മഹ്​സൂസ്​: ഒരു കോടി രൂപ വീതം സ്വന്തമാക്കി രണ്ട്​ ഭാഗ്യശാലികൾ

ദുബൈ: യു.എ.ഇയിലെ ഏക അംഗീകൃത ഡിജിറ്റൽ തത്സമയ നറുക്കെടുപ്പായ മഹ്​സൂസിൽ ഈ വാരം അഞ്ച്​ ലക്ഷം ദിർഹം (ഒരുകോടി രൂപ) വീതം സ്വന്തമാക്കിയത്​ രണ്ട്​ ഭാഗ്യശാലികൾ. ആകെ 1487 ​പേർക്കാണ്​ സമ്മാനം സ്വന്തമായത്​. ആറ്​ നമ്പറുകളിൽ അഞ്ചും യോജിച്ച്​ വന്നവർക്കാണ്​ അഞ്ച്​ ലക്ഷം ദിർഹമി​െൻറ സമ്മാനം ലഭ്യമായത്​. നാല്​ നമ്പറുകൾ ഒത്തുവന്ന 74 പേർ 1000 ദിർഹം വീതം നേടി. 1413 പേർക്ക്​ 35 ദിർഹമും ലഭിച്ചതായി മഹ്‌സൂസിന്റെ മാനേജിങ്​ ഓപ്പറേറ്ററായ ഇ വിങ്​സ്​ എൽ.എൽ.സി അറിയിച്ചു.

22, 30, 32, 37, 42, 44 എന്നീ നമ്പറുകളാണ്​ കഴിഞ്ഞയാഴ്​ച തെരഞ്ഞെടുത്തത്​. ആകെ 11.23 ലക്ഷം ദിർഹമി​െൻറ സമ്മാനമാണ്​ നൽകിയത്​. അതേസമയം, 50 ദശലക്ഷം ദിർഹമി​െൻറ സമ്മാനം ഇക്കുറിയും ആർക്കും ലഭിച്ചില്ല. ഫെബ്രുവരി 20നാണ്​ അടുത്ത നറുക്കെടുപ്പ്​. www.mahzooz.ae എന്ന വെബ്​സൈറ്റിലൂടെ മത്സരത്തിൽ പ​ങ്കെടുക്കാം. വെബ്​സൈറ്റ്​ വഴി 35 ദിർഹം വിലയുള്ള അൽ ഇമാറാത്ത്​ വാട്ടർബോട്ടിൽ വാങ്ങി സംഭാവന ചെയ്യുന്നതിലൂടെയാണ്​ മത്സരത്തിലേക്ക്​ പ്രവേശിക്കുന്നത്​.

ഈ ബോട്ടിലുകൾ മെഹ്​സൂസി​െൻറ പാർട്​ണർമാർ വഴി ആവശ്യക്കാരിലേക്കെത്തിക്കും. നറു​ക്കെടുപ്പിലൂടെ​ ലഭിക്കുന്ന തുകയുടെ ഒരു ഭാഗം ജീവകാരുണ്യ പ്രവർത്തനങ്ങൾക്കായാണ്​ ചെലവഴിക്കുന്നത്​. എല്ലാ ശനിയാഴ്​ചകളിലും രാത്രി ഒമ്പതിന്​ നടക്കുന്ന തത്സമയ നറുക്കെടുപ്പ്​ മഹ്​സൂസി​െൻറ സൈറ്റിലൂയെും (www.mahzooz.ae) യൂട്യൂബ്​, ഫേസ്​ബുക്ക്​ പേജുകളിലൂടെയും കാണാം. ലബനീസ്​ ടി.വി താരം വിസാം ബ്രൈഡിയും മലയാളിയായ ഐശ്വര്യ അജിതുമാണ്​ മഹ്​സൂസി​െൻറ അവതാരകർ.