ലൂ​ടെ മു​നി​സി​പ്പാ​ലി​റ്റി ല​ക്ഷ്യ​മി​ടു​ന്ന​ത്. 1,147 താ​മ​സ​ക്കാ​ർ​ക്ക്​ പ​ദ്ധ​തി ഗു​ണം ചെ​യ്യും. മാ​ലി​ന്യം സം​ഭ​രി​ക്കു​ന്ന​തി​നും ശേ​ഖ​രി​ക്കു​ന്ന​തി​നു​മാ​യി 2,500 വീ​പ്പ​ക​ൾ മു​നി​സി​പ്പാ​ലി​റ്റി മേ​ഖ​ല​യി​ൽ സ്ഥാ​പി​ച്ചി​ട്ടു​ണ്ട്​. പു​ന​രു​പ​യോ​ഗി​ക്കാ​വു​ന്ന മാ​ലി​ന്യ​ങ്ങ​ൾ വേ​ർ​തി​രി​ച്ച്​ പ​ച്ച വീ​പ്പ​ക​ളി​ലും പു​ന​രു​പ​യോ​ഗി​ക്കാ​നാ​കാ​ത്ത മാ​ലി​ന്യ​ങ്ങ​ൾ ക​റു​ത്ത വീ​പ്പ​ക​ളി​ലും ശേ​ഖ​രി​ക്കും.