യു.എ.ഇ നിയമത്തിൽ വൻ പരിഷ്​കരണം

ദുബൈ: യു.എ.ഇയുടെ നിയമവ്യവസ്​ഥയിൽ ചരിത്രത്തിലെ ഏറ്റവും വലിയ പരിഷ്​കരണത്തിന്​ ​പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നെഹ്​യാൻ അംഗീകാരം നൽകി. സാമൂഹിക സ്ഥിരത, സുരക്ഷ, വ്യക്തികളുടെയും സ്ഥാപനങ്ങളുടെയും അവകാശങ്ങൾ ഉറപ്പാക്കൽ, സാമ്പത്തിക-നിക്ഷേപ-വാണിജ്യ അവസരങ്ങൾ ശക്തിപ്പെടുത്തൽ എന്നിവ ലക്ഷ്യമിട്ടാണ്​ പരിഷ്​കരണം.

രാജ്യം സുവർണ ജൂബിലി ആഘോഷിക്കുന്ന സന്ദർഭത്തിൽ ഭാവിയിലേക്കുള്ള തത്വങ്ങൾക്കും പദ്ധതികൾക്കും അനുസരിച്ചാണ്​ നിയമത്തിൽ മാറ്റങ്ങൾ വരുത്തിയിരിക്കുന്നത്​. 40ലേറെ നിയമങ്ങളിലാണ്​ മാറ്റങ്ങളും നവീകരണവും വരുത്തിയിരിക്കുന്നത്​. ക്രിമിനൽ നിയമങ്ങൾ അടക്കമുള്ളവ അടുത്ത വർഷം ജനുവരി രണ്ടോടെ പൂർണമായും നടപ്പിലാക്കും.

പ്രാദേശിക, ഫെഡറൽ തലങ്ങളിലെ ചർച്ചകൾക്കും ഏകോപനത്തിനും ശേഷമാണ് പുതിയ മാറ്റങ്ങൾ തീരുമാനിച്ചത്​. 50 ഫെഡറൽ, ലോക്കൽ അതോറിറ്റികളിൽ നിന്നുള്ള 540 വിദഗ്​ധർ അടങ്ങുന്ന സംഘങ്ങൾ കഴിഞ്ഞ അഞ്ച് മാസമായി രാജ്യത്തെ 100ലധികം സ്ഥാപനങ്ങളുമായും കൂടിയാലോചന നടത്തിയിട്ടുണ്ട്.

നിയമത്തിലെ പ്രധാന മാറ്റങ്ങൾ

•ഡിജിറ്റൽ സിഗ്​നേചറുകൾക്ക് കൈയൊപ്പി​െൻറ അതേ മൂല്യമുണ്ടാകും. ഇടപാടുകൾ പൂർത്തിയാക്കുന്നതിന് വ്യക്​തികൾ ഹാജരാകേണ്ട ആവശ്യം ഇതിലൂടെ ഒഴിവാകും. നോട്ടറി, റിയൽ എസ്​റ്റേറ്റ്​, വാണിജ്യ ഇടപാടുകൾ എന്നിവക്കെല്ലാം ഇത്​ ബാധകമാകും.

•കോപിറൈറ്റ്​ ഉറപ്പുവരുത്തി ക്രിയേറ്റീവ്​ ഇൻഡസ്​ട്രിയെ ശക്​തിപ്പെടുത്തും. കൃതിയുടെ ആദ്യ പ്രസിദ്ധീകരണം നിർണയിക്കാനുള്ള അവകാശം, ഒരാളുടെ പേരിൽ കൃതി എഴുതാനുള്ള അവകാശം, കൃതിയിൽ മാറ്റം വരുത്തുന്നതിനെതിരെ നടപടി ആവശ്യപ്പെടാനുള്ള അവകാശം എന്നിവ ഇത്​ ഉറപ്പുനൽകുന്നു.

•ട്രേഡ്​ മാർക്കുകൾക്ക്​ സംരക്ഷണം ഉറപ്പുനൽകുന്നു. വ്യാപാരമുദ്രകൾ, ഹോളോഗ്രാമുകൾ, ഒരു കമ്പനിയുമായി ബന്ധപ്പെട്ട മ്യൂസിക്കൽ ടോണുകൾ പോലെയുള്ള ശബ്​ദ വ്യാപാരമുദ്രകൾ എന്നിവക്ക്​ പരിരക്ഷ നൽകും.

•രജിസ്ട്രേഷൻ, ഡാറ്റ മോണിറ്ററിംഗ്, മാറ്റം എന്നിവയുൾപ്പെടെ വാണിജ്യ രേഖകൾ സ്ഥാപിക്കുന്നതിനും നിയന്ത്രിക്കുന്നതിനും അവകാശം ഓരോ എമിറേറ്റിലെയും പ്രാദേശിക അധികാരികളിൽ​ നിലനിർത്തും.

•നിക്ഷേപകരെയും സംരംഭകരെയും എല്ലാ മേഖലകളിലും കമ്പനികൾ സ്ഥാപിക്കാനും പൂർണമായി സ്വന്തമാക്കാനും നിയമം അനുവദിക്കുന്നു. 'തന്ത്രപരമായ പ്രവർത്തനങ്ങൾ'എന്ന്​ വേർതിരിച്ച ചില മേഖലകളിലൊഴികെ ഇത്​ ബാധകമാണ്​.

•യു.എ.ഇയിലെ ഉന്നത വിദ്യാഭ്യാസ സ്ഥാപനങ്ങളുടെ ലൈസൻസ് സംബന്ധിച്ച്​ നിയമം വ്യക്​തമാക്കുന്നു. രാജ്യത്തെ ഉന്നത വിദ്യാഭ്യാസത്തി​െൻറ ഗുണനിലവാരവും മത്സരക്ഷമതയും മെച്ചപ്പെടുത്തുന്നതിനും ശാസ്ത്രീയ ഗവേഷണങ്ങളെ പ്രോത്സാഹിപ്പിക്കുന്നതിനും കൃത്യമായ സംവിധാനം ഒരുക്കും.

•സൈബർ കുറ്റകൃത്യങ്ങൾ, ഓൺലൈൻ ഉപദ്രവം, ഭീഷണിപ്പെടുത്തൽ, വ്യാജ വാർത്തകൾ എന്നിവ തടയാൻ ശക്​തമായ നിയമം.

•വ്യക്​തിവിവരങ്ങളുടെ രഹസ്യസ്വഭാവം ഉറപ്പുവരുത്തുന്നതിനും സ്വകാര്യത സംരക്ഷിക്കുന്നതിനും 'വ്യക്തിഗത ഡേറ്റ സംരക്ഷണ നിയമം' രൂപീകരിച്ചു.

കുറ്റകൃത്യ–ശിക്ഷാനിയമത്തിലെ മാറ്റങ്ങൾ

• നിയമം സ്ത്രീകൾക്കും വീട്ടുജോലിക്കാർക്കും മികച്ച സംരക്ഷണം ഉറപ്പുനൽകും

•വിവാഹേതര ബന്ധങ്ങൾ കുറ്റകൃത്യമായി കണക്കാക്കില്ല.

•വിവാഹേതര ബന്ധത്തിലെ കുട്ടികളെ അംഗീകരിക്കപ്പെടുകയും പരിപാലിക്കപ്പെടുകയും ചെയ്യണം. ഇത്തരം കുട്ടികൾക്ക്​ ആവശ്യമായ യാത്രാരേഖകളും മറ്റു രേഖകളും ഉണ്ടാകണം.

•ബലാൽസംഗത്തിനും സമ്മതമില്ലാത്ത ലൈംഗികബന്ധത്തിനും ജീവപര്യന്തം ശിക്ഷ. ഇര 18 വയസിൽ കുറഞ്ഞ​യാളോ, ഭിന്നശേഷിക്കാരോ, പ്രതിരോധിക്കാൻ കഴിയാത്ത അവസ്ഥയിലുള്ള ആളോ ആണെങ്കിൽ വധശിക്ഷ വരെ ലഭിക്കും.

•അപമര്യാദയായി പെരുമാറുന്നവർക്ക്​ തടവോ 10,000 ദിർഹത്തിൽ കുറയാത്ത പിഴയോ ശിക്ഷ. ക​ുട്ടികളോ ഭിന്നശേഷിക്കാരോ ആണ്​ ആക്രമിക്കപ്പെടുന്നതെങ്കിൽ 10വർഷം വരെ തടവ്​.

•വിവാഹേതര ബന്ധങ്ങളിൽ ഭർത്താവി​െൻറയോ രക്ഷിതാവി​െൻറയോ പരാതിയുണ്ടെങ്കിൽ ക്രിമിനൽ കേസ് ചുമത്തും. ആറുമാസത്തിൽ കുറയാത്ത ശിക്ഷ. എന്നാൽ പരാതി പിൻവലിച്ചാൽ ശിക്ഷയിൽ നിന്ന്​ ഒഴിവാകും.• നിയമം സ്ത്രീകൾക്കും വീട്ടുജോലിക്കാർക്കും മികച്ച സംരക്ഷണം ഉറപ്പുനൽകും

•വിവാഹേതര ബന്ധങ്ങൾ കുറ്റകൃത്യമായി കണക്കാക്കില്ല.

•വിവാഹേതര ബന്ധത്തിലെ കുട്ടികളെ അംഗീകരിക്കപ്പെടുകയും പരിപാലിക്കപ്പെടുകയും ചെയ്യണം. ഇത്തരം കുട്ടികൾക്ക്​ ആവശ്യമായ യാത്രാരേഖകളും മറ്റു രേഖകളും ഉണ്ടാകണം.

•ബലാൽസംഗത്തിനും സമ്മതമില്ലാത്ത ലൈംഗികബന്ധത്തിനും ജീവപര്യന്തം ശിക്ഷ. ഇര 18 വയസിൽ കുറഞ്ഞ​യാളോ, ഭിന്നശേഷിക്കാരോ, പ്രതിരോധിക്കാൻ കഴിയാത്ത അവസ്ഥയിലുള്ള ആളോ ആണെങ്കിൽ വധശിക്ഷ വരെ ലഭിക്കും.

•അപമര്യാദയായി പെരുമാറുന്നവർക്ക്​ തടവോ 10,000 ദിർഹത്തിൽ കുറയാത്ത പിഴയോ ശിക്ഷ. ക​ുട്ടികളോ ഭിന്നശേഷിക്കാരോ ആണ്​ ആക്രമിക്കപ്പെടുന്നതെങ്കിൽ 10വർഷം വരെ തടവ്​.

•വിവാഹേതര ബന്ധങ്ങളിൽ ഭർത്താവി​െൻറയോ രക്ഷിതാവി​െൻറയോ പരാതിയുണ്ടെങ്കിൽ ക്രിമിനൽ കേസ് ചുമത്തും. ആറുമാസത്തിൽ കുറയാത്ത ശിക്ഷ. എന്നാൽ പരാതി പിൻവലിച്ചാൽ ശിക്ഷയിൽ നിന്ന്​ ഒഴിവാകും.